完整藏文原文 · 德格版页 当前仅加载第 35 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཐམས་ཅད་ཀྱང་རྣམ་པར་ཐར་པའི་སྒོ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་འཐོབ་པོ། །གང་གིས་པང་དུ་ཁྱུད་པ་དེ་དག་ཐམས་ཅད་ཀྱང་དེ་བཞིན་གཤེགས་པའི་ཆོས་ཀྱི་སྐུ་མཉམ་པ་ཉིད་རྒྱ་མཚོ་
D44.035.0171a01.01འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་འཐོབ་པོ། །གང་དང་ཆོས་ཀྱི་དབྱིངས་སུ་བསྟེན་པར་གྱུར་པ་དེ་དག་ཐམས་ཅད་ཀྱང་འཇིག་རྟེན་གྱི་ཁམས་རྒྱ་མཚོ་མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ན། སེམས་ཅན་གྱི་
D44.035.0171a02.01ཁམས་རྒྱ་མཚོ་གང་ཇི་སྙེད་ཡོད་པ་དེ་དག་ཐམས་ཅད་ཀྱི་བསམ་པ་ཡོངས་སུ་དག་པ་རྒྱ་མཚོ་ལ། དེ་བཞིན་གཤེགས་པའི་བྱིན་གྱི་རླབས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་འཐོབ་པ་དང་། ཡོངས་སུ་དག་པ་དང་ཡོངས་སུ་རྫོགས་
D44.035.0171a03.01པར་འགྱུར་བར་ས་བོན་རྒྱ་མཚོ་རབ་ཏུ་འདེབས་སོ། །དེ་ནས་འཁོར་ལོས་སྒྱུར་བའི་རྒྱལ་པོ་རིན་ཆེན་མང་པོ་དེས་ཡང་དག་པར་བསྐུལ་བའི་ཚིགས་སུ་བཅད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཐམས་ཅད་དུ་ཁྱབ་པའི་རྣ་བ་རྒྱ་
D44.035.0171a04.01མཚོས་ཐོས་ནས་རྫུ་འཕྲུལ་གྱི་སྟོབས་རྒྱ་མཚོ་ཆགས་པ་མེད་ཅིང་བསྒྲིབས་པ་མེད་པས། དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གང་ཆེན་མཚོ་རྣམ་པར་སྣང་མཛད་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་དེའི་ཞབས་གཉིས་ལ་
D44.035.0171a05.01མགོ་རྒྱ་མཚོའི་སྤྱི་བོས་བཏུད་དེ་ཕྱག་འཚལ་ནས། ཆོས་ཀྱི་དབྱིངས་རབ་ཏུ་སྒྲོག་པའི་ལྕེའི་དབང་པོ་རྒྱ་མཚོས་ཞུ་བ་ཡོངས་སུ་ཞུས་པ། བཅོམ་ལྡན་འདས་དེ་ལྟར་ཡང་དག་པར་བསྐུལ་བའི་ཚིགས་སུ་བཅད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་
D44.035.0171a06.01ཕྲ་བ་སྙེད་བྱུང་བ་དེ་སུའི་མཐུ་ལས་བྱུང་བ་ལགས། དེ་སྐད་ཅེས་གསོལ་པ་དང་། དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གང་ཆེན་མཚོ་རྣམ་པར་སྣང་མཛད་ཀྱིས་རྒྱལ་པོ་རིན་ཆེན་མང་པོ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་
D44.035.0171a07.01