完整藏文原文 · 德格版页 当前仅加载第 35 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཡོན་ཕུལ་བ། །ཇི་ལྟར་བསྐྱེད་བཞིན་ཤེས་པར་བྱེད། །ཇི་ལྟར་དྲི་མེད་མེ་ལོང་ལ། །ཇི་འདྲའི་གཟུགས་རྣམས་དེ་བཞིན་སྣང་། །དེ་བཞིན་སེམས་ཅན་བསམ་ཚུལ་དེ། །སངས་རྒྱས་ཡོན་ཕུལ་རྣམ་དག་འབྱུང་། །ཇི་ལྟར་དུག་ཕན་སྨན་གྱི་
D44.035.0206b01.01རྣམས། །དུག་ནད་ཐམས་ཅད་སོས་པར་བྱེད། །དེ་བཞིན་སངས་རྒྱས་ཡོན་ཕུལ་བ། །ཉོན་མོངས་དུག་ནི་ཆེན་པོ་སེལ། །ཇི་ལྟར་ཉི་མ་ཤར་བ་ནི། །འགྲོ་བ་འདི་དག་སྣང་བར་བྱེད། །མུན་པ་དག་ཀྱང་རྣམ་པར་སེལ། །སངས་རྒྱས་ཡོན་ཕུལ་དེ་བཞིན་ནོ། །ཇི་
D44.035.0206b02.01ལྟར་ཟླ་བ་དྲི་མེད་པ། །ཀུན་ཏུ་མཉམ་པ་ཉིད་བྱས་ཏེ། །ས་ནི་རབ་ཏུ་སྣང་བར་བྱེད། །སངས་རྒྱས་ཡོན་ཕུལ་དེ་བཞིན་ནོ། །ཇི་ལྟར་ཆུ་ཡི་སྟོབས་ཤུགས་ཀྱིས། །ས་ནི་ཐམས་ཅད་གཡོ་འགྱུར་བ། །སངས་རྒྱས་ཡོན་ཕུལ་དེ་བཞིན་ནོ། །སྲིད་གསུམ་འགྲོ་བ་
D44.035.0206b03.01རྣམས་ཀྱང་སྐྱོད། །འབར་དང་འོད་འཕྲོ་བཅས་པའི་མེ། །ཐམས་ཅད་དག་ཏུ་སྲེག་པའི་དངོས། །དེ་བཞིན་སངས་རྒྱས་ཡོན་ཕུལ་བ། །འདུ་བྱེད་ཐམས་ཅད་སྲེག་པར་བྱེད། །དེ་ནས་བྱང་ཆུབ་སེམས་དཔའ་འཇམ་དཔལ་གྱིས། བྱང་ཆུབ་སེམས་དཔའ་བརྩོན་
D44.035.0206b04.01འགྲུས་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་བཞིན་གཤེགས་པའི་བསྟན་པ་གཅིག་ན་ཐམས་ཅད་ལྟ་བ་མཐུན་པས་ཉོན་མོངས་པ་ཐམས་ཅད་སྤོང་བར་ཅིའི་ཕྱིར་མི་འགྱུར། དེ་དག་ཀུན་ལའང་གཟུགས་ནི་གཟུགས་ཉིད་དུ་ཟད། ཚོར་བ་ནི་ཚོར་བ་ཉིད་དུ་
D44.035.0206b05.01ཟད། འདུ་ཤེས་ནི་འདུ་ཤེས་ཉིད་དུ་ཟད། འདུ་བྱེད་རྣམས་ཀྱང་འདུ་བྱེད་རྣམས་ཉིད་དུ་ཟད། རྣམ་པར་ཤེས་པའང་རྣམ་པར་ཤེས་པ་ཉིད་དུ་ཟད། འདོད་པའི་ཁམས་ཀྱང་འདོད་པའི་ཁམས་ཉིད་དུ་ཟད། གཟུགས་ཀྱི་ཁམས་ཀྱང་གཟུགས་ཀྱི་ཁམས་ཉིད་དུ་ཟད།
D44.035.0206b06.01གཟུགས་མེད་པའི་ཁམས་ཀྱང་གཟུགས་མེད་པའི་ཁམས་ཉིད་དུ་ཟད། མ་རིག་པ་ཡང་མ་རིག་པ་ཉིད་དུ་ཟད། སྲེད་པའང་སྲེད་པ་ཉིད་དུ་ཟད་ལ། །དེ་བཞིན་གཤེགས་པའི་བསྟན་པའང་ཕན་པར་བྱེད་པ་འམ། གནོད་པར་བྱེད་པ་མ་ཡིན་ན། དེ་ཅིའི་ཕྱིར། །
D44.035.0206b07.01