完整藏文原文 · 德格版页 当前仅加载第 35 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
ས་རྣམས་ལག་མཐིལ་བཞིན་དུ་གནས་པར་བྱེད། །མཆོད་རྟེན་དྲང་སྲོང་གནས་རྣམས་སྦྱངས་བྱས་པས། །དེས་ནི་འོད་ཟེར་ཤིན་ཏུ་དང་བྱེད་གྲུབ། །འོད་ཟེར་ཆེན་པོ་སྤྲིན་ལྡན་རབ་བཀྱེ་ཞིང་། །སྤོས་ཀྱི་ཆར་འབེབས་སྤྲིན་རྣམས་ཀུན་ནས་གནས། །མཆོད་རྟེན་གམ་ཡོ་སྤོས་
D44.035.0230b01.01ཆུས་ཡོངས་བཏབ་པས། །འོད་ཟེར་སྤྲིན་དང་ལྡན་པ་རབ་ཏུ་ཐོབ། །འོད་ཟེར་ལྷབ་ལྷུབ་རྣམ་བརྒྱན་རབ་བཀྱེ་ཞིང་། །གོས་མེད་གོས་ཡོད་རྒྱན་དང་ལྡན་པར་འགྱུར། །གོས་དང་བགོ་བ་ཕྲེང་བ་སྣ་ཚོགས་དག །ཡོངས་སུ་བཏང་བས་ལྷབ་ལྷུབ་རྣམ་བརྒྱན་གྲུབ། །
D44.035.0230b02.01འོད་ཟེར་བྲོ་མཆོག་ལྡན་པ་རབ་བཀྱེ་ཞིང་། །བཀྲེས་པ་ཁ་ཟས་བྲོ་མཆོག་ཐོབ་པར་འགྱུར། །ཟས་དང་སྐོམ་དང་བྲོ་མཆོག་སྣ་ཚོགས་རྣམས། །བྱིན་པས་བྲོ་མཆོག་ལྡན་པའི་འོད་ཀྱང་ཐོབ། །འོད་ཟེར་ནོར་སྟོན་རབ་ཏུ་དགྱེ་བྱས་ཤིང་། །ཕོངས་པ་རིན་ཆེན་གཏེར་རྣམས་
D44.035.0230b03.01ཐོབ་པར་འགྱུར། །གནས་དང་གཏེར་རྣམས་མི་ཟད་དཀོན་མཆོག་གསུམ། །གསོལ་བས་ནོར་སྟོན་འོད་ཟེར་དེ་ཐོབ་བོ། །འོད་ཟེར་མིག་སྦྱོང་རབ་ཏུ་དགྱེ་བྱས་ཤིང་། །ལོང་བ་དེ་ཚེ་སྣ་ཚོགས་གཟུགས་འཐོབ་འགྱུར། །རྒྱལ་བ་དག་དང་རྒྱལ་བའི་མཆོད་རྟེན་ལ། །མར་མེ་
D44.035.0230b04.01གསོལ་བས་མིག་སྦྱོང་འོད་ཟེར་གྲུབ། །རྣ་བ་རྣམ་སྦྱོང་འོད་ཟེར་རབ་བཀྱེ་ཞིང་། །རྣ་བ་ཉམས་པ་སྒྲ་མང་ཐོས་པར་འགྱུར། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །སིལ་སྙན་ཕུལ་བས་རྣ་བ་རྣམ་སྦྱོང་ཐོབ། །འོད་ཟེར་སྣ་སྦྱོང་རབ་ཏུ་དགྱེ་བྱས་ཤིང་། །སྔོན་
D44.035.0230b05.01ཆད་མ་ཚོར་དྲི་ཞིམ་ཚོར་བར་འགྱུར། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །སྤོས་ཞིམ་གསོལ་བས་སྣ་སྦྱོང་འོད་ཟེར་གྲུབ། །འོད་ཟེར་ལྕེ་སྦྱོང་རབ་ཏུ་དགྱེ་བྱས་ཤིང་། །སྒྲ་སྙན་ཡིད་དུ་འོང་བས་སངས་རྒྱས་སྟོན། །མི་སྙན་བརླང་བར་སྨྲ་བ་རྣམ་སྤངས་ཏེ། །འཇམ་
D44.035.0230b06.01པར་སྨྲ་བས་ལྕེ་སྦྱོང་འོད་ཟེར་གྲུབ། །འོད་ཟེར་ལུས་སྦྱོང་རབ་ཏུ་བཀྱེ་བྱས་ཤིང་། །དབང་པོ་ཉམས་པ་དབང་པོ་ལྡན་པར་འགྱུར། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །ལུས་ཀྱིས་རབ་བཏུད་ལུས་སྦྱོང་འོད་ཟེར་ཐོབ། །འོད་ཟེར་སེམས་སྦྱོང་རབ་ཏུ་བཀྱེ་བྱས་ཤིང་། །མྱོས་པ་
D44.035.0230b07.01