完整藏文原文 · 德格版页 当前仅加载第 35 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ཉོན་མོངས་པའི་རྒྱུད་རྟོགས་པར་བྱ་བ་ལ་མཁས་པ་ཡིན། བག་ཆགས་ཀྱི་མཚམས་འབྲེལ་བ་རྟོགས་པར་བྱ་བ་ལ་མཁས་པ་ཡིན། སྤྱོད་ཡུལ་རྟོགས་པར་བྱ་བ་ལ་མཁས་པ་ཡིན། ཆོས་སྣ་ཚོགས་རྟོགས་པར་བྱ་བ་ལ་མཁས་པ་ཡིན།
D44.035.0251a01.01སྤྱད་པ་རྟོགས་པར་བྱ་བ་ལ་མཁས་པ་ཡིན། འཇིག་རྟེན་གྱི་ཁམས་རྣམ་པར་ཕྱེ་བ་རྟོགས་པར་བྱ་བ་ལ་མཁས་པ་ཡིན། སྔོན་གྱི་མཐའ་དང་ཕྱི་མའི་མཐའ་ཤེས་པར་རྟོགས་པར་བྱ་བ་ལ་མཁས་པ་ཡིན། འཇིག་རྟེན་གྱི་ཀུན་རྫོབ་ཀྱི་བདེན་པ་བརྟག་པ་རྟོགས་པར་བྱ་བ་ལ་མཁས་
D44.035.0251a02.01པ་ཡིན། དོན་དམ་པའི་བདེན་པ་བརྟག་པ་རྟོགས་པར་བྱ་བ་ལ་མཁས་པ་ཡིན། ཀྱེ་རྒྱལ་བའི་སྲས་དག་འདི་ནི་རྒྱལ་ཚབ་ཀྱི་བྱང་ཆུབ་སེམས་དཔའ་སྟེ། བྱང་ཆུབ་སེམས་དཔའ་རྒྱལ་ཚབ་དེ་ལ་ནི་གནས་བཅུ་བརྗོད་པར་བྱའོ། །བཅུ་གང་ཞེ་ན། འདི་ལྟ་སྟེ།
D44.035.0251a03.01རྒྱལ་པོའི་གནས་ལ་མཁས་པ་བརྗོད་པར་བྱའོ། །རྒྱལ་པོའི་གནས་ཀྱི་ཚུལ་བརྗོད་པར་བྱའོ། །རྒྱལ་པོའི་གནས་སུ་གནས་པ་བརྗོད་པར་བྱའོ། །རྒྱལ་པོའི་གནས་སུ་འགྲོ་བ་བརྗོད་པར་བྱའོ། །རྒྱལ་པོའི་གནས་སུ་སྤྱོད་པ་བརྗོད་པར་བྱའོ། །ཆོས་ཀྱི་རྒྱལ་པོར་དབང་
D44.035.0251a04.01བསྐུར་བ་བརྗོད་པར་བྱའོ། །ཆོས་ཀྱི་རྒྱལ་པོའི་བྱིན་བརྗོད་པར་བྱའོ། །ཆོས་ཀྱི་རྒྱལ་པོའི་མཐུ་བརྗོད་པར་བྱའོ། །ཆོས་ཀྱི་རྒྱལ་སྲིད་ལ་གནས་པ་བརྗོད་པར་བྱའོ། །ཆོས་ཀྱི་རྒྱལ་པོའི་བསྔགས་པ་བརྗོད་པར་བྱའོ། །དེ་ཅིའི་ཕྱིར་ཞེ་ན། ཅི་ནས་ཀྱང་དེའི་
D44.035.0251a05.01སེམས་བསྒྲིབས་པ་མེད་པ་མངོན་པར་བསྒྲུབ་པ་ལ་དེ་བས་ཀྱང་ཤས་ཆེར་གནས་པར་བྱ་བ་དང་། གནས་གང་ཐོས་ཀྱང་བདག་ཉིད་དེ་ལ་སྦྱོར་བར་བྱ་བ་དང་། བདག་ཉིད་གཞན་གྱི་དྲིང་འཇོག་པར་མི་བྱ་བའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་རྒྱལ་ཚབ་ཀྱི་བྱང་ཆུབ་སེམས་
D44.035.0251a06.01དཔའ་རྣམ་པར་དགོད་པའོ། །ཀྱེ་རྒྱལ་བའི་སྲས་དག་དེ་ལ་དབང་བསྐུར་བའི་བྱང་ཆུབ་སེམས་དཔའ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའི་ཡེ་ཤེས་ལ་རྣམ་པར་སྤྱོད་པ་བཅུ་དང་ལྡན་པ་ཡིན་ཏེ། བཅུ་གང་ཞེ་ན། འདི་ལྟར་འཇིག་རྟེན་གྱི་ཁམས་
D44.035.0251a07.01