完整藏文原文 · 德格版页 当前仅加载第 35 函德格 378b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཅིག །ཐམས་ཅད་མཁྱེན་པའི་ས་ཐོབ་པར་བྱ་བའི་ཕྱིར། བདག་སེམས་ཅན་ཐམས་ཅད་ཀྱི་ལམ་དུ་གྱུར་ཅིག །ཤིན་ཏུ་བདེ་བ་དང་ལྡན་པ་ཐོབ་པར་བྱ་བའི་ཕྱིར། བདག་སེམས་ཅན་ཐམས་ཅད་ཀྱི་རྟེན་དུ་གྱུར་ཅིག །རབ་རིབ་{མྱེད་,མེད་}པའི་ཡེ་ཤེས་སྣང་བ་
D44.035.0378b01.01ཡང་དག་པར་བསྟན་པའི་ཕྱིར། བདག་སེམས་ཅན་ཐམས་ཅད་ཀྱི་སྣང་བར་གྱུར་ཅིག །མ་རིག་པའི་མུན་པ་རྣམ་པར་བསལ་བའི་ཕྱིར། བདག་སེམས་ཅན་ཐམས་ཅད་ཀྱི་སྒྲོན་མར་གྱུར་ཅིག །ཤིན་ཏུ་དག་པ་ལ་རབ་ཏུ་དགོད་པའི་ཕྱིར། བདག་སེམས་
D44.035.0378b02.01ཅན་ཐམས་ཅད་ཀྱི་མར་མེར་གྱུར་ཅིག །ཆོས་ཀྱི་ཚུལ་ལ་གཟུད་པའི་ཕྱིར། བདག་སེམས་ཅན་ཐམས་ཅད་ཀྱི་འདྲེན་པར་གྱུར་ཅིག །བསྒྲིབས་པ་མེད་པའི་ཡེ་ཤེས་ཀྱི་ཕུང་པོ་བསྟན་པའི་ཕྱིར། བདག་སེམས་ཅན་ཐམས་ཅད་ཀྱི་ཡོངས་སུ་འདྲེན་པར་གྱུར་
D44.035.0378b03.01ཅིག་ཅེས། དེ་དེ་ལྟར་འགྲོ་བ་ཐམས་ཅད་ཀྱི་དོན་དུ་ཐམས་ཅད་མཁྱེན་པ་ཉིད་ཀྱི་མཐར་ཤིན་ཏུ་ཐུག་པར་དགེ་བའི་རྩ་བ་དེ་དག་ཡོངས་སུ་བསྔོ་སྟེ། ཇི་ལྟར་མཛའ་བ་བསྲུང་བའི་ཕྱིར་ཡོངས་སུ་བསྔོ་བ་དེ་ལྟར་མི་མཛའ་བ་བསྲུང་བའི་ཕྱིར་ཡང་ཡོངས་སུ་བསྔོའོ། །
D44.035.0378b04.01དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་བདག་ཏུ་བྱ་བའི་བསམ་པས་མི་མཛའ་བ་ནི་གང་ཡང་{མྱེད་,མེད་}དེ། དེ་ཡང་འདི་ལྟར་བྱང་ཆུབ་སེམས་དཔའ་ནི་ཆོས་ཐམས་ཅད་མཉམ་པ་ཉིད་ལ་ཡང་དག་པར་བྱུང་བ་སྟེ། དེ་འདི་སྙམ་
D44.035.0378b05.01དུ་བྱང་ཆུབ་སེམས་དཔའ་ལ་མི་མཛའ་བའི་དོན་བྱེད་པ་དེ་དག་ཐམས་ཅད་ནི་བདག་གི་རྒྱུད་ལ་དགོད་དགོད་པ་ཡིན་ནོ་ཞེས་ཏེ། དེ་དག་ནི་སེམས་ཅན་ཐམས་ཅད་ཀྱི་ཡུལ་ཐམས་ཅད་ལ་ཞེ་སྡང་བ་{མྱེད་,མེད་}པའི་མིག་གིས་ལྟའོ། །བྱང་ཆུབ་སེམས་དཔའ་སེམས་
D44.035.0378b06.01དཔའ་ཆེན་པོ་རྣམས་ནི་འགྲོ་བ་ཐམས་ཅད་ཀྱི་དགེ་བའི་བཤེས་གཉེན་ཏེ། སེམས་ཅན་ཐམས་ཅད་ལ་དགེ་བའི་ཆོས་ཡང་དག་པར་བསྟན་པའི་ཕྱིར་འཇུག་གོ །འདི་ལྟ་སྟེ་དཔེར་ན། རྒྱ་མཚོ་ཆེན་པོ་ནི་དུག་ཐམས་ཅད་ཀྱིས་གདུག་པར་བྱ་བར་མི་ནུས་སོ། །
D44.035.0378b07.01