完整藏文原文 · 德格版页 当前仅加载第 35 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་ཀྱི་ཞིང་རྣམས་ཀུན་ན་དེ་ཕྱིར་འཕགས། །ཐམས་ཅད་མཁྱེན་ཉིད་ནམ་མཁའ་མཚུངས་མཉམ་པའི། །ཡེ་ཤེས་ཀུན་གྱི་སྒོ་ནས་སྔོན་སྦྱངས་པས། །དེ་ཕྱིར་ཆགས་མེད་ཡེ་ཤེས་ཕ་རོལ་ཕྱིན། །ཕྱོགས་བཅུ་ཀུན་ན་རྒྱལ་བ་མངོན་པར་
D44.035.0063a01.01མཛེས། །དེ་ནས་བྱང་ཆུབ་སེམས་དཔའ་སྤྲིན་ཡིད་དུ་འོང་བ་དྲི་མ་མེད་པའི་ཟླ་བས་སངས་རྒྱས་ཀྱི་མཐུས། འཁོར་རྒྱ་མཚོ་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་རྫུ་འཕྲུལ་ཡུལ་ནི་ཕྱོགས་རྣམས་ཀྱི། །
D44.035.0063a02.01འགྲོ་བའི་རྒྱུད་དབྱིངས་ནམ་མཁའ་མཉམ་པར་སྣང་། །ས་རྣམས་ཡངས་པ་ཇི་ལྟར་སྔོན་བསྐྱེད་པ། །དེ་བཞིན་ཀུན་ཀྱང་རིན་ཆེན་སྒོ་ནས་བརྗོད། །དང་པོའི་ས་ནི་དགའ་བའི་ཤུགས་ཀྱི་ཡུལ། །ཆོས་དབྱིངས་ཀུན་གྱི་བདེ་གཤེགས་རྣམས་མཐོང་ཞིང་། །གཞལ་མེད་
D44.035.0063a03.01བསྐལ་པར་དྲི་མེད་ཡོངས་གསུངས་པས། །ཆོས་དབྱིངས་ཡངས་ལ་ཡེ་ཤེས་རབ་ཏུ་བྱུང་། །ཐམས་ཅད་ཆོས་ལ་དྲི་{མྱེད་,མེད་}ས་གཉིས་ཏེ། །བསྐལ་པ་རྒྱ་མཚོ་མང་པོར་རྣམ་སྤྱད་ཅིང་། །རྒྱལ་བ་ཚད་མེད་རྒྱ་མཚོ་མཆོད་བྱས་ནས། །འགྲོ་བ་ཚད་མེད་དྲི་མེད་སྦྱངས་
D44.035.0063a04.01པས་བྱུང་། །བསོད་ནམས་དཀྱིལ་འཁོར་འོད་ནི་ས་གསུམ་སྟེ། །སྙིང་པོ་བཟོད་པའི་དཀྱིལ་འཁོར་ལྷག་མཐོང་བརྟེན། །གང་དུ་དེ་སྐྱེས་རིན་ཆེན་སྒོ་དག་ནས། །ཆོས་ཀྱི་སྤྲིན་ནི་རྒྱ་ཆེན་རབ་ཏུ་ཐོས། །འོད་འཕྲོ་རྒྱ་མཚོ་ལྡན་པ་གཞལ་མེད་ས། །མཐུ་ཡི་འཁོར་འོད་
D44.035.0063a05.01སྙིང་པོ་སྙིང་རྗེ་སྟེ། །ཞིང་རྣམས་ཀུན་ཏུ་སྒྲིབ་དང་མཉམ་པའི་ལུས། །འགྲོ་བའི་ཉོན་མོངས་ཀུན་ནས་རྣམ་སྦྱངས་པའོ། །དགའ་རྒྱལ་སྙིང་པོ་མཉམ་དབྱིངས་མཉམ་ཉིད་དེ། །ཞིང་རྣམས་ཀུན་ཏུ་འགྲོ་ཞིང་ཞི་ལ་གཞོལ། །ས་རྣམས་ཆོས་ཡུལ་ཀུན་ནས་རབ་ཏུ་
D44.035.0063a06.01སྐྱེས། །དེ་ཡང་རྣམ་དག་ཇི་བཞིན་རྒྱལ་བས་བསྟན། །ཤེས་རབ་རྒྱ་མཚོ་ཡངས་པའི་སྤྲིན་ལ་སྤྱོད། །འབྱམ་ཀླས་ཆོས་ཀྱི་མཐར་ཐུག་རྣམ་པ་ཀུན། །ཞིང་རྣམས་ཀུན་ལ་མངོན་སུམ་ནམ་མཁའ་འདྲ། །དེ་འབྱུང་བྱང་ཆུབ་ཤིང་ཆེན་འདི་ལས་གྲག །ཆོས་དབྱིངས་
D44.035.0063a07.01