完整藏文原文 · 德格版页 当前仅加载第 35 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་གྱི་ཁམས་རྒྱ་མཚོ་འདི་དང་འདབ་ཆགས་སུ་ལྷོ་དང་ནུབ་ཀྱི་ཕྱོགས་མཚམས་ན། འཇིག་རྟེན་གྱི་ཁམས་རྒྱ་མཚོ་ཉི་མའི་འོད་རབ་ཏུ་འབར་བས་ཀུན་ཏུ་སྣང་བའི་སྙིང་པོ་ཞེས་བྱ་བ་ཡོད་དེ། འཇིག་རྟེན་གྱི་ཁམས་བར་མའི་རྒྱུད་དེ་དག་ལས་
D44.035.0072a01.01འཇིག་རྟེན་གྱི་ཁམས་ཉི་མ་དང་སེང་གེ་ལྟར་སྣང་བ་ན། དེ་བཞིན་གཤེགས་པ་སྒོ་ཀུན་ནས་ཡེ་ཤེས་རྣམ་པར་སྣང་བའི་དབྱངས་བཞུགས་པའི་འཁོར་གྱི་དཀྱིལ་འཁོར་རྒྱ་མཚོ་ནས། བྱང་ཆུབ་སེམས་དཔའ་མེ་ཏོག་ཀུན་ནས་འོད་འཕྲོ་གཙུག་ཕུད་རབ་
D44.035.0072a02.01ཏུ་འཕྱང་བ་ཞེས་བྱ་བ། བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་འཕགས་ཏེ། བཅོམ་ལྡན་འདས་གང་ན་བ་དེར་འོང་བར་གྱུར་ཏེ། སྣ་ཚོགས་ཐམས་ཅད་ཀྱིས་བརྒྱན་པའི་རིན་པོ་ཆེའི་གདུགས་ཀྱི་སྤྲིན་
D44.035.0072a03.01བཅུས་ནམ་མཁའ་ཀུན་ནས་ཡོག་པར་བྱིན་གྱིས་རློབ་ཅིང་། འོད་ཟེར་སྣང་བའི་རྒྱན་གྱིས་བརྒྱན་པའི་མེ་ཏོག་གི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། མུ་ཏིག་མང་པོ་ཁ་དོག་མཐའ་ཡས་པ་ཐམས་ཅད་ཀྱི་
D44.035.0072a04.01གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་བྱང་ཆུབ་སེམས་དཔའ་ཐམས་ཅད་ཀྱི་སྙིང་རྗེའི་སྒྲ་རབ་ཏུ་སྒྲོག་པའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རིན་
D44.035.0072a05.01པོ་ཆེའི་འོད་འཕྲོ་བ་སྣ་ཚོགས་ཀྱི་ཕྲེང་བའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རིན་པོ་ཆེའི་ཚོན་རྣམ་པ་སྣ་ཚོགས་ཀྱི་འོད་ཀྱིས་རབ་ཏུ་བརྒྱན་ཅིང་དྲིལ་བུའི་དྲ་བ་བྲེས་པའི་གདུགས་ཀྱི་སྤྲིན་བཅུས་ནམ་མཁའ་
D44.035.0072a06.01ཀུན་ནས་ཡོག་པར་བྱིན་གྱིས་བརླབ་པ་དང་། རིན་པོ་ཆེའི་ཤིང་གི་ཡལ་ག་ཐམས་ཅད་ཀྱིས་བརྒྱན་པའི་གདུགས་ཀྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་ཉི་མ་རྣམ་པར་སྣང་བའི་ལྟེ་བའི་གདུགས་
D44.035.0072a07.01