完整藏文原文 · 德格版页 当前仅加载第 35 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཐར་པ་ནི། ཆོས་ཀྱི་དབྱིངས་ལ་སྒོ་ཀུན་ནས་རྣམ་པར་བལྟ་བས་འཇུག་པ་ཞེས་བྱའོ། །ལྷའི་རྒྱལ་པོ་དགའ་བའི་གཙུག་གི་བློ་གྲོས་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་སྐྱེ་བ་དང་བྱེད་པ་བསྐལ་པ་མཐའ་ཡས་པ་མངོན་པར་
D44.035.0014a01.01འབྱིན་པ་ཞེས་བྱའོ། །ལྷའི་རྒྱལ་པོ་ཡོན་ཏན་བློ་གྲོས་བཟང་པོའི་འོད་ཀྱི་རྣམ་པར་ཐར་པ་ནི། དམིགས་པ་ཐམས་ཅད་འཇིག་རྟེན་གྱི་དགོས་པ་ཐམས་ཅད་ཆོས་གཞལ་དུ་མེད་ཅིང་བསམ་གྱིས་མི་ཁྱབ་པས་རྣམ་པར་དཔྱོད་པ་ཞེས་བྱའོ། །ལྷའི་བུ་འོད་ཞི་ཞིང་དྲི་མ་མེད་
D44.035.0014a02.01པའི་རྣམ་པར་ཐར་པ་ནི། སེམས་ཅན་དང་ཆོས་དང་འབྱུང་བ་ཐམས་ཅད་ཀྱི་སྒོ་ལ་མངོན་སུམ་དུ་ཡང་དག་པར་སྤྱོད་པ་འབྱུང་བ་ཞེས་བྱའོ། །ལྷའི་རྒྱལ་པོ་སྣང་བ་ཆེན་པོ་དྲི་མ་མེད་པའི་རྣམ་པར་ཐར་པ་ནི། སེམས་ཅན་སྣོད་དུ་གྱུར་པ་ཐམས་ཅད་ལ་རྣམ་པར་
D44.035.0014a03.01བལྟ་ཞིང་སངས་རྒྱས་བསྐྱེད་པའི་ཆོས་ཉིད་ལ་འཇུག་པ་ཞེས་བྱའོ། །དེ་ནས་ལྷའི་རྒྱལ་པོ་ཆོས་དཔལ་རབ་ཏུ་སྣང་བ་ལ་མོས་པས། སངས་རྒྱས་ཀྱི་མཐུས་ཆེ་བ་དང་། {ཆུང་ཟད་,ཅུང་ཟད་}ཆེ་བ་དང་། ཚད་མེད་ཆེ་བ་དང་། འབྲས་བུ་ཆེ་བའི་ལྷའི་འཁོར་གྱི་དཀྱིལ་འཁོར་
D44.035.0014a04.01ཡོད་པ་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་ཡུལ་རྣམས་ཀུན་ཀྱང་བསམ་མི་ཁྱབ། །སེམས་ཅན་ཀུན་ཀྱང་རྟོག་པར་ནུས་པ་མིན། །སེམས་ཅན་མོས་དང་བསམ་པ་ཡངས་པ་ནི། །མི་ཟད་
D44.035.0014a05.01པ་དག་སངས་རྒྱས་སྐྱེད་པ་མཛད། །སངས་རྒྱས་ལྟ་བར་སེམས་ཅན་སྣོད་གྱུར་ལ། །རྒྱལ་བ་རྣམས་ནི་བྱིན་གྱི་བརླབས་མཛད་དེ། །དེ་དག་རྟག་ཏུ་སངས་རྒྱས་མངོན་སུམ་མཐོང་། །འདི་ལྟར་སྣ་ཚོགས་རྒྱ་མཚོ་མཐོང་བ་ཡིན། །སངས་རྒྱས་ཆོས་ཉིད་
D44.035.0014a06.01གནས་པ་མེད་པ་དག །འགྲོ་བ་བཀང་ཞིང་སངས་རྒྱས་སྟོན་པ་མཛད། །རྒྱལ་བ་འབྱུང་མེད་གནས་པ་ཡོད་པ་མིན། །ཤེས་རབ་མཆོག་གི་འོད་ནི་འདི་སྒོམ་མོ། །སེམས་ཅན་སྙེད་ཀྱི་ཚུལ་དང་བསམ་པ་ཡང་། །བསམ་གྱིས་མི་ཁྱབ་གཞན་དང་གཞན་གྱི་
D44.035.0014a07.01