完整藏文原文 · 德格版页 当前仅加载第 35 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་སྤྱོད་ཡུལ་ཡིན། །དེ་ལ་ཕྱོགས་ཀྱི་ལྷ་ཕྱོགས་ཀྱི་དབྱིངས་ན་རབ་ཏུ་གནས་ཤིང་ཀུན་ཏུ་རྒྱས་པར་འགེངས་པའི་རྣམ་པར་ཐར་པ་ནི། ཀུན་ཏུ་སྐྱོབ་པས་འགྲོ་བའི་རྒྱན་བྱེད་པ་ཞེས་བྱའོ། །ཕྱོགས་ཀྱི་ལྷ་མཉམ་པ་ཉིད་ལ་མངོན་དུ་ལྟ་བའི་རྣམ་པར་ཐར་པ་ནི། དགོས་པ་
D44.035.0036a01.01ཐམས་ཅད་དང་རྫུ་འཕྲུལ་གྱི་ཚོགས་ཀྱི་འོད་ཅེས་བྱའོ། །ཕྱོགས་ཀྱི་ལྷ་སྣང་བ་སྤྱོད་པའི་རྒྱན་གྱི་རྣམ་པར་ཐར་པ་ནི། ཆགས་པའི་མུན་པ་ཐམས་ཅད་རྣམ་པར་སེལ་བའི་སྣང་བས་དགའ་བ་དང་བདེ་བ་འབྱུང་བ་ཞེས་བྱའོ། །ཕྱོགས་ཀྱི་ལྷ་ཀུན་ཏུ་རྒྱུ་ཞིང་རྗེས་སུ་འབྲང་བའི་རྣམ་པར་ཐར་པ་ནི། ཐམས་ཅད་
D44.035.0036a02.01ཀྱི་རྗེས་སུ་སོང་བའི་སངས་རྒྱས་ཀྱི་ཡོན་ཏན་རྗེས་སུ་དྲན་པ་དོན་ཡོད་པ་སྟོན་པ་ཞེས་བྱའོ། །ཕྱོགས་ཀྱི་ལྷ་རྨོངས་པ་བྱེད་པའི་གཙུག་ཡོངས་སུ་འགྲུབ་པའི་རྣམ་པར་ཐར་པ་ནི། འགྲོ་བ་ཐམས་ཅད་མིང་གི་ཕྱོགས་ཀྱི་འཁོར་ལོ་ལ་རྣམ་པར་ལྟ་བའི་འོད་ཅེས་བྱའོ། །ཕྱོགས་ཀྱི་ལྷ་ནམ་མཁའི་རྒྱུད་ཀུན་ཏུ་སྤྱོད་པའི་
D44.035.0036a03.01རྣམ་པར་ཐར་པ་ནི། སྒྲ་དབྱངས་ཡིད་དུ་འོང་བ་ཐམས་ཅད་མྱོང་བར་བྱེད་པས་དགའ་བ་རྣམ་པར་སྒོམ་པ་ཞེས་བྱའོ། །ཕྱོགས་ཀྱི་ལྷ་རྣམ་པར་དཔྱོད་པའི་སྤྲིན་རྒྱ་ཆེན་པོའི་རྒྱལ་མཚན་གྱི་རྣམ་པར་ཐར་པ་ནི། ཀླུའི་སྤྲིན་འབྱུང་བ་དགའ་བ་སྦྱོར་བ་ཞེས་བྱའོ། །ཕྱོགས་ཀྱི་ལྷ་མིག་ཐ་དད་པ་མེད་པའི་གཙུག་
D44.035.0036a04.01ཕུད་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་ལས་ཐ་དད་པ་མེད་པ་ལ་ཡང་དག་པར་ལྟ་བའི་བདག་པོའི་རྒྱན་ཅེས་བྱའོ། །ཕྱོགས་ཀྱི་ལྷ་འཇིག་རྟེན་གྱི་བྱ་བ་ཀུན་ནས་སྤྱོད་པའི་རྣམ་པར་ཐར་པ་ནི། སྐྱེ་བ་སྣ་ཚོགས་དང་ལས་རྣམ་པ་ཐ་དད་པ་ལ་རྣམ་པར་ལྟ་བ་ཞེས་བྱའོ། །ཕྱོགས་ཀྱི་ལྷ་
D44.035.0036a05.01ཕྱོགས་སུ་རྣམ་པར་ལྟ་བ་འཕྲེང་བའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་དགོས་པའི་ཕ་རོལ་ཏུ་ཕྱིན་པར་བྱ་བས་རབ་ཏུ་དགའ་བ་བརྩོན་པ་འབྱུང་བ་ཞེས་བྱའོ། །དེ་ནས་ཕྱོགས་ཀྱི་ལྷ་ཕྱོགས་ཀྱི་དབྱིངས་ན་རབ་ཏུ་གནས་ཤིང་ཀུན་ཏུ་རྒྱས་པར་འགེངས་པས། སངས་
D44.035.0036a06.01རྒྱས་ཀྱི་མཐུས་ཕྱོགས་ཀྱི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །འགྲོ་བ་ཐམས་ཅད་ཡོངས་སུ་སྨིན་བྱའི་ཕྱིར། །སངས་རྒྱས་རང་བྱུང་འཇིག་རྟེན་སྤྱོད་པ་བྱུང་། །ཐམས་ཅད་མཁྱེན་པར་ཡོངས་
D44.035.0036a07.01