完整藏文原文 · 德格版页 当前仅加载第 35 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བ་སྐུ་ནི་ཞི་ལ་རབ་ཏུ་ཞི། །འཇིག་རྟེན་ཀུན་ཏུ་དྲི་མེད་སྣང་ཞིང་མཛེས། །མཚན་ཉིད་མེད་ཅིང་གཟུགས་བརྙན་མེད་པའི་ཡུལ། །སྤྲིན་དང་མཉམ་པར་དེ་བཞིན་གཤེགས་པ་སྣང་། །འགྲོ་བ་ཀུན་གྱི་བསམ་དུ་མི་ནུས་ཏེ། །སངས་རྒྱས་སྐུ་དང་དེ་བཞིན་བསམ་
D44.035.0017b01.01གཏན་ཡུལ། །ཐམས་ཅད་ཚུལ་གྱི་སྒོ་ཡིས་བསམ་དུ་མེད། །ཚངས་པའི་བློ་གྲོས་འོད་ཀྱིས་འདི་མཐོང་ངོ་། །རྒྱ་མཚོའི་ཆོས་རྣམས་ཞིང་གི་རྡུལ་སྙེད་ཀྱང་། །སངས་རྒྱས་གསུང་གཅིག་ཡང་དག་བཀའ་སྩལ་ཏེ། །བསྐལ་པ་རྒྱ་མཚོར་གསུངས་ཀྱང་ཟད་པ་
D44.035.0017b02.01མེད། །སྣང་བ་སེམས་དཔའི་རྣམ་ཐར་འདི་ཡིན་ནོ། །སྔོན་གྱི་རྒྱལ་བའི་གསུང་གི་ཡན་ལག་ཀྱང་། །འགྲོ་བ་སྙེད་དེ་རྒྱུད་ཀུན་སེམས་ཅན་ཤེས། །རྒྱལ་བ་དེ་ལ་རྟོག་དང་དབྱངས་མི་མངའ། །ཚངས་པ་ཀུན་ཏུ་སྒྲ་དབྱངས་འདི་ལ་འཇུག །དེ་བཞིན་གཤེགས་པ་
D44.035.0017b03.01དུས་གསུམ་གཤེགས་པ་དག །བྱང་ཆུབ་སྤྱོད་པའི་ཚུལ་ལ་གང་བཞུགས་པ། །དེ་དག་རྒྱལ་བའི་སྐུ་ལ་ཐམས་ཅད་སྣང་། །རྣམ་ཐར་འདི་ལ་འཇིག་རྟེན་དབང་པོ་འཇུག །སེམས་ཅན་ཀུན་གྱི་ལས་དབང་གང་ཡིན་དང་། །སྣ་ཚོགས་རྒྱུ་ཡི་སྒོ་ཡིས་རྣམ་གྲོལ་བ། །
D44.035.0017b04.01འགྲོ་བ་བཀང་ཞིང་སངས་རྒྱས་ཡང་དག་སྟོན། །ཞི་བ་ཟབ་མོའི་མིག་ནི་འདི་ལ་འཇུག །རྣམ་པ་མཐའ་ཡས་སྒོ་ཡིས་རང་བྱུང་རྣམས། །ཕྱོགས་རྣམས་མ་ལུས་ཀུན་ཏུ་སེམས་ཅན་འདུལ། །སངས་རྒྱས་རྟོག་དང་རྣམ་རྟོག་མི་མངའ་སྟེ། །སྣང་བ་འགྱེད་པའི་
D44.035.0017b05.01སྤྱོད་ཡུལ་འདི་ཡིན་ནོ། །རྒྱལ་བའི་སྐུ་ནི་མི་ཟད་ནམ་མཁའ་བཞིན། །མཚན་ཉིད་མི་མངའ་ཕྱོགས་ལ་ཆགས་པ་མེད། །སྒྱུ་མར་གཏོགས་པའི་ཆོས་ཉིད་རབ་ཏུ་སྟོན། །ཀུན་ཏུ་འཕྲུལ་དགའི་སྤྱོད་ཡུལ་འདི་ཡིན་ནོ། །བདེ་གཤེགས་སྐུ་དང་ཡེ་ཤེས་རྣམ་
D44.035.0017b06.01པ་དང་། །དེ་བཞིན་དབྱངས་ཀྱི་དཀྱིལ་འཁོར་མཐའ་མེད་དེ། །ཆགས་མེད་སེམས་ཅན་སངས་རྒྱས་མངོན་དུ་བལྟ། །འོད་ཟེར་ཡིད་འོང་རྣམ་ཐར་འདི་ལ་འཇུག །ཆོས་རྗེ་ཆོས་ཀྱི་གཞལ་མེད་ཁང་བཞུགས་ཤིང་། །ཆོས་ཀྱི་སྐུ་ཡི་སངས་རྒྱས་རབ་ཏུ་སྣང་། །
D44.035.0017b07.01