完整藏文原文 · 德格版页 当前仅加载第 35 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
སྐོམ་དང་། གོས་ཀྱི་ལོངས་སྤྱོད་ཡིད་ཀྱིས་བསམས་པས་འབྱུང་བ་རྒྱན་གྱི་རྣམ་པ་བརྗོད་པ་སྣ་ཚོགས་དང་ལྡན་པ་ཞིག་སྟེ། འཇིག་རྟེན་གྱི་ཁམས་དཔལ་གྱི་སྒྲ་ཞེས་བྱ་བ་དེའི་དབུས་ན། སྤོས་ཆུའི་རྒྱ་མཚོ་འོད་རྣམ་པར་དག་པ་ཞེས་བྱ་བ་ཡོད་དེ།
D44.035.0146a01.01དེ་ལས་མེ་ཏོག་གི་རི་རབ་མེ་ཏོག་འོད་འཕྲོ་བའི་རྒྱན་གྱི་རྒྱལ་མཚན་ཞེས་བྱ་བ། རིན་པོ་ཆེའི་ཁྲི་འཕང་བཅུའི་འཁོར་གྱིས་བསྐོར་ཅིང་བརྒྱན་པ་ཞིག་བྱུང་སྟེ། རི་རབ་དེའི་སྟེང་ན་ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་ཞེས་བྱ་བ། སྤོས་ཀྱི་
D44.035.0146a02.01རྒྱལ་མཚན་སྟོང་ཕྲག་དཔག་ཏུ་མེད་པ་ཤིན་ཏུ་བསྒྲེངས་པའི་རྒྱན་ཅན། མེ་ཏོག་གི་ཁང་པ་བརྩེགས་པ་དཔག་ཏུ་མེད་པའི་ཕྲེང་བ་རྣམ་པར་བྲེས་པ། ནོར་བུའི་ཁང་པ་བརྩེགས་པ་རྣམ་པར་བཀོད་པ། རིན་པོ་ཆེའི་རྡོ་རྗེའི་རྒྱལ་མཚན་དཔག་ཏུ་མེད་པས་ཀུན་ཏུ་བརྒྱན་པ། རིན་པོ་
D44.035.0146a03.01ཆེའི་མེ་ཏོག་པུན་ད་རི་ཀ་དཔག་ཏུ་མེད་པའི་ཕྲེང་བ་དག་གིས་ཀུན་ནས་བསྐོར་བ། སྤོས་དང་། རིན་པོ་ཆེའི་པད་མོ་མང་པོ་དཔག་ཏུ་མེད་པས་ཀུན་ཏུ་བརྒྱན་པ། རོལ་མོ་སྣ་ཚོགས་ཀྱི་སྒྲ་ཡིད་དུ་འོང་བའི་སྤྲིན་དཔག་ཏུ་མེད་པས་ཀུན་ཏུ་རྒྱས་པ། སྤོས་དང་བདུག་པའི་འོད་འཕྲོ་བའི་སྤྲིན་
D44.035.0146a04.01དཔག་ཏུ་མེད་པས་ཀུན་ཏུ་སྣང་བར་བྱས་པ། གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུ་སེམས་ཅན་སྣ་ཚོགས་སྣང་བས་ཀུན་ནས་བསྐོར་བ་སྟེ། འདི་ལྟར་ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་པ་ཞེས་བྱ་བ། དེའི་ཤར་ཕྱོགས་ལོགས་ན་
D44.035.0146a05.01གྲོང་ཁྱེར་ཆེན་པོ་འོད་འཕྲོ་སྣང་བ་ཞེས་བྱ་བ་མི་ཡི་རྒྱལ་པོའི་གནས་གྲོང་ཁྱེར་བརྒྱ་སྟོང་ཕྲག་བཅུའི་འཁོར་གྱིས་བསྐོར་བ། རིན་པོ་ཆེ་འབའ་ཞིག་ལས་བྱས་པ་ཆུ་དང་ཞེང་དུ་དཔག་ཚད་སྟོང་ཕྲག་བདུན་ཡོད་པ། རིན་པོ་ཆེ་སྣ་ཚོགས་ཀྱི་ཤིང་ཏགས་དང་། ཕྲུ་མའི་ར་བ་བདུན་གྱིས་བརྒྱན་ཅིང་
D44.035.0146a06.01ཀུན་ནས་བསྐོར་བ། རིན་པོ་ཆེའི་འོབས་སྤོས་ཀྱི་ཆུས་གང་བ། རིན་པོ་ཆེའི་མེ་ཏོག་ཨུཏྤ་ལ་དང་། པདྨོ་དང་། ཀུ་མུ་ད་དང་། མེ་ཏོག་པུན་ད་རི་ཀས་རྣམ་པར་བརྒྱན་པ་བདུན་གྱིས་ཀུན་ནས་བསྐོར་བ། ཤིང་ཏ་ལའི་ཕྲེང་བ་རྒྱན་རྣམ་པ་སྣ་ཚོགས་ཀྱི་ཚོགས་མང་པོ་འབྱིན་པ་
D44.035.0146a07.01