完整藏文原文 · 德格版页 当前仅加载第 35 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་རྒྱུ། །བསམ་གྱིས་མི་ཁྱབ་སངས་རྒྱས་མ་ལུས་གསུང་། །དྲི་མེད་རྣམ་དག་ཆོས་ཉིད་དེ་ཡང་སྟོན། །དེ་ལ་མེ་ཏོག་འོད་ཀྱི་གཙུག་ཕུད་འཇུག །རྒྱལ་བའི་སྤུ་གཅིག་རྩེ་ལ་འགྲོ་བ་རྣམས། །ཐམས་ཅད་སྙེད་ཀྱི་གཟུགས་ཀྱི་སྒོ་ལ་ལྟོས། །
D44.035.0020a01.01འོན་ཀྱང་འགྲོ་ཞིང་འོང་བ་དེ་ལ་མེད། །རྣམ་ཐར་དེ་ནི་ཕྱོགས་སུ་སྣང་བས་མཐོང་། །དེ་ལ་ལྷའི་རྒྱལ་པོ་རབ་དགའ་ལྡན་གྱི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་མཚན་གྱི་འཁོར་ལོ་ཕུན་སུམ་ཚོགས་པ་མངོན་པར་བསྒྲུབ་པ་ལ་འཇུག་པ་ཞེས་བྱའོ། །ལྷའི་བུ་
D44.035.0020a02.01དགའ་བ་རྒྱ་མཚོའི་གཙུག་ཕུད་ཀྱི་རྣམ་པར་ཐར་པ་ནི། ནམ་མཁའི་དབྱིངས་དྲི་མ་མེད་པའི་འོད་ཅེས་བྱའོ། །ལྷའི་བུ་ཡོན་ཏན་མཆོག་གི་རྒྱལ་མཚན་གྱི་རྣམ་པར་ཐར་པ་ནི། སྨོན་ལམ་རྒྱ་མཚོ་དྲི་མ་མེད་པས་འགྲོ་བ་རབ་ཏུ་ཞི་བ་བྱེད་པ་ལ་འཇུག་པ་ཞེས་བྱའོ། །ལྷའི་བུ་
D44.035.0020a03.01འོད་ཟེར་ཞི་བའི་འོད་ཀྱི་རྣམ་པར་ཐར་པ་ནི། ཆོས་རྗེས་སུ་བསྲུང་བའི་སྒོ་ཀུན་ཏུ་བསྟན་པས་སྣང་བ་ཞེས་བྱའོ། །ལྷའི་བུ་རབ་ཏུ་དགའ་བའི་མིག་གི་རྣམ་པར་ཐར་པ་ནི། ཀུན་ནས་ཉོན་མོངས་པའི་ཁམས་ནམ་མཁའི་དབྱིངས་ལྟར་དྲི་མ་མེད་པར་ཡོངས་སུ་སྦྱོང་བ་ཞེས་བྱའོ། །
D44.035.0020a04.01ལྷའི་བུ་རིན་ཆེན་འོད་ཟེར་ཟླ་བའི་རྣམ་པར་ཐར་པ་ནི། འགྲོ་བ་རྣམ་པར་གདུལ་བ་ཟད་མི་ཤེས་པ་མངོན་པར་བསྒྲུབ་པའི་སྙིང་པོ་ཞེས་བྱའོ། །ལྷའི་བུ་རྣམ་པར་གནོན་པས་རབ་ཏུ་བརྩོན་པའི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་ཡུལ་ལ་བརྩོན་ཞིང་ཡང་དག་པར་
D44.035.0020a05.01བྱང་ཆུབ་མངོན་པར་བསྒྲུབ་པ་ཞེས་བྱའོ། །ལྷའི་བུ་རྡོ་རྗེ་མདོག་གི་འོད་བཟང་པོའི་རྣམ་པར་ཐར་པ་ནི། བྱང་ཆུབ་ཀྱི་སེམས་བསྐྱེད་པ་མི་ཤིགས་པར་བརྟན་པའི་རྒྱུན་ཐམས་ཅད་དགའ་བས་ཡང་དག་པར་སྡུད་པ་ཞེས་བྱའོ། །ལྷའི་བུ་སྐར་མས་བརྒྱན་པའི་དཔལ་གྱི་
D44.035.0020a06.01རྣམ་པར་ཐར་པ་ནི། སངས་རྒྱས་འབྱུང་བ་ཐམས་ཅད་ཀྱི་དྲུང་དུ་ཉེ་བར་འགྲོ་ཞིང་ཕྱོགས་བཅུའི་སེམས་ཅན་རྩལ་གྱིས་རྣམ་པར་གནོན་པའི་འདུལ་བ་ཞེས་བྱའོ། །ལྷའི་བུ་དགའ་བ་བཟང་པོ་སྣ་ཚོགས་ཀྱི་རྣམ་པར་ཐར་པ་ནི། བསམ་པ་རྒྱ་མཚོ་མཐའ་དང་དབུས་མེད་པ་སེམས་
D44.035.0020a07.01