完整藏文原文 · 德格版页 当前仅加载第 35 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་། །དེ་དག་འོང་བ་གང་ཡང་མེད། །ལས་ཀྱི་རང་བཞིན་དེ་བཞིན་ནོ། །དེ་ནས་བྱང་ཆུབ་སེམས་དཔའ་འཇམ་དཔལ་གྱིས། བྱང་ཆུབ་སེམས་དཔའ་ཡོན་ཏན་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་དེ་བཞིན་གཤེགས་པས་ཆོས་གཅིག་མངོན་པར་
D44.035.0205b01.01སངས་རྒྱས་ན་འོན་ཀྱང་ཆོས་ཚད་མེད་པ་ཡང་ཡང་དག་པར་སྟོན། ཞིང་ཚད་མེད་པ་ཡང་རྣམ་པར་སྟོན། སེམས་ཅན་ཚད་མེད་པ་ཡང་རབ་ཏུ་སྟོན། །གསུང་ཚད་མེད་པ་ཡང་ཤིན་ཏུ་སྒྲོག །སྐུ་ཚད་མེད་པ་ཡང་ཤིན་ཏུ་སྟོན། །བསམ་པ་ཚད་མེད་པ་ཡང་ཐུགས་
D44.035.0205b02.01སུ་ཆུད། རྫུ་འཕྲུལ་ཚད་མེད་པ་ཡང་ཡང་དག་པར་སྟོན། །འཇིག་རྟེན་གྱི་ཁམས་ཚད་མེད་པ་ཡང་ཤིན་ཏུ་སྐྱོང་། རྒྱན་ཚད་མེད་པ་ཡང་བྱིན་གྱིས་རློབས། །སྤྱོད་ཡུལ་ཚད་མེད་པ་ཡང་ཤིན་ཏུ་སྟོན། །ཆོས་ཀྱི་དབྱིངས་ཀྱང་རྣམ་པ་ཐ་དད་དུ་མི་སྣང་བ་འདི་ཅི་ཞིག །དེ་ནས་
D44.035.0205b03.01བྱང་ཆུབ་སེམས་དཔའ་ཡོན་ཏན་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། །གནས་འདི་ཤེས་པར་དཀའ་བ་སྟེ། །རྒྱལ་བའི་སྲས་ཀྱིས་བདག་ལ་དྲིས། །དེ་ནི་མཁས་པས་རྣམ་པར་ཤེས། །ཡོན་ཏན་མོས་པ་དཔྱོད་པར་བྱེད། །
D44.035.0205b04.01ཇི་ལྟར་ས་ནི་གཅིག་པུ་ཡང་། །སེམས་ཅན་མང་པོ་རབ་ཏུ་རྒྱུ། །དེ་ལ་གཅིག་དང་ཐ་དད་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་{མྱེ་,མེ་}ནི་གཅིག་པུ་ཡང་། །འཇིག་རྟེན་ཀུན་ན་ཀུན་ཀྱང་འབུད། །དེ་ལ་{མྱེ་,མེ་}ལྕེ་ཐ་དད་མེད། །སངས་རྒྱས་ཆོས་ཉིད་དེ་
D44.035.0205b05.01བཞིན་ནོ། །ཇི་ལྟར་རྒྱ་མཚོ་གཅིག་པུ་ལས། །ཆུ་ཀླུང་ཚད་མེད་འབབ་གྱུར་ཀྱང་། །དེ་ལ་ཆུ་ཡི་བྱེ་བྲག་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་རླུང་ནི་གཅིག་པུ་ཡང་། །འཇིག་རྟེན་ཀུན་ན་རྒྱུ་ཞིང་ལྡང་། །དེ་ལ་གཅིག་དང་ཐ་དད་མེད། །སངས་
D44.035.0205b06.01རྒྱས་ཆོས་ཉིད་དེ་བཞིན་ནོ། །སྤྲིན་ཆེན་རྣམས་ནི་འབྲུག་བསྒྲགས་ཤིང་། །ས་རྣམས་ཀུན་ཀྱང་ངོམས་པར་བྱེད། །དེ་ཡི་ཆར་ལ་བྱེ་བྲག་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་ས་ནི་གཅིག་པུ་ཡང་། །མྱུ་གུ་སྣ་ཚོགས་འབྱིན་ཅིང་སྟོན། །ས་ལ་
D44.035.0205b07.01