完整藏文原文 · 德格版页 当前仅加载第 35 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་སྐུ་ཡི་འོད་ཟེར་གྱིས། །ནོར་བུ་སྣ་ཚོགས་ཀུན་ཏུ་གནས། །སངས་རྒྱས་སྤྲིན་རྣམས་རྣམ་པར་སྣང་། །སངས་རྒྱས་ཀུན་གྱིས་རབ་སྤྲུལ་ནས། །ལ་ལ་ཀུན་ཏུ་བཟང་པོ་ཡིས། །ཞིང་རྣམས་རྒྱ་མཚོ་ཤིན་ཏུ་སྤྲུལ། །
D44.035.0096a01.01ནམ་མཁའི་རྒྱན་རྣམས་ཐམས་ཅད་དང་། །སྨོན་ལམ་རྣམས་ཀྱིས་རྣམ་པར་བྲིས། །ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོའི་རྒྱན་ཤིན་ཏུ་བསྟན་པ་ནི། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ། འདི་ལྟར་{དམྱིགས་,དམིགས་}
D44.035.0096a02.01པའི་རྣམ་པ་སྣ་ཚོགས་ཐམས་ཅད་ཀྱི་སྤྲིན་རབ་ཏུ་འཕྲོས་པའི་རྒྱན་དང་། འདི་ལྟ་སྟེ་བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་གྱི་འཁོར་ལོ་རྗེས་སུ་བརྗོད་ཅིང་རབ་ཏུ་བྱུང་བའི་རྒྱན་དང་། འདི་ལྟ་སྟེ་འཇིག་རྟེན་གྱི་ཁམས་ཐམས་ཅད་དུ་གཏོགས་པའི་སེམས་ཅན་རྣམས་
D44.035.0096a03.01ཀྱི་རྣམ་པར་སྨིན་པ་རྒྱ་མཚོ་ལས་རབ་ཏུ་བྱུང་བའི་རྒྱན་དང་། འདི་ལྟ་སྟེ་བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་རྒྱ་མཚོའི་གློང་ཡོངས་སུ་སྟོན་པའི་རྒྱན་དང་། འདི་ལྟ་སྟེ་དུས་གསུམ་གྱི་སངས་རྒྱས་ཐམས་ཅད་ཀྱི་གཟུགས་བརྙན་སྣ་ཚོགས་རྣམ་པར་
D44.035.0096a04.01དམིགས་པའི་རྒྱན་དང་། འདི་ལྟ་སྟེ་སེམས་ཀྱི་སྐད་ཅིག་ལ་བསྐལ་པ་མཐའ་ཡས་པར་རྣམ་པར་འཕྲུལ་པའི་ཡུལ་ཡོངས་སུ་སྟོན་པའི་རྒྱན་དང་། འདི་ལྟ་སྟེ་རྒྱན་གྱི་དམིགས་པ་ཐམས་ཅད་ལས་སངས་རྒྱས་ཀྱི་སྐུ་རབ་ཏུ་བྱུང་བའི་རྒྱན་དང་། འདི་ལྟ་སྟེ་རིན་
D44.035.0096a05.01པོ་ཆེ་དང་སྤོས་ཐམས་ཅད་ཀྱི་སྤྲིན་རབ་ཏུ་འབྱུང་བའི་རྒྱན་དང་། འདི་ལྟ་སྟེ་སྙིང་པོ་བྱང་ཆུབ་ཀྱི་རྒྱན་དང་། འོད་ཀྱི་དཀྱིལ་འཁོར་གྱི་རྣམ་པར་སྟོན་པའི་རྒྱན་དང་། འདི་ལྟ་སྟེ་བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་དང་། སྤྱོད་པ་ཡོངས་སུ་སྟོན་
D44.035.0096a06.01པའི་རྒྱན་དག་སྟེ། ཀྱེ་རྒྱལ་བའི་སྲས་དག་དེ་དག་ལ་{སྩོགས་,སོགས་}པའི་འཇིག་རྟེན་གྱི་ཁམས་རྒྱ་མཚོའི་རྒྱན་ཤིན་ཏུ་བསྟན་པ་ནི། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་
D44.035.0096a07.01