完整藏文原文 · 德格版页 当前仅加载第 35 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་འོད་བཟང་པོ་གསེར་གྱི་ཁ་དོག་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་གཉིས་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་རྣམ་པར་དག་ཅིང་ཀུན་
D44.035.0119a01.01ནས་ཉོན་མོངས་པ་རིན་པོ་ཆེའི་རྒྱན་ཐམས་ཅད་ཀྱི་རྒྱ་མཚོ་ལ་རབ་ཏུ་གནས་པ། མཁར་གྱི་དབྱིབས་ལྟར་འདུག་པ། སྙིང་པོ་བྱང་ཆུབ་ཀྱི་མེ་ཏོག་རིན་པོ་ཆེ་ཤིན་ཏུ་རྒྱས་པའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་སྒྲོན་མ་ཀུན་ཏུ་
D44.035.0119a02.01སྣང་བའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྣམ་པར་སྣང་བའི་འོད་ཟེར་འཁོར་ལོ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་གསུམ་
D44.035.0119a03.01གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ། རིན་པོ་ཆེའི་གོས་ཀྱི་གློང་གི་རྒྱ་མཚོ་ལ་རབ་ཏུ་གནས་པ། མེ་ཏོག་གི་ཟེ་བའི་དབྱིབས་ལྟར་འདུག་པ། ནོར་བུའི་རྒྱལ་པོ་སངས་རྒྱས་ཀྱི་གསུང་དང་དབྱངས་སྒྲོག་པའི་སྤྲིན་གྱིས་ཀུན་ནས་ཡོག་པ་
D44.035.0119a04.01ཡོད་དེ། དེ་ན་དེ་བཞིན་གཤེགས་པ་དཔལ་འབར་བའི་པདྨོ་ལ་རྣམ་པར་རོལ་པས་ཤིན་ཏུ་རྣམ་པར་སྣང་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རིན་པོ་ཆེའི་
D44.035.0119a05.01སྙིང་པོས་བསྒྲུབས་པའི་དམ་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་བཞིའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་པར་དག་པ། རིན་པོ་ཆེའི་ཕྲེང་བའི་རྒྱ་མཚོ་ལ་རབ་ཏུ་གནས་པ། གླིང་བཞིའི་དབྱིབས་
D44.035.0119a06.01ལྟར་འདུག་པ། རིན་པོ་ཆེའི་འོད་འཕྲོ་བ་རབ་ཏུ་སྟུག་པོ་འབྱུང་བའི་ནོར་བུའི་རྒྱལ་པོའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་བསོད་ནམས་མི་ཟད་པའི་མེ་ཏོག་ཤིན་ཏུ་རྒྱས་པའི་གཟི་བརྗིད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་
D44.035.0119a07.01