完整藏文原文 · 德格版页 当前仅加载第 35 函德格 364a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའི་རྗེས་སུ་འགྲོ་བ་རྣམ་པ་དེ་ལྟ་བུར་འགྲོ་བ་ཐམས་ཅད་ཀྱི་བསོད་ནམས་ཀྱི་ཞིང་དུ་ཡང་དག་པ་ཇི་ལྟ་བུར་ཤེས་པ། རྣམ་པ་དེ་ལྟ་བུར་དེ་བཞིན་གཤེགས་པ་དྲན་པའི་སྒོས་ལྟ་བ། རྣམ་པ་དེ་ལྟ་བུར་དགེ་བའི་འཕྲིན་ལས་རྣམ་
D44.035.0364a01.01པར་དག་པའི་མཚན་ཉིད་ཕུན་སུམ་ཚོགས་པས་དེ་བཞིན་གཤེགས་པ་ལ་རྟོག་པ། རྣམ་པ་དེ་ལྟ་བུའི་ཡང་དག་པར་རྫོགས་པའི་སངས་རྒྱས་ཀྱི་སྐུ་ཆེན་པོ་འཇིག་རྟེན་གྱི་ཁམས་ཐམས་ཅད་དུ་སྣང་བར་བྱེད་པ། རྣམ་པ་དེ་ལྟ་བུའི་དེ་བཞིན་གཤེགས་པའི་
D44.035.0364a02.01སངས་རྒྱས་ཀྱི་རྣམ་པར་འཕྲུལ་པ་ཐམས་ཅད་ཡང་དག་པར་བསྟན་པར་རྗེས་སུ་སེམས་པ་དེ་དག་གིས། དེ་བཞིན་གཤེགས་པའི་སྐུ་བཅོམ་ལྡན་འདས་ཀྱི་བ་སྤུའི་སྒོ་རེ་རེ་ནས་འོད་གཟེར་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་འབྱུང་བ། གྲངས་{མྱེད་,མེད་}པ་
D44.035.0364a03.01རྣམ་པར་དག་པ། གྲངས་མེད་པར་ཤིན་ཏུ་སྣང་བ། གྲངས་{མྱེད་,མེད་}པར་བལྟར་ཡོད་པ། གྲངས་མེད་པའི་སེམས་ཅན་གྱི་དགའ་བསྐྱེད་པ། གྲངས་མེད་པའི་སྤྲོ་བ་སྐྱེད་པ། གྲངས་{མྱེད་,མེད་}པའི་སངས་རྒྱས་ལ་འདུན་པ་རྣམ་པར་འཕེལ་བར་བྱེད་པ། གྲངས་མེད་པའི་ལྷག་པའི་
D44.035.0364a04.01བསམ་པ་རྣམ་པར་སྦྱོང་བ། གྲངས་མེད་པའི་དབང་པོ་སིམ་པར་བྱེད་པ། གྲངས་མེད་པའི་དེ་བཞིན་གཤེགས་པའི་སྤྱོད་ཡུལ་ཐོབ་པར་བྱེད་པ་མང་པོ་མཐོང་བར་གྱུར་ཏོ། །འོད་ཀྱི་འཁོར་ལོ་བྱེ་བ་ཁྲག་ཁྲིག་བརྒྱ་སྟོང་བསམ་གྱིས་མི་ཁྱབ་པའང་དེ་
D44.035.0364a05.01བཞིན་གཤེགས་པའི་སྐུ་ལས་རྣམ་པར་འཕྲུལ་པ་སྣ་ཚོགས་ཀྱིས་འཕྲུལ་ཞིང་འབྱུང་བ། ཁ་དོག་བསམ་གྱིས་{མྱི་,མི་}ཁྱབ་པ། མདོག་བསམ་གྱིས་མི་ཁྱབ་པ། འོད་བསམ་གྱིས་མི་ཁྱབ་པ། ཆོས་ཀྱི་དབྱིངས་མཐའ་དང་དབུས་མེད་པ་ཐམས་ཅད་
D44.035.0364a06.01རྒྱས་པར་བྱེད་པ། སངས་རྒྱས་ཀྱི་བྱིན་གྱི་རླབས་དང་། སེམས་ཅན་རྣམ་པར་དག་པས། དྲི་ཞིམ་པོར་རབ་ཏུ་བྱུང་བ། ཚིགས་སུ་བཅད་པ་བྱེ་བ་ཁྲག་ཁྲིག་བརྒྱ་སྟོང་བསམ་གྱིས་མི་ཁྱབ་པ་ཡོངས་སུ་འཛིན་པ། འཇིག་རྟེན་ཐམས་ཅད་
D44.035.0364a07.01