完整藏文原文 · 德格版页 当前仅加载第 35 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
རིག་བྱེད་དབང་ཕྱུག་དང་། རིག་བྱེད་ཚངས་པ་དང་། རིག་བྱེད་སྣ་ཚོགས་ཤེས་བྱ་བ་དག་གོ །བྱང་ཆུབ་སེམས་དཔའ་དེ་དག་ཐམས་ཅད་ཀྱང་། བྱང་ཆུབ་སེམས་དཔའ་རེ་རེ་ཞིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་
D44.035.0193b01.01ཏུ་ཕྱིན་པ་དག་སྟེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དེ། གཅིག་ན་ཇི་ལྟ་བ་དེ་བཞིན་ཐམས་ཅད་ན་ཡང་བརྗོད་དེ། དེའི་ཚེ་ཚིགས་སུ་བཅད་པ་འདི་དག་
D44.035.0193b02.01ཀྱང་སོ་སོ་ནས་སྨྲ་བར་གྱུར་ཏོ། །གང་གིས་འགྲོ་བ་ཤིན་ཏུ་གཙེས་གྱུར་ཅིང་། །སྲེད་པའི་གསལ་ཤིང་ལྡན་པར་ཀུན་ཤེས་ནས། །རང་འབྱུང་ཀུན་མཁྱེན་ཡོན་ཏན་ཚོལ་བ་རྣམས། །དེ་དག་ཆོས་ཉིད་འདི་འདྲ་འདི་ཡིན་ནོ། །ཆོས་ཀྱི་རང་བཞིན་གནས་
D44.035.0193b03.01པ་མཐོང་གྱུར་ནས། །མཐའ་གཉིས་གང་གིས་རབ་ཏུ་སྤངས་གྱུར་ཅིང་། །ལྡོག་པ་མེད་ཅིང་དགོས་པ་ཀུན་ཤེས་པ། །དེ་དག་ང་ཡི་འཁོར་ལོ་མཚུངས་མེད་སྐོར། །གང་རྣམས་ཆོས་དང་ལྡན་པའི་བསམ་པ་ཡིས། །འཁོར་བའི་སྐྱེ་དགུ་ཀུན་གྱི་དོན་གྱི་ཕྱིར། །
D44.035.0193b04.01བསྐལ་པ་བསམ་ཡས་རྒྱ་ཆེན་གོ་གྱོན་པའི། །དྲང་སྲོང་ཆེན་པོའི་ལོངས་སྤྱོད་འདི་འདྲའོ། །གཞན་གྱིས་མི་ཕམ་དཔའ་བའི་རྒྱལ་མཚན་ཅན། །བདུད་རྣམས་ཐམས་ཅད་མཐར་འབྱིན་མགོན་པོ་རྣམས། །བྱམས་པས་གང་དག་མི་འཇིགས་སྒྲ་འབྱིན་པ། །
D44.035.0193b05.01དེ་དག་ཆོས་ཉིད་འདི་འདྲ་འདི་ཡིན་ནོ། །འདི་དག་ནང་ནས་བྱུང་ངོ་ཞེས་བྱ་བར། །ཉོན་མོངས་སེལ་བའི་སེམས་ནི་སྐད་ཅིག་ཏུ། །ཐམས་ཅད་ཤེས་པ་སུ་ཡི་རྒྱུད་སྐྱེས་པ། །དེ་དག་རྣམ་པར་འཕྲུལ་པ་འདི་དག་སྟོན། །གང་རྣམས་ཆོས་ཀྱི་རྔ་ནི་རྡུང་བྱེད་ཅིང་། །
D44.035.0193b06.01བྱང་ཆུབ་སེམས་ཀྱང་སྲོག་ཆགས་ཐམས་ཅད་ལ། །ཕྱོགས་བཅུའི་ཞིང་རྣམས་ཀུན་ཏུ་ཤེས་བྱེད་པ། །རང་བྱུང་དེ་དག་ཚུལ་ནི་འདི་འདྲའོ། །གདུལ་བར་དཀའ་བ་མཐའ་ཡས་སྤྱོད་ཡུལ་ཅན། །ཞིང་རྣམས་བྱེ་བ་གང་དག་སྤྱོད་གྱུར་ཅིང་། །ནམ་ཡང་དངོས་པོ་དག་
D44.035.0193b07.01