完整藏文原文 · 德格版页 当前仅加载第 35 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད། དེ་བཞིན་གཤེགས་པའི་སྐུ་སྒོ་ཀུན་ནས་རྣམ་པར་དམིགས་ཤིང་མཐོང་བ་ནི་རབ་ཏུ་བརྗོད། སངས་རྒྱས་ཀྱི་ཞིང་རྣམ་པར་འཕྲུལ་པ་བསམ་གྱིས་མི་ཁྱབ་པ་ཤིན་ཏུ་སྟོན། སངས་རྒྱས་ཀྱི་རྣམ་པར་སྤྱོད་པ་མཐའ་དང་དབུས་མེད་པའི་རྒྱན་ནི་རབ་ཏུ་སྟོན་
D44.035.0152b01.01བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་། སྨོན་ལམ་ནི་མངོན་པར་བསྒྲུབ་པ་བྱེད་ཅིང་། སེམས་ཅན་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་བྱང་ཆུབ་ཏུ་སེམས་བསྐྱེད་དེ། སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་སངས་རྒྱས་ཀྱི་ཞིང་རྣམ་པར་དག་པའང་
D44.035.0152b02.01ཡོངས་སུ་འཛིན་དུ་བཙུད་དོ། །དེ་ནས་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་རི་བོ་རི་རབ་དཔལ་གྱི་སྤྲིན་གྱིས། བྱང་ཆུབ་སེམས་དཔའ་གཟི་བརྗིད་ཆེན་པོ་ལ་ཚིགས་སུ་བཅད་དེ་གསུངས་པ། །སེམས་ཅན་ཀུན་ལ་ཕན་པའི་ཕྱིར། །བྱང་ཆུབ་དོན་དུ་ཁྱོད་ཞུགས་པ། །གཟི་
D44.035.0152b03.01བརྗིད་ཆེན་པོ་ལེགས་སོ་ལེགས། །བསོད་ནམས་སྙིང་པོ་གྲགས་པ་ཆེ། །སྣང་བ་ཁྱོད་ཀྱིས་རབ་ཏུ་ནོན། །ཆོས་ཀྱི་དབྱིངས་ནི་ཁྱབ་བྱས་ཤིང་། །བསོད་ནམས་ཆེན་པོའི་སྤྲིན་ལྡན་པའི། །སངས་རྒྱས་ཡེ་ཤེས་མཆོད་པར་གྱུར། །བསྐལ་པ་ཞིང་གི་རྡུལ་སྙེད་
D44.035.0152b04.01དུ། །ཞིང་གཅིག་ན་ཡང་སྤྱོད་སྤྱད་ཅིང་། །ང་ཡི་ཡེ་ཤེས་ཇི་ལྟ་བུར། །ཁྱོད་ཀྱིས་མཐོང་བ་དེ་ལྟར་འགྱུར། །ཚུལ་འདི་ཀུན་ནས་ཤེས་པར་ནི། །བརྩོན་འགྲུས་ཆུང་ངུས་མི་ནུས་ཏེ། །བརྩོན་འགྲུས་སྟོབས་ཆེན་ལྡན་པའི་རྣམས། །རྒྱ་མཚོའི་ཞིང་རྣམས་
D44.035.0152b05.01དག་པར་བྱེད། །ཐམས་ཅད་རྡུལ་ལ་འཇུག་ཚུལ་དུ། །བསྐལ་པ་རྒྱ་མཚོར་སུ་སྤྱོད་པ། །རྒྱ་མཚོའི་ཞིང་གི་རྒྱན་གྱི་རྣམས། །དེ་ལ་འདི་འདྲར་རབ་ཏུ་འགྱུར། །སེམས་ཅན་རྣམས་ནི་རེ་རེའི་ཕྱིར། །བསྐལ་པ་རྒྱ་མཚོར་སྤྱོད་སྤྱད་ཅིང་། །འཁོར་ཀྱང་སྐྱོ་བ་
D44.035.0152b06.01མེད་པའི་རྣམས། །དེ་དག་འཇིག་རྟེན་མགོན་པོར་འགྱུར། །བསྐལ་པ་ཕྱི་མའི་མཐར་ཐུག་པ། །རྒྱལ་བ་རེ་རེ་མཆོད་བྱེད་ཀྱང་། །གང་གི་སེམས་ལ་སྐྱོ་མེད་ན། །དེ་དག་དེ་བཞིན་གཤེགས་པར་འགྱུར། །དུས་གསུམ་གཤེགས་པའི་མགོན་པོ་ཀུན། །
D44.035.0152b07.01