完整藏文原文 · 德格版页 当前仅加载第 35 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་སྤྲུལ་པའི་འཁོར་ལོའི་སྒྲ་འི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སེམས་ཅན་ཐམས་ཅད་ཀྱི་དགེ་བ་འབྱུང་བའི་སྒྲ་འི་ལྷུན་ཅན་ནོ། །འཇིག་རྟེན་གྱི་ཁམས་ཀྱི་ཚུལ་ལ་ལ་ནི་སངས་རྒྱས་ཐམས་ཅད་ཀྱི་ཡོན་ཏན་རྒྱ་མཚོ་ཡོངས་སུ་དག་པའི་སྒྲ་འི་ལྷུན་
D44.035.0111b01.01ཅན་ནོ། །ཀྱེ་རྒྱལ་བའི་སྲས་དགེ་དེ་དག་ལ་{སྩོགས་,སོགས་}པ་འཇིག་རྟེན་གྱི་ཁམས་ཀྱི་རྒྱུད་འབྱམ་ཀླས་པའི་ཚུལ་གྱི་ལུས་ནི། འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་
D44.035.0111b02.01ཀྱི་རྒྱུད་འབྱམ་ཀླས་པའི་ཚུལ་གྱི་ལུས་རྣམ་པར་དགོད་པ་ཤིན་ཏུ་བསྟན་པ་འདི་ཉིད་གསལ་བར་བརྗོད་པའི་ཕྱིར། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་གི་རྒྱུད་རྒྱན་ཤིན་ཏུ་བརྟན་
D44.035.0111b03.01པར་གྲུབ། །དྲི་མེད་དྲི་བྲལ་འོད་འགྱེད་སྙིང་པོ་ཅན། །ནོར་བུ་པདྨོ་རྒྱ་མཚོ་ཀུན་ལ་གནས། །ལ་ལ་གངྒཱའི་རྒྱ་མཚོ་དག་ལ་གནས། །རྣམ་པ་སྣ་ཚོགས་ཚུལ་གྱིས་གཞི་གནས་ཤིང་། །དབྱིབས་ཀྱང་སྣ་ཚོགས་ཁ་དོག་གཟུགས་ཀྱང་མང་། །རི་རབ་གྲོང་ཁྱེར་ཤིང་
D44.035.0111b04.01གི་དཀྱིལ་འཁོར་དང་། །ཞིང་རྒྱུད་ཐམས་ཅད་ལ་ལ་ཕྱོགས་ཀུན་ལྟ། །ལ་ལ་འོད་ལུས་མེ་ཏོག་སྙིང་པོ་ཅན། །ནོར་བུས་བྱས་པ་ཀུན་ནས་སྤྲིན་དང་ཆུ། །ལ་ལའི་རྒྱུད་གསལ་མུ་ཏིག་འོད་ཟེར་ལུས། །ནོར་བུའི་གཞི་གནས་ཀུན་ཀྱང་མི་ཤིགས་སྲ། །འབྱམ་
D44.035.0111b05.01ཀླས་ལ་ལ་ཁ་དོག་སྣ་ཚོགས་གསལ། །འོད་འདྲ་འོད་འཕྲོ་མེ་མར་སྤྲིན་གྱི་མདོག །ལ་ལའི་རྒྱུད་ནི་སྒྲ་དང་སྐད་ཀྱི་ལུས། །དེ་ལས་སངས་རྒྱས་གསུང་དབྱངས་མཐའ་ཡས་འབྱུང་། །ལ་ལའི་རྒྱུད་ནི་སྨོན་ལམ་སྒྲ་ཡི་ལུས། །སྤྱོད་པ་རྣམ་འཕྲུལ་སྤྲིན་གྱི་སྒྲ་ཡི་ལུས། །
D44.035.0111b06.01ལ་ལ་བསོད་ནམས་ཡངས་དང་ལས་ཀྱི་སྒྲ། །ལ་ལའི་ལུས་ནི་རྒྱལ་བའི་ཡོན་ཏན་སྒྲ། །ཞིང་གི་རྒྱུད་རྣམས་རྒྱ་མཚོ་བསམ་ཡས་པ། །ཀུན་ནས་མི་ཟད་དུ་མའི་སྒོ་ནས་འཇུག །རྣམ་འཕྲུལ་ཡངས་པ་མི་ཟད་རྒྱན་གྱི་རྣམས། །ཚད་མེད་ཀུན་གྱིས་ཕྱོགས་ཀུན་རྒྱས་པར་
D44.035.0111b07.01