完整藏文原文 · 德格版页 当前仅加载第 35 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་སེམས་ཅན་འདུལ་བ་བྱེད། །དེ་དག་མཚན་མར་བཟུང་བར་མི་ནུས་ཏེ། །ཏིང་འཛིན་རྣམ་འཕྲུལ་ཚུལ་ནི་དེ་འདྲའོ། །དེ་དག་དགའ་བའི་རྒྱན་གྱིས་ཏིང་འཛིན་མཆོག །འགྲོ་བ་ཐམས་ཅད་ཡོངས་སུ་སྨིན་བྱེད་འཐུན། །དགའ་བདེ་སྤྲོ་བ་རབ་དགའ་ཀུན་ལྡན་པས། །
D44.035.0225b01.01བསམ་གྱིས་མི་ཁྱབ་ཡོངས་སྟོན་སེམས་ཅན་འདུལ། །གང་ཚེ་ལོ་ཉེས་ཐམས་ཅད་དཀོན་གྱུར་པ། །དེ་ཚེ་འཇིག་རྟེན་བདེ་བའི་ཡོ་བྱད་རྣམས། །ཐམས་ཅད་བསམ་པ་རྫོགས་པར་བྱ་བའི་ཕྱིར། །སྦྱིན་པ་ཡོངས་སུ་གཏོང་ཞིང་འགྲོ་དོན་བྱེད། །དེ་དག་ཟས་མཆོག་སྐོམ་
D44.035.0225b02.01དང་རྒྱན་མཆོག་དང་། །གོས་དང་དགབ་པ་རིན་ཆེན་སྣ་ཚོགས་དང་། །རྒྱལ་སྲིད་ནོར་དང་བདག་སྡུག་ཡོངས་བཏང་བས། །སྦྱིན་ལ་མོས་པའི་འགྲོ་བ་འདུལ་བ་བྱེད། །དེ་དག་མཚན་རབ་ཀུན་གྱིས་ལུས་བརྒྱན་ཅིང་། །གོས་དང་རྒྱན་མཆོག་ཡོངས་སུ་བགོས་བཏགས་ཏེ། །
D44.035.0225b03.01ཕྲེང་བས་རྣམ་བརྒྱན་སྤོས་ཀྱིས་བསྐུ་བྱས་པའི། །གཟུགས་རྣམས་ཡོངས་སུ་བཏང་བས་སེམས་ཅན་འདུལ། །མཐོང་བས་དགའ་བདེ་རབ་ཏུ་མོས་པ་ལ། །དེ་དག་གཟུགས་མཆོག་གཟུགས་བཟང་ཆ་བྱད་མཛེས། །གཟུགས་ཀྱི་དམ་པ་ཡོངས་སུ་སྟོན་བྱེད་ཅིང་། །
D44.035.0225b04.01གཟུགས་ལ་མོས་པའི་སེམས་ཅན་འདུལ་བ་བྱེད། །དེ་དག་ཀ་ལ་པིང་ཀའི་སྒྲ་སྙན་དང་། །ཀོ་ཀིལ་ཀུན་ལ་ངང་པའི་སྒྲ་དབྱངས་དང་། །རྔ་དང་ཚངས་པ་མི་འམ་ཅི་ཡི་སྒྲས། །མོས་པ་ཐམས་ཅད་ཚུལ་བཞིན་ཆོས་ཀྱང་སྟོན། །དེ་དག་སྟོང་ཕྲག་བརྒྱད་ཅུ་རྩ་བཞིའོ། །
D44.035.0225b05.01གང་གིས་རྒྱལ་བ་འགྲོ་བའི་དོན་མཛད་པའི། །ཆོས་ཀྱི་བྱེ་བྲག་སྒོ་མོ་དེ་དག་གིས། །བསམ་པ་ཇི་བཞིན་འཇིག་རྟེན་སེམས་ཅན་འདུལ། །དེ་དག་བདེ་དང་སྡུག་བསྔལ་གྲོགས་ཀྱང་བྱེད། །དོན་དང་དོན་མེད་གྲོགས་ཀྱང་དེ་བཞིན་ཏེ། །སེམས་ཅན་དགོས་ལ་
D44.035.0225b06.01གྲོགས་སུ་འགྱུར་བྱས་ཤིང་། །གྲོགས་ཀྱི་སྒོ་ནས་སེམས་ཅན་རྣམ་པར་འདུལ། །སྡུག་བསྔལ་རྒྱ་མཚོ་འདུས་བྱས་སྐྱོན་གྱི་རྣམས། །གྲོགས་ཀྱི་དོན་དུ་དེ་དག་བཟོད་པར་བྱེད། །འགྲོ་བ་ཀུན་ལ་ཕན་དོན་བདེ་དོན་དུ། །དེ་དག་གྲོགས་དོན་མི་བདེ་ཉམས་སུ་ལེན། །
D44.035.0225b07.01