完整藏文原文 · 德格版页 当前仅加载第 35 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆེན་པོ་སྒྲིབ་པ་མེད་པས་བརྙེས། །ནམ་མཁའ་དག་ལ་ཞིང་རྣམས་བྱེ་བ་དངོས་པོར་གནས་པར་སྣང་། །དེ་ནས་འོང་བ་མེད་ཅིང་ཕྱོགས་བཅུ་ཀུན་ཏུ་འགྲོ་བ་མེད། །གཅིག་ཅིང་གནས་པར་འགྱུར་ཡང་དེ་དག་ཅི་ལའང་གནས་པ་མེད། །དེ་བཞིན་རང་བྱུང་རྣམས་ཀྱི་སྐུ་ནི་མཁའ་དབྱིངས་
D44.035.0203b01.01རྟག་ཏུ་འགེངས། །དེ་བཞིན་གཤེགས་པའི་འོད་ཟེར་ལས་རྣམ་པར་སངས་རྒྱས་པ། ལེའུ་བཅུ་བཞི་པའོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་བཅུ་བདུན་པ། དེ་ནས་བྱང་ཆུབ་སེམས་དཔའ་འཇམ་དཔལ་
D44.035.0203b02.01གྱིས། བྱང་ཆུབ་སེམས་དཔའ་སངས་རྒྱས་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་རང་བཞིན་གཅིག་པའི་སེམས་ལ་བྱེ་བྲག་ཐ་དད་པའི་རྣམ་པ་འདི་ལྟ་བུ་དག་འདི་ལྟ་སྟེ། བདེ་འགྲོར་འགྲོ་བ་དང་། ངན་སོང་དུ་འགྲོ་བ་དང་། དབང་པོ་ཚང་བ་དང་
D44.035.0203b03.01དབང་པོ་མ་ཚང་བ་དང་། སྐྱེ་བ་འཐུན་པ་དང་། སྐྱེ་བ་མི་འཐུན་པ་དང་། སྡུག་པ་དང་། མི་སྡུག་པ་དང་། བདེ་བ་མྱོང་བ་དང་། སྡུག་བསྔལ་མྱོང་བ་སྣང་བ་དག་ལ་ལྟོས། ལས་ཀྱིས་ནི་སེམས་མི་ཤེས་སོ། །སེམས་ཀྱིས་ནི་ལས་མི་ཤེས་སོ། །ཚོར་བས་
D44.035.0203b04.01ནི་རྣམ་པར་སྨྱིན་པ་མི་ཤེས་སོ། །རྣམ་པར་སྨིན་པས་ནི་ཚོར་བ་མི་ཤེས་སོ། །སེམས་ཀྱིས་ནི་ཚོར་བ་མི་ཤེས་སོ། །ཚོར་བས་ནི་སེམས་མི་ཤེས་སོ། །རྒྱུས་ནི་རྐྱེན་མི་ཤེས་སོ། །རྐྱེན་ཀྱིས་ནི་རྒྱུ་མི་ཤེས་སོ། །དངོས་པོས་ནི་དམིགས་པ་མི་ཤེས་སོ། །
D44.035.0203b05.01དམིགས་པས་ནི་དངོས་པོ་མི་ཤེས་སོ། །དེ་ནས་བྱང་ཆུབ་སེམས་དཔའ་སངས་རྒྱས་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། །སེམས་ཅན་བསྟན་པར་བྱ་བའི་ཕྱིར། །གང་འདི་ཡོངས་སུ་དྲི་བ་དང་། །ཆོས་
D44.035.0203b06.01རྣམས་ཆོས་ཉིད་ཅི་འདྲ་བ། །འཇམ་དཔལ་བདག་ལས་མཉན་པར་གྱིས། །ཆོས་རྣམས་འདི་དག་གཡོ་བ་མེད། །ཤིན་ཏུ་དངོས་པོ་མེད་པ་སྟེ། །དེ་ཕྱིར་གཞན་གྱིས་གཞན་དག་གི །ངོ་བོ་ཉིད་ཀྱང་མི་ཤེས་སོ། །ཇི་ལྟར་ཆུ་ཀླུང་རྒྱུད་ཀྱི་རྣམས། །
D44.035.0203b07.01