完整藏文原文 · 德格版页 当前仅加载第 35 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ་ཡས་ཡང་དག་འབྱུང་བ་རྒྱལ་བས་གཟིགས། །དེ་བཞིན་གཤེགས་པ་འཇིག་རྟེན་བསོད་ནམས་ཞིང་། །མིག་བཟང་བདག་པོ་ལྟོ་འཕྱེ་ཆེན་པོས་མཐོང་། །སེམས་ཅན་ཀུན་གྱི་སྡུག་བསྔལ་འཇིགས་པ་རྣམས། །ཇི་སྙེད་དེ་དག་རྒྱལ་བས་ཀུན་
D44.035.0031b01.01ནས་སྐྱབས། །རྒྱལ་བ་ཆོས་དབྱིངས་ནམ་མཁའ་ལྟ་བུ་སྟེ། །དེ་ནི་སྒྲོན་མ་སྐྱབས་ཀྱི་སྤྱོད་ཡུལ་ལོ། །སངས་རྒྱས་བ་སྤུ་རེ་རེའི་ཡོན་ཏན་ཡང་། །འཇིག་རྟེན་ཀུན་གྱིས་ཤེས་པར་མི་ནུས་ཏེ། །མགོན་པོ་རྣམས་ནི་མི་ཟད་ནམ་མཁའ་བཞིན། །འདི་
D44.035.0031b02.01ནི་ཤུགས་ཀྱི་རྒྱལ་མཚན་རྣམ་པར་མཐོང་། །ཐམས་ཅད་ཆོས་དང་སྟོབས་ཀྱི་མཐར་ཕྱིན་པས། །སངས་རྒྱས་རི་བོ་ལྟ་བུར་བསྐྱོད་མི་ནུས། །དེ་ཡི་ཆོས་ཉིད་རྒྱལ་བ་རབ་ཏུ་མཛེས། །སེང་གེའི་ཕྲུག་པ་དཔལ་ནི་འདི་ལ་འཇུག །རྒྱལ་བ་རྣམས་ཀྱིས་
D44.035.0031b03.01རྣམ་ཐར་ལ་དགའ་བ། །བསྐལ་པ་སྔ་ཚེ་རྒྱ་ཆེ་སྤེལ་བས་ན། །དེ་ཕྱིར་འགྲོ་བ་ཀུན་བལྟས་ཡིད་དུ་འོང་། །སྣ་ཚོགས་སྒྲ་དབྱངས་རྣམ་ཐར་འདི་ལ་འཇུག །རྒྱལ་བའི་ཕ་རོལ་ཕྱིན་པ་རྒྱ་མཚོ་རྣམས། །ཡོངས་བསྐང་ཆོས་དབྱིངས་སྐུ་དང་སྤྱོད་ཡུལ་མེད། །
D44.035.0031b04.01འཇིག་རྟེན་ཐམས་ཅད་སྐྱབས་གྱུར་སྒྲོན་མ་སྟེ། །རི་རབ་བུ་ནི་ཚུལ་བཟང་འདི་ལ་འཇུག །དེ་ལ་ནམ་མཁའ་ལྡིང་གི་དབང་པོ་མཐུ་སྟོབས་ཆེན་པོའི་ཤུགས་ཀྱི་རྣམ་པར་ཐར་པ་ནི། ཐོགས་པ་མེད་པའི་མིག་ལ་སྒྲིབ་པ་མེད་པས་སེམས་ཅན་གྱི་ཁམས་རྣམ་པར་ལྟ་བ་ཞེས་
D44.035.0031b05.01བྱའོ། །ནམ་མཁའ་ལྡིང་གི་དབང་པོ་མི་ཤིགས་པའི་སེམས་རིན་ཆེན་གཙུག་ཕུད་ཀྱི་རྣམ་པར་ཐར་པ་ནི། ཕྱོགས་བཅུའི་སེམས་ཅན་ཡོངས་སུ་སྨིན་པར་བྱ་བས། ཆོས་ཀྱི་དབྱིངས་ལ་རབ་ཏུ་གནས་པ་ཞེས་བྱའོ། །ནམ་མཁའ་ལྡིང་གི་དབང་པོ་ཤུགས་དྲི་མ་མེད་
D44.035.0031b06.01པའི་དཔལ་གྱི་རྣམ་པར་ཐར་པ་ནི། སྒོ་ཀུན་ནས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རབ་ཏུ་འབྱུང་བ་ཞེས་བྱའོ། །ནམ་མཁའ་ལྡིང་གི་དབང་པོ་ཕྱིར་མི་ལྡོག་པའི་སེམས་ཀྱི་རྒྱན་གྱི་རྣམ་པར་ཐར་པ་ནི། དེ་བཞིན་གཤེགས་པའི་ཤུགས་ཀྱི་མཐུས་འཇུག་པའི་འོད་ཅེས་བྱའོ། །
D44.035.0031b07.01