完整藏文原文 · 德格版页 当前仅加载第 35 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །རྒྱན་རྣམས་སྣ་ཚོགས་ཀུན་ཏུ་འོད་ཀྱང་སྣང་། །བྱང་ཆུབ་ཤིང་ནི་ཡལ་ག་རིན་ཆེན་འཕྱང་། །འོད་རྣམས་བཀྱེ་བ་ཀུན་ཏུ་རྣམ་པར་བརྒྱན། །བྱང་ཆུབ་བསམ་གྱིས་{མྱི་,མི་}ཁྱབ་དེ་སངས་རྒྱས། །ཕྱོགས་རྣམས་ཀུན་ཏུ་སྒྲ་ནི་རབ་ཏུ་སྒྲོག །སེམས་ཅན་ཀུན་
D44.035.0067b01.01གྱི་སེམས་བཞིན་ཚིམ་བྱས་ཏེ། །སྣ་ཚོགས་ཐབས་ཀྱི་སྒོ་ནས་རྣམ་པར་འདུལ། །དེ་ལས་ཆོས་ཉིད་ཞི་སྒྲ་རབ་ཏུ་འབྱུང་། །ཞིང་རྣམས་སྟོང་གི་རྡུལ་སྙེད་སྔན་ཅད་དུ། །སྤྱོད་ཚེ་ཕ་རོལ་ཕྱིན་ཀུན་རྒྱས་པར་མཛད། །སྟོབས་རྣམས་ཀུན་ལ་སངས་རྒྱས་རབ་བཞུགས་
D44.035.0067b02.01ཀྱང་། །རྒྱལ་བ་དེའི་ཞལ་ལྟར་ཀུན་ཀྱང་དེང་། །ཞིང་གི་རྡུལ་སྙེད་ཕྱོགས་རྣམས་ཐམས་ཅད་ནས། །རྒྱལ་སྲས་མང་པོ་རབ་ཏུ་དགའ་སྟེ་ལྷགས། །མཆོད་པ་སྣ་ཚོགས་ཆར་པ་རབ་འབེབས་ཤིང་། །ཐམས་ཅད་འཁོད་དེ་རྒྱལ་བ་མངོན་སུམ་ལྟ། །གསུང་
D44.035.0067b03.01དབྱངས་གཅིག་ལས་མཐའ་ཡས་མདོ་ཡི་རྣམས། །རྒྱ་མཚོ་དག་ཀྱང་སངས་རྒྱས་ཤིན་ཏུ་སྟོན། །འགྲོ་ཀུན་ཡིད་བཞིན་ཆོས་ཀྱི་ཆར་འབེབས་ཀྱིས། །རྐང་གཉིས་གཙོ་བོ་དེ་ལ་བལྟར་ཡང་འདོང་། །དུས་གསུམ་རྒྱལ་བའི་སྨོན་ལམ་གང་ཡོད་པ། །སྐད་
D44.035.0067b04.01ཅིག་ཐུགས་ལ་དེ་དག་མངོན་སུམ་སྟེ། །རྒྱལ་བ་བྱང་ཆུབ་ཤིང་དྲུང་སྟོན་མཛད་ཀྱིས། །རྒྱལ་བའི་དྲུང་དུ་མྱུར་དུ་འདོང་བར་གྱིས། །སངས་རྒྱས་རྣམ་པར་སྣང་མཛད་ཡེ་ཤེས་མཚོ། །འོད་ཟེར་ཀུན་གྱི་སྒོ་ནས་རབ་ཏུ་སྣང་། །ཆོས་ཉིད་ཇི་ལྟ་ཅི་འདྲ་དེ་དག་
D44.035.0067b05.01ལྟོས། །སངས་རྒྱས་འགྲོ་ཀུན་མངོན་སུམ་ཆོས་སྟོན་ཏོ། །དེའི་ཚེ་འཇིག་རྟེན་གྱི་ཁམས་རྒྱ་མཚོ་དེ་དག་ནས། དེ་བཞིན་གཤེགས་པའི་འོད་ཟེར་གྱིས་ཡང་དག་པར་བསྐུལ་བའི་རྣམས། བྱང་ཆུབ་སེམས་དཔའ་རང་རང་གི་འཁོར་གྱི་དཀྱིལ་འཁོར་རྒྱ་མཚོ་
D44.035.0067b06.01དང་ལྷན་ཅིག་ཏུ་འཕགས་ཏེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་གང་ན་བ་དེར་འོང་བར་གྱུར་ཏེ། འདི་ལྟར་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་འདི་དང་འདབ་ཆགས་སུ། ཤར་ཕྱོགས་ལོགས་
D44.035.0067b07.01