完整藏文原文 · 德格版页 当前仅加载第 35 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་། །མེ་ཏོག་གཙུག་ཕུད་འཕྱང་བས་ཡང་དག་མཐོང་། །དེ་བཞིན་གཤེགས་སྐུ་རྡོ་རྗེ་ལྟ་བུ་སྟེ། །མཚམས་སུ་མི་ཕྱེད་སྲ་བའི་རི་བོ་འདྲ། །འགྲོ་བ་ཀུན་གྱིས་སངས་རྒྱས་བསྐྱོད་མི་ནུས། །རྡོ་རྗེ་རྡུལ་གྱི་ལྷ་ནི་དེས་དགའ་འོ། །དེ་ལ་གྲོང་ཁྱེར་གྱི་ལྷ་རིན་ཆེན་
D44.035.0048b01.01རྩེ་མོའི་འོད་ཀྱི་རྣམ་པར་ཐར་པ་ནི། སེམས་ཅན་ལ་ཕན་པ་ཡང་དག་པར་སྦྱར་བ་འབྱུང་བ་ཞེས་བྱའོ། །གྲོང་ཁྱེར་གྱི་ལྷ་རྒྱན་རྣམ་པ་སྣ་ཚོགས་འབྱུང་བའི་རྣམ་པར་ཐར་པ་ནི། འགྲོ་བའི་དབང་པོ་ཡོངས་སུ་སྨིན་པར་བྱེད་པའི་འདུལ་བ་འབྱུང་བ་ཞེས་བྱའོ། །གྲོང་ཁྱེར་གྱི་
D44.035.0048b02.01ལྷ་རིན་ཆེན་དྲི་མེད་ཤིན་ཏུ་དགའ་བའི་རྣམ་པར་ཐར་པ་ནི། སེམས་ཅན་ཐམས་ཅད་བསོད་ནམས་དང་དགའ་བ་མྱོང་བར་བྱེད་པ་ཞེས་བྱའོ། །གྲོང་ཁྱེར་གྱི་ལྷ་སློས་པའི་མྱ་ངན་ཐམས་ཅད་སྤོང་བས་རྣམ་པར་སྣང་བའི་རྣམ་པར་ཐར་པ་ནི། སྐྱོབ་པ་དང་མི་འཇིགས་པ་དང་།
D44.035.0048b03.01སྙིང་རྗེ་ཆེན་པོ་ཞེས་བྱའོ། །གྲོང་ཁྱེར་གྱི་ལྷ་སྒྲོན་མ་ཤིན་ཏུ་རྒྱས་པའི་མིག་གི་རྣམ་པར་ཐར་པ་ནི། ཤེས་རབ་ཀྱི་ཀུན་ཏུ་རྣམ་པར་འབྱེད་པ་ཞེས་བྱའོ། །གྲོང་ཁྱེར་གྱི་ལྷ་འོད་འཕྲོ་བའི་དཔལ་མངོན་པར་འབར་བའི་རྣམ་པར་ཐར་པ་ནི། ཐབས་ཀྱི་སྒོ་ཀུན་ནས་སྟོན་
D44.035.0048b04.01པའི་མཐུ་ཞེས་བྱའོ། །གྲོང་ཁྱེར་གྱི་ལྷ་བསོད་ནམས་ཀྱི་ཤུགས་སྣང་བའི་འོད་ཀྱི་རྣམ་པར་ཐར་པ་ནི། འགྲོ་བ་ཀུན་གྱི་བསོད་ནམས་འབྱུང་བའི་སྣང་བ་ཞེས་བྱའོ། །གྲོང་ཁྱེར་གྱི་ལྷ་ལུས་དྲི་མ་མེད་པས་མཉམ་པའི་འོད་ཀྱི་རྣམ་པར་ཐར་པ་ནི། སེམས་ཅན་
D44.035.0048b05.01རྨོངས་པ་ཐམས་ཅད་ལ་རྨི་ལམ་རྣམ་པར་སྟོན་པའི་འོད་ཅེས་བྱའོ། །གྲོང་ཁྱེར་གྱི་ལྷ་སྤོས་ཀྱི་རྒྱལ་མཚན་གཙུག་ཕུད་ཀྱི་རྒྱན་གྱི་རྣམ་པར་ཐར་པ་ནི། ཉོན་མོངས་པ་དང་མི་དགེ་བའི་དྲི་མ་རྣམ་པར་སེལ་ཅིང་ཐམས་ཅད་མཁྱེན་པ་ཉིད་ཀྱི་དྲི་ཡང་དག་པར་བསྐྱེད་པ་
D44.035.0048b06.01ཞེས་བྱའོ། །གྲོང་ཁྱེར་གྱི་ལྷ་རིན་ཆེན་དཔལ་གྱི་འོད་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་སྒྲིབ་པའི་རི་རྣམ་པར་འཇོམས་པའི་འོད་ཅེས་བྱའོ། །དེ་ནས་གྲོང་ཁྱེར་གྱི་ལྷ་རིན་པོ་ཆེའི་རྩེ་མོའི་འོད་ཀྱིས་སངས་རྒྱས་ཀྱི་མཐུས། གྲོང་ཁྱེར་གྱི་ལྷའི་འཁོར་གྱི་
D44.035.0048b07.01