完整藏文原文 · 德格版页 当前仅加载第 35 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
མཐར་ཐུག་པར་སྟོབས་ལ་འཇུག་པ་དང་། འགྲོ་བ་དང་ལྡོག་པ་མཐར་ཐུག་པར་མངོན་པར་འཚང་རྒྱ་བ་དང་། ཞིང་གི་གནས་ཀྱི་མཐར་ཐུག་པར་ཐམས་ཅད་མཐོང་བ་དང་། དེ་བཞིན་གཤེགས་པའི་ཡེ་ཤེས་ཀྱི་མཐར་ཐུག་པ་རབ་ཏུ་ཐོབ་
D44.035.0293a01.01པར་བྱ་བས་སྨོན་ལམ་གྱི་ཕ་རོལ་ཏུ་ཕྱིན་པ་ཡོངས་སུ་དག་པར་བྱེད་དོ། །བསམ་པའི་སྟོབས་ཀུན་ནས་ཉོན་མོངས་པ་མེད་པ་དང་། ལྷག་པའི་བསམ་པའི་སྟོབས་དབང་དུ་གྱུར་ཅིང་ཐུབ་པ་མེད་པ་དང་། སྙིང་རྗེ་ཆེན་པོའི་སྟོབས་སྐྱོ་བ་མེད་པ་དང་། བྱམས་པ་ཆེན་པོའི་
D44.035.0293a02.01སྟོབས་སྙོམས་པའི་སྦྱོར་བ་ཅན་དང་། གཟུངས་ཀྱི་སྟོབས་དོན་ཐམས་ཅད་ཀྱི་སྦྱོར་བ་ལ་བསྒྲིབས་པ་མེད་པ་དང་། སྤོབས་པའི་སྟོབས་འགྲོ་བ་ཐམས་ཅད་ཚིམ་པར་བྱེད་པ་དང་། ཕ་རོལ་ཏུ་ཕྱིན་པའི་སྟོབས་ཐེག་པ་ཐམས་ཅད་ཀྱི་རྒྱན་བྱེད་པ་དང་། སྨོན་ལམ་གྱི་
D44.035.0293a03.01སྟོབས་གཅད་དུ་མི་རུང་བ་དང་། མངོན་པར་ཤེས་པའི་སྟོབས་ཚད་མེད་པ་མངོན་པར་བསྒྲུབ་པ་དང་། སངས་རྒྱས་ཀྱི་བྱིན་གྱི་རླབས་ལ་མོས་པ་དམ་པའི་སྟོབས་རབ་ཏུ་འཛིན་པས། སྟོབས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པར་བྱེད་དོ། །འདོད་ཆགས་
D44.035.0293a04.01ཀྱི་སྤྱོད་པ་ཁོང་དུ་ཆུད་པ་དང་། ཞེ་སྡང་གི་སྤྱོད་པ་རྗེས་སུ་རྟོགས་པ་དང་། གཏི་མུག་གི་སྤྱོད་པ་རབ་ཏུ་རྟོགས་པ་དང་། ཆ་མཉམ་པའི་སྤྱོད་པ་རྗེས་སུ་ཤེས་པ་དང་། སློབ་པའི་སེམས་ཅན་གྱི་སྤྱོད་པ་རབ་ཏུ་རྟོགས་པ་དང་། སྐད་ཅིག་གཅིག་གིས་སེམས་ཅན་
D44.035.0293a05.01མཐའ་ཡས་པའི་སྤྱོད་པ་རྣམ་པར་རྟོགས་པ་དང་། སེམས་དང་བསམ་པ་མཐའ་ཡས་པ་ཐམས་ཅད་ཤེས་པར་བྱེད་པ་དང་། ཆོས་ཐམས་ཅད་ལ་ཡང་དག་པ་ཇི་ལྟ་བ་བཞིན་དུ་རྟོགས་པ་དང་། དེ་བཞིན་གཤེགས་པའི་སྟོབས་ཀྱི་རྗེས་སུ་འཇུག་པ་དང་། ཆོས་
D44.035.0293a06.01ཀྱི་དབྱིངས་ཀྱི་སྒོ་ཐམས་ཅད་དང་ལྡན་པ་ཁོང་དུ་ཆུད་པས། ཡེ་ཤེས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པར་བྱེད་དོ། །དེ་དག་དེ་ལྟར་ཕ་རོལ་ཏུ་ཕྱིན་པ་རྣམས་ཡོངས་སུ་སྦྱོང་ཞིང་ཕ་རོལ་ཏུ་ཕྱིན་པ་དེ་དག་ཡོངས་སུ་རྫོགས་པར་བྱེད་པ་དང་། ཕ་རོལ་གྱི་ཕྱོགས་
D44.035.0293a07.01