完整藏文原文 · 德格版页 当前仅加载第 35 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
འབར། །ནོར་བུའི་རྒྱལ་པོ་སངས་རྒྱས་གཟུགས་བརྙན་སྣང་། །སྤོས་ཆུའི་ཆུ་ཀླུང་དེ་དག་གི་བར་དག་ཀྱང་ས་སྣ་ཚོགས་ལ་རིན་པོ་ཆེ་ཐམས་ཅད་ཀྱིས་རབ་ཏུ་བརྒྱན་པ་སྟེ། ཆུ་ཀླུང་གི་བར་དེ་དག་རེ་རེ་ཞིང་ཡང་རིན་པོ་ཆེའི་མེ་ཏོག་པུནྡ་རི་ཀའི་ཕྲེང་བ། གླིང་
D44.035.0108a01.01བཞིའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་བསྐོར་བའོ། །ཆུ་ཀླུང་གི་བར་དེ་དག་རེ་རེ་ཞིང་ཡང་རིན་པོ་ཆེའི་ཤིང་གི་ཕྲེང་བ་གླིང་བཞིའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱིས་རྣམ་པར་ཕྱེ་བའོ། །ཤིང་གི་གསེབ་ཐམས་ཅད་ནས་ཀྱང་རྒྱན་ཐམས་ཅད་
D44.035.0108a02.01ཀྱི་སྤྲིན་རྟག་པར་རབ་ཏུ་འབྱུང་སྟེ། ནོར་བུའི་རྒྱལ་པོ་བྱང་ཆུབ་སེམས་དཔའི་དཔལ་འབྱུང་བའི་སྤྲིན་དང་། འོད་རྣམས་ཀྱང་རབ་ཏུ་འབྱུང་ངོ་། །ཤིང་གི་བར་དེ་དག་ཐམས་ཅད་ཀྱང་འོད་ཤིན་ཏུ་འབར་བ་སྟེ། སྤོས་དང་མེ་ཏོག་སྣ་ཚོགས་ཀྱིས་རབ་ཏུ་གང་བའོ། །ནོར་བུའི་རྒྱལ་
D44.035.0108a03.01པོ་སངས་རྒྱས་ཐམས་ཅད་ཀྱི་སྨོན་ལམ་བསྐལ་པ་ཐམས་ཅད་དུ་བྱིན་གྱིས་རློབ་པའི་སྒྲ་སྒྲོག་པའི་སྤྲིན་གྱིས་ཡོངས་སུ་གང་བའོ། །སྤོས་འོད་འཕྲོ་བའི་སྤྲིན་གྱི་འོད་གཟེར་གྱིས་རྣམ་པར་སྣང་བར་བྱེད་པའི་སྤྲིན་གྱིས་མངོན་པར་ཁྱབ་པའོ། །སྤོས་ཀྱི་རྒྱལ་པོ་ཡིད་དུ་འོང་
D44.035.0108a04.01བ་སྣ་ཚོགས་ཀྱིས་རྣམ་པར་རྒྱས་པའོ། །ནོར་བུའི་རྒྱལ་པོ་རྒྱན་བསམ་གྱིས་མི་ཁྱབ་པའི་ཁ་དོག་ཡང་དག་པར་སྟོན་པས་མཉམ་པ་ཉིད་དུ་མངོན་པར་གང་བའོ། །གོས་ཀྱི་ཚོགས་སྣ་ཚོགས་སྤྲིན་ལྟ་བུས་མངོན་པར་ཡོག་པའོ། །ནོར་བུའི་རྒྱལ་པོ་ཕྱོགས་བཅུར་འོད་གཟེར་གྱི་དྲ་བའི་སྤྲིན་
D44.035.0108a05.01གྱིས་ཡོག་པར་བྱེད་པས་རྣམ་པར་རྒྱས་པའོ། །ནོར་བུའི་རྒྱལ་པོ་སངས་རྒྱས་ཐམས་ཅད་ཀྱི་རྣམ་པར་འཕྲུལ་པའི་འོད་ཀྱིས་མངོན་པར་གང་བའོ། །ནོར་བུའི་རྒྱལ་པོ་སེམས་ཅན་ཐམས་ཅད་ཀྱི་ལས་རྣམ་པར་སྨིན་པ་རྒྱ་མཚོའི་གཟུགས་བརྙན་ཤིན་ཏུ་སྟོན་པས་རྒྱས་པ་སྟེ།
D44.035.0108a06.01དེ་དག་ལ་{སྩོགས་,སོགས་}པ་ཆུ་ཀླུང་གི་བར་དེ་དག་རེ་རེ་ཞིང་ཡང་རྒྱན་ཤིན་ཏུ་བསྟན་པ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་སྤོས་ཆུའི་ཆུ་ཀླུང་གི་བར་གྱི་རྒྱན་ཡོངས་སུ་དག་པ་རྒྱ་མཚོ་འདི་ཉིད་ཡོངས་སུ་
D44.035.0108a07.01