完整藏文原文 · 德格版页 当前仅加载第 35 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་རྒྱ་མཚོའི་རྒྱན་ཤིན་ཏུ་བསྟན་པ་འདི་ཉིད་ཡོངས་སུ་བསྟན་པའི་ཕྱིར། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་རྣམས་རྒྱ་མཚོ་རྒྱ་ཆེ་མཐའ་ཡས་ཏེ། །རྣམ་
D44.035.0096b01.01དག་ལས་ཀྱིས་རྣམ་པ་སྣ་ཚོགས་གནས། །ཕྱོགས་བཞི་ཞིང་རྣམས་རྒྱ་མཚོ་རྣམས་ཀུན་ཀྱང་། །སྣ་ཚོགས་རྒྱན་ཅན་ཡངས་པར་ཀུན་ནས་གནས། །ཁ་དོག་སྣ་ཚོགས་ཡངས་པའི་ཞིང་གི་རྣམས། །རྒྱ་མཚོ་རྟག་པར་ཕྱོགས་རྣམས་ཀུན་ཏུ་འབྱུང་། །
D44.035.0096b02.01རྒྱན་དང་རིན་ཆེན་འོད་འཕྲོ་སྣ་ཚོགས་སྤྲིན། །སྒྲ་འབྱིན་ཞིང་གི་དབྱིངས་རྣམས་ཁེབས་པར་བྱེད། །བྱང་ཆུབ་སེམས་དཔའི་ཡོན་ཏན་རྒྱ་མཚོ་རྣམས། །དེ་དག་ཀུན་ཀྱང་རྒྱ་མཚོའི་ཞིང་ན་གྲགས། །སྣ་ཚོགས་རྒྱན་དང་སྨོན་ལམ་སྤྲིན་གྱི་རྣམས། །
D44.035.0096b03.01དེ་དག་ཞིང་མང་རྒྱ་མཚོར་སྒྲ་ཡང་འབྱིན། །འགྲོ་བའི་ལས་རྣམས་རྒྱ་མཚོ་ཡངས་པ་དག །རྒྱན་གྱི་སྤྲིན་རྣམས་ཀུན་ནས་སྒྲར་འབྱིན་ཏེ། །སེམས་ཅན་དེ་དག་རྣམ་སྨྱིན་ཅི་འདྲ་བ། །སངས་རྒྱས་བྱིན་གྱིས་ཀུན་ནས་སྒྲ་ཡང་སྒྲོག །དུས་གསུམ་འབྱུང་
D44.035.0096b04.01བའི་དེ་བཞིན་གཤེགས་པ་ཡིས། །རྣམ་འཕྲུལ་ཞིང་རྣམས་རྒྱ་མཚོ་ཀུན་ན་སྣང་། །དམིགས་པ་རེ་རེ་ལ་ཡང་སངས་རྒྱས་ཀུན། །དེ་འདྲའི་ཞིང་མང་རྒྱ་མཚོའི་རྒྱན་ལ་ལྟོས། །འདས་པའི་བསྐལ་པ་དེ་བཞིན་མ་འོངས་དང་། །ཕྱོགས་བཅུའི་ད་
D44.035.0096b05.01ལྟར་འབྱུང་བ་ཇི་སྙེད་པའི། །བསྐལ་པ་དེ་དག་རྒྱན་མང་ཡངས་པ་ཡང་། །ཞིང་རྣམས་རྒྱ་མཚོ་རེ་རེ་དག་ན་སྣང་། །དམིགས་པ་ཀུན་ལ་སངས་རྒྱས་སྤྲིན་གྱི་རྣམས། །འགྲོ་དང་མཉམ་པས་འཇིག་རྟེན་ཀུན་ཏུ་འགེངས། །རྣམ་པར་འཕྲུལ་
D44.035.0096b06.01ཞིང་སེམས་ཅན་རྣམ་པར་འདུལ། །འདི་ནི་ཞིང་རྣམས་རྒྱ་མཚོའི་རྣམ་ཐར་ཏོ། །སྤོས་འོད་སྤྲིན་དང་དེ་བཞིན་མེ་ཏོག་ཀླུང་། །རྒྱན་རྣམས་སྣ་ཚོགས་ཐམས་ཅད་ཀུན་ནས་ཀྱང་། །རྟག་པར་ཀུན་ཏུ་ཁྱབ་པར་རབ་ཏུ་འབྱུང་། །འདི་ནི་ཞིང་རྣམས་རྒྱ་
D44.035.0096b07.01