完整藏文原文 · 德格版页 当前仅加载第 35 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་རྣམ་པར་དགོད་པའོ། །ཀྱེ་རྒྱལ་བའི་སྲས་དག་དེ་ལ་རྣལ་འབྱོར་ལ་སྤྱོད་པའི་བྱང་ཆུབ་སེམས་དཔའ་རྣམ་པར་དགོད་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་{དམྱིགས་,དམིགས་}པའི་རྣམ་པ་བཅུས་ཆོས་ཐམས་ཅད་ལ་བརྩོན་པར་བྱེད་དེ། བཅུ་གང་ཞེ་ན།
D44.035.0247b01.01འདི་ལྟར་ཆོས་ཐམས་ཅད་མི་རྟག་པ་དང་། ཆོས་ཐམས་ཅད་སྡུག་བསྔལ་བ་དང་། ཆོས་ཐམས་ཅད་སྟོང་པ་ཉིད་དང་། ཆོས་ཐམས་ཅད་བདག་{མྱེད་,མེད་}པ་དང་། ཆོས་ཐམས་ཅད་བྱེད་པ་{མྱེད་,མེད་}པ་དང་། ཆོས་ཐམས་ཅད་མྱོང་བ་{མྱེད་,མེད་}པ་དང་། ཆོས་ཐམས་ཅད་བརྡ་{མྱེད་,མེད་}པ་
D44.035.0247b02.01དང་། ཆོས་ཐམས་ཅད་གནས་{མྱེད་,མེད་}པ་དང་། ཆོས་ཐམས་ཅད་རྣམ་པར་རྟོག་པ་{མྱེད་,མེད་}པ་དང་། ཆོས་ཐམས་ཅད་ཆེད་དུ་བྱེད་པ་{མྱེད་,མེད་}པ་སྟེ། {དམྱིགས་,དམིགས་}པའི་རྣམ་པ་བཅུ་པོ་དེ་དག་གིས་ཆོས་ཀྱི་རྗེས་སུ་འབྲང་བའི་ཚུལ་དུ་བརྩོན་པར་མཛད་དེ། ཀྱེ་རྒྱལ་བའི་སྲས་དག །འདི་ནི་རྣལ་
D44.035.0247b03.01འབྱོར་ལ་སྤྱོད་པའི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག །དེ་ལྟར་རྣལ་འབྱོར་ལ་སྤྱོད་པའི་བྱང་ཆུབ་སེམས་དཔའ་དེ་ནི་སེམས་ཅན་གྱི་ཁམས་བརྟག་པ་ལ་ཡོངས་སུ་བསྐུལ་བར་བྱའོ། །ཆོས་ཀྱི་ཁམས་བརྟག་པ་ལ་ཡོངས་སུ་བསྐུལ་བར་བྱའོ། །འཇིག་
D44.035.0247b04.01རྟེན་གྱི་ཁམས་བརྟག་པ་ལ་ཡོངས་སུ་བསྐུལ་བར་བྱའོ། །སའི་ཁམས་བརྟག་པ་ལ་ཡོངས་སུ་བསྐུལ་བར་བྱའོ། །ཆུའི་ཁམས་བརྟག་པ་ལ་ཡོངས་སུ་བསྐུལ་བར་བྱའོ། །{མྱེའི་,མེའི་}ཁམས་བརྟག་པ་ལ་ཡོངས་སུ་བསྐུལ་བར་བྱའོ། །རླུང་གི་ཁམས་བརྟག་པ་ལ་
D44.035.0247b05.01ཡོངས་སུ་བསྐུལ་བར་བྱའོ། །འདོད་པའི་ཁམས་བརྟག་པ་ལ་ཡོངས་སུ་བསྐུལ་བར་བྱའོ། །གཟུགས་ཀྱི་ཁམས་བརྟག་པ་ལ་ཡོངས་སུ་བསྐུལ་བར་བྱའོ། །གཟུགས་{མྱེད་,མེད་}པའི་ཁམས་བརྟག་པ་ལ་ཡོངས་སུ་བསྐུལ་བར་བྱའོ། །དེ་ཅིའི་ཕྱིར་ཞེ་ན། དེ་བས་
D44.035.0247b06.01ཀྱང་ཆོས་ལ་སྣང་བ་འབྱུང་བ་དང་། གནས་གང་ཐོས་ཀྱང་དེ་ལ་བདག་ཉིད་སྦྱོར་བར་བྱ་བ་དང་། བདག་ཉིད་གཞན་གྱི་དྲིང་འཇོག་པར་མི་འགྱུར་བའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་རྣལ་འབྱོར་ལ་སྤྱོད་པའི་བྱང་ཆུབ་སེམས་དཔའ་རྣམ་པར་དགོད་པའོ། །
D44.035.0247b07.01