完整藏文原文 · 德格版页 当前仅加载第 35 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་ཚིགས་སུ་བཅད་པ་འདི་དག་སྨྲས་སོ། །ཆུ་ཀླུང་དྲི་མ་མེད་པའི་ཆུས་རྒྱས་ཤིང་། །གཞི་ནི་ནོར་བུ་རྡོ་རྗེའི་པདྨོས་བྱས། །རིན་ཆེན་མང་པོ་སིལ་བུས་གཞི་བཀྲམ་ཞིང་། །ཀུན་ནས་བརྒྱན་པ་སྣ་ཚོགས་ཡིད་དུ་འོང་། །ཐེམ་སྐས་ཕྲེང་བས་དེ་དག་ཀུན་ནས་བསྐོར། །པདྨོ་འཕྱང་བའི་མུ་ཁྱུད་འཁོར་
D44.035.0107b01.01ཅན་ཏེ། །མེ་ཏོག་བརྒྱན་པའི་མུ་ཏིག་ཕྲེང་བ་དང་། །མེ་ཏོག་ལྡ་ལྡིས་སྣ་ཚོགས་ཀུན་ནས་བྲེས། །ནོར་བུའི་ཆུ་བོ་སྤོས་ཆུ་འབྱུང་བ་ནི། །རིན་ཆེན་ཀུན་གྱི་ཁ་དོག་མདོག་ལྟར་འབབ། །རིན་ཆེན་ནོར་བུའི་མེ་ཏོག་མཛེས་པར་བཀོད། །སིལ་སྙན་སྒྲ་ནི་སངས་རྒྱས་གསུང་སྐད་བརྗོད། །དེ་དག་རྙོག་
D44.035.0107b02.01པ་ནོར་བུ་ཟླ་བ་སྟེ། །རིན་ཆེན་སྣ་ཚོགས་ཐམས་ཅད་དཔའ་ཀླད་དོ། །ཕྱོགས་རྣམས་བཅུ་པོ་ཀུན་ཏུ་རྟག་པར་ཡང་། །སྤོས་དང་བདུག་པ་འོད་འཕྲོའི་རྒྱན་འབྱུང་ངོ་། །ཆུ་བོ་རྣམས་ལས་རིན་ཆེན་ཐམས་ཅད་ཀྱི། །འོད་ཟེར་འཕྲོ་བ་ཀུན་ཏུ་རབ་ཏུ་འབྱུང་། །མེ་ཏོག་
D44.035.0107b03.01ནོར་བུའི་ཕུང་པོ་གདུགས་རྣམས་ཀྱང་། །རིན་ཆེན་ཀུན་གྱིས་གཟེར་དུ་རབ་ཏུ་འབར། །ཕྱོགས་བཅུའི་ཞིང་གི་གཟུགས་བརྙན་མང་པོ་དང་། །སངས་རྒྱས་གཟུགས་བརྙན་རིན་ཆེན་རྣམས་ལས་སྣང་། །རིན་ཆེན་འཁོར་ལོའི་གཞི་རྟེན་ཡིད་འོང་ལས། །
D44.035.0107b04.01སྤོས་ཆུས་རྒྱས་པའི་ཆུ་ཀླུང་རྣམས་ཀྱང་འབབ། །རིན་ཆེན་གསེར་གྱི་དྲིལ་བུའི་དྲ་བ་ཡིས། །ཡོག་ཅིང་སངས་རྒྱས་གསུང་དུ་སྒྲ་སྒྲོག་འབབ། །རྒྱལ་བ་ཀུན་གྱི་བྱང་ཆུབ་སྤྱོད་པ་དང་། །ཀུན་ཏུ་བཟང་པོའི་སྤྱོད་མཆོག་རབ་ཏུ་འཛུད། །སངས་རྒྱས་
D44.035.0107b05.01སྨོན་ལམ་སྒྲ་དབྱངས་རྣམ་པ་དང་། །སངས་རྒྱས་ཐམས་ཅད་སྔོན་གྱི་སྦྱོར་བ་དག །རྣམ་དག་ནོར་བུའི་ངོས་དང་ངོགས་ཀུན་ནས། །སྒྲ་རྣམས་སྒྲོག་པ་ཀུན་ན་རབ་ཏུ་སྣང་། །ཆུ་བོ་ཐམས་ཅད་དབའ་གློང་དག་ལས་ཀྱང་། །བྱང་ཆུབ་སེམས་དཔའི་
D44.035.0107b06.01སྤྲིན་ཆེན་འབར་བ་དག །ཆོས་ཀྱི་དབྱིངས་རྣམས་རབ་ཏུ་རྒྱས་བྱེད་པ། །འབྱམ་ཀླས་ཕྱོགས་རྣམས་ཀུན་ན་རབ་ཏུ་སྣང་། །ཆུ་ཀླུང་དེ་དག་ཐམས་ཅད་དྲི་མེད་ཅིང་། །ནོར་བུའི་རྒྱལ་པོ་སྤྲིན་གྱིས་ཀུན་ཁྱབ་པ། །མཛོད་སྤུའི་དཔལ་དང་སངས་རྒྱས་གཟི་བརྗིད་
D44.035.0107b07.01