完整藏文原文 · 德格版页 当前仅加载第 35 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
བ་མེད་ཅིང་རྒྱུ་བ་མེད། །འཇིག་རྟེན་དག་ཏུའང་མཉམ་པར་སྤྱོད། །སེམས་ཅན་ཀུན་གྱི་སེམས་ཀྱི་རྣམས། །དུས་གསུམ་ཀུན་ཏུ་རབ་ཡངས་པ། །སེམས་གཅིག་ལ་ནི་རབ་འཇུག་པས། །སངས་རྒྱས་རྣམས་ཀྱི་ཡེ་ཤེས་
D44.035.0210a01.01འཇུག །དེ་ནས་དེའི་ཚེ་འཇིག་རྟེན་གྱི་ཁམས་དེ་དག་ན། སེམས་ཅན་ཀུན་གྱི་རྒྱུད་ཇི་སྙེད་པ་དང་། ཆོས་ཀྱི་རྒྱུད་ཇི་སྙེད་པ་དང་། ལས་ཀྱི་རྒྱུད་ཇི་སྙེད་པ་དང་། འཇིག་རྟེན་གྱི་རྒྱུད་ཇི་སྙེད་པ་དང་། ལུས་ཀྱི་རྒྱུད་ཇི་སྙེད་པ་དང་། དབང་པོའི་རྒྱུད་ཇི་སྙེད་པ་དང་། སྐྱེ་བའི་རྒྱུད་ཇི་
D44.035.0210a02.01སྙེད་པ་དང་། ཚུལ་ཁྲིམས་ཀྱི་འབྲས་བུའི་རྒྱུད་ཇི་སྙེད་པ་དང་། ཚུལ་ཁྲིམས་ལོག་པའི་འབྲས་བུའི་རྒྱུད་ཇི་སྙེད་པ་དང་། ཡུལ་གྱི་འབྲས་བུའི་རྒྱུད་ཇི་སྙེད་པ་དེ་དག་ཐམས་ཅད་སངས་རྒྱས་ཀྱི་མཐུས་རབ་ཏུ་སྣང་བར་གྱུར་ཏེ། ཇི་ལྟར་འཇིག་རྟེན་གྱི་ཁམས་དེ་དག་ཏུ་རབ་
D44.035.0210a03.01ཏུ་སྣང་བར་གྱུར་པ་དེ་བཞིན་དུ། ཤར་ཕྱོགས་ཀྱི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་དཔག་ཏུ་མེད་པ་གྲངས་མེད་པ་བསམ་གྱིས་མི་ཁྱབ་པ། མཚུངས་པ་མེད་པ་ཀུན་ཏུ་མཐའ་ཡས་པ་མུ་མེད་པ། ས་མཚམས་མེད་པ་གཞལ་དུ་མེད་པ་བརྗོད་དུ་{མྱེད་,མེད་}པ།
D44.035.0210a04.01ཆོས་ཀྱི་དབྱིངས་ཀྱིས་ཀླས་པ། ནམ་མཁའི་དབྱིངས་ཀྱི་མཐས་གཏུགས་པ་ཐམས་ཅད་ན་ཡང་སེམས་ཅན་གྱི་རྒྱུད་ཇི་སྙེད་པ་ཞེས་བྱ་བ་ནས། གཞུང་དེ་བཞིན་དུ་ཡུལ་གྱི་འབྲས་བུའི་རྒྱུད་ཇི་སྙེད་པའི་བར་དུ་དེ་དག་ཐམས་ཅད་སངས་རྒྱས་ཀྱི་མཐུས་རབ་ཏུ་སྣང་བར་
D44.035.0210a05.01གྱུར་ཏོ། །དེ་བཞིན་དུ་ལྷོ་ཕྱོགས་དང་། དེ་བཞིན་དུ་ནུབ་ཕྱོགས་དང་། དེ་བཞིན་དུ་བྱང་ཕྱོགས་དང་། དེ་བཞིན་དུ་བྱང་ཤར་གྱི་ཕྱོགས་མཚམས་དང་། དེ་བཞིན་དུ་ཤར་ལྷོའི་ཕྱོགས་མཚམས་དང་། དེ་བཞིན་དུ་ལྷོ་ནུབ་ཀྱི་ཕྱོགས་མཚམས་དང་། དེ་བཞིན་དུ་ནུབ་བྱང་
D44.035.0210a06.01གི་ཕྱོགས་མཚམས་དང་། དེ་བཞིན་དུ་འོག་གི་ཕྱོགས་དང་། དེ་བཞིན་དུ་སྟེང་གི་ཕྱོགས་ཀྱི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་དཔག་ཏུ་མེད་པ་གྲངས་མེད་པ། བསམ་གྱིས་མི་ཁྱབ་པ་མཚུངས་པ་མེད་པ། ཀུན་ཏུ་མཐའ་ཡས་པ་མུ་མེད་པ།
D44.035.0210a07.01