完整藏文原文 · 德格版页 当前仅加载第 35 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པས་རབ་ཏུ་བརྒྱན། །འཇིག་རྟེན་ཀུན་དང་འགྲོ་བ་རྣམས་ཀྱི་ཇི་ཙམ་ཚད། །ནམ་མཁའི་ཚད་ཀྱང་ཕྱོགས་བཅུ་དག་ཏུ་ཇི་ཙམ་པ། །དེ་དག་བས་ཀྱང་བྱང་ཆུབ་སེམས་འདི་ཚད་མེད་དེ། །དེ་ལས་སྐྱེས་བུའི་སེང་གེ་ཀུན་ཀྱང་སྐྱེས་ཤིང་
D44.035.0284a01.01བྱུང་། །བྱང་ཆུབ་སེམས་འདི་སྟོབས་བཅུ་རྣམས་ཀྱི་རྩ་བ་སྟེ། །བརྟེན་པ་བཞི་ཡི་གནས་ཡིན་སོ་སོར་ཤེས་པའི་རྩ། །རྒྱལ་བའི་ཆོས་རྣམས་{བཅྭོ་,བཅོ་}བརྒྱད་ཡང་དག་འབྱིན་པ་སྟེ། །སྐྱེས་བུའི་གཙོ་བོས་མཁྱེན་པར་བྱ་བའི་ཆོས་ཀུན་འབྱིན། །གཟུགས་ཀྱི་སྐུ་ནི་
D44.035.0284a02.01མཚན་རབ་རྣམས་ཀྱིས་བསྩགས་པ་དང་། །ཆོས་སྐུ་མཉམ་ཉིད་རྟོག་པ་{མྱི་,མི་}མངའ་བརྙེས་པ་དང་། །འགྲོ་བས་མཆོད་པའི་ཡེ་ཤེས་ཆགས་མེད་གང་བྱུང་བ། །ཀུན་གྱི་རྩ་བ་འབྱུང་གནས་བྱང་ཆུབ་སེམས་འདི་ཡིན། །རང་རྒྱལ་ཐེག་པ་འབྱུང་ཞིང་ཉན་
D44.035.0284a03.01ཐོས་ཐེག་པའང་འབྱུང་། །བསམ་གཏན་ཏིང་འཛིན་བདེ་བ་གཟུགས་ཀྱི་ཁམས་རྣམས་དང་། །གཟུགས་མེད་ཁམས་རྣམས་ཏིང་ངེ་འཛིན་གྱི་བདེ་བ་དག །ཀུན་གྱི་རྩ་བ་བྱང་ཆུབ་སེམས་མཆོག་འདི་ཡིན་ནོ། །མི་དང་དེ་བཞིན་ལྷ་ཡི་དབང་པོའི་བདེ་བ་དང་། །
D44.035.0284a04.01ལམ་རྒྱུད་སྣ་ཚོགས་ཀུན་ཀྱང་འདི་ལ་ཤིན་ཏུ་སྦྱངས། །བརྩོན་འགྲུས་སྟོབས་དང་དབང་པོའི་བདེ་བ་གང་ཡོད་པ། །ཀུན་གྱི་རྩ་བ་དང་པོ་བྱང་ཆུབ་སེམས་འདི་ཡིན། །ཅི་ཕྱིར་ཞེ་ན་འདི་ལྟར་བྱང་ཆུབ་སེམས་བསྐྱེད་ཅིང་། །ཕ་རོལ་ཕྱིན་དྲུག་བརྩོན་པར་
D44.035.0284a05.01སྤྱད་པ་རབ་ཏུ་སྤྱོད། །སེམས་ཅན་རྣམས་ལའང་སྤྱོད་པ་ཡང་དག་རབ་ཏུ་སྟོན། །དེས་ནི་ཁམས་གསུམ་འགྲོ་བའི་བདེ་བ་ཀུན་ཀྱང་འབྱུང་། །སངས་རྒྱས་ཆགས་མེད་ཐུགས་ཆུད་དོན་དམ་མཁྱེན་པ་རྣམས། །ཆོས་ཀྱི་དམ་པའི་མཆོག་རྣམས་
D44.035.0284a06.01ཡང་དག་ཀུན་སྟོན་ཅིང་། །རྒྱ་ཆེན་ཉོན་མོངས་ལས་ལས་སེམས་ཅན་གྲོལ་མཛད་དེ། །མྱ་ངན་འདས་པ་དམ་པ་མཆོག་ལ་དགོད་མཛད་པ། །ཡེ་ཤེས་འོད་ཟེར་འོད་ཡངས་ཉི་མ་ལྟ་བུ་སྟེ། །འགྲོ་བར་སྤྱོད་པ་དཀར་པོས་ཡོངས་རྒྱས་ཟླ་བ་བཞིན། །
D44.035.0284a07.01