完整藏文原文 · 德格版页 当前仅加载第 35 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་སྦྱངས། །རང་བྱུང་དེ་བས་འགྲོ་བའི་དོན་མཛད་དོ། །སྣ་ཚོགས་སྤུངས་འོད་རྣམ་ཐར་འདི་ལ་འཇུག །སེམས་ཅན་ཀུན་གྱིས་བདེ་གཤེགས་མཐོང་མ་ཐག །མོས་པ་རྒྱ་མཚོ་རྣམ་པར་དག་པར་འགྱུར། །རྒྱལ་བ་ཀུན་གྱི་
D44.035.0046a01.01ལམ་ཡང་ཡང་དག་སྟོན། །མྱུ་གུ་ཡིད་འོང་འོད་ཀྱི་རྣམ་ཐར་ཡིན། །རྒྱལ་བ་ཀུན་གྱི་བ་སྤུའི་ཡོན་ཏན་འཁོར། །བསྐལ་པ་རྒྱ་མཚོར་ཟད་པར་མི་ནུས་ཏེ། །འགྲོ་བ་ཀུན་གྱིས་སངས་རྒྱས་བསམ་མི་ཁྱབ། །རྣམ་ཐར་འདི་ནི་ཕྲེང་བའི་དཔལ་གྱིས་མཐོང་། །
D44.035.0046a02.01སྔན་ཅད་རྒྱལ་བས་སངས་རྒྱས་གང་གི་རྣམས། །ཞིང་མང་རྡུལ་སྙེད་མཆོད་པ་དེ་དག་དྲན། །ཀུན་ཏུ་ཤེས་རབ་དཀྱིལ་འཁོར་རྣམ་པར་སྦྱངས། །ཡལ་ག་འོད་ཀྱི་བརྗིད་ཀྱིས་འདི་མཐོང་ངོ་། །འགྲོ་བ་ཀུན་གྱི་སྤྱོད་པ་རྒྱ་མཚོ་དག །སྐད་ཅིག་གཅིག་གིས་
D44.035.0046a03.01སངས་རྒྱས་ཐུགས་སུ་ཆུད། །རྒྱལ་བའི་ཡེ་ཤེས་ཆགས་མེད་ཤིན་ཏུ་ཡངས། །སྣ་ཚོགས་འགྱུར་སྤུངས་འོད་ཀྱིས་འདི་མཐོང་ངོ་། །བདེ་གཤེགས་གསུང་ནི་ཞི་བ་རབ་ཞིར་གསུང་། །དགའ་བ་ཡངས་པ་ཆེན་པོ་རྣམ་པར་སྐྱེད། །སེམས་ཅན་མོས་
D44.035.0046a04.01པ་ཇི་བཞིན་དེ་དག་ཤེས། །འདི་ནི་སྒྲ་རྣམས་སྒྲོགས་པའི་དབྱངས་ཀྱིས་ཐོས། །ཕྱོགས་བཅུའི་ཞིང་གི་དབྱིངས་རྣམས་རྒྱས་བྱས་ཤིང་། །སངས་རྒྱས་བྱིན་རླབས་རྒྱ་ཆེན་རབ་ཏུ་འབྱུང་། །རྒྱལ་བའི་སྔོན་གྱི་སྤྱོད་པ་དག་ཀྱང་སྟོན། །ཀུན་ཏུ་དྲི་ཞིམ་འོད་
D44.035.0046a05.01དཔལ་འདི་ལ་འཇུག །མ་རུངས་སེམས་ཅན་ཡོན་ཏན་མེད་པའི་རྣམས། །མྱོས་ཤིང་འཁོར་བ་ཀུན་ཏུ་འཁོར་བ་དག །དེ་དག་ལ་ནི་ཐམས་ཅད་མཁྱེན་ལམ་སྟོན། །འཕགས་པའི་འོད་ཀྱི་འཁོར་གྱིས་འདི་མཐོང་ངོ་། །སེམས་ཅན་མ་རུངས་སྦྱོར་བ་སྤྱོད་པ་
D44.035.0046a06.01རྣམས། །བསྐལ་པ་བྱེ་བས་སངས་རྒྱས་མཐོང་བར་འགྱུར། །གཞན་ནི་བདེ་གཤེགས་སྐད་ཅིག་གཅིག་གིས་ལྟ། །རིའི་འོད་ཀྱི་ལྷ་ཡིས་འདི་མཐོང་ངོ་། །དེ་ལ་རིའི་ལྷ་རིན་པོ་ཆེའི་རྩེ་མོའི་མེ་ཏོག་ཤིན་ཏུ་རྒྱས་པར་གནས་པའི་རྣམ་པར་ཐར་པ་ནི། བསམ་གཏན་
D44.035.0046a07.01