完整藏文原文 · 德格版页 当前仅加载第 35 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ངོམས་པར་མཛད། །རྒྱལ་བའི་གསུང་ནི་ཞི་ཞིང་དགའ་འགྱུར་བ། །དེ་ནི་ཀུན་ཏུ་སྤྱོད་པའི་ཀླུས་ཐོས་སོ། །སྲིད་པ་ཀུན་ཏུ་སྡུག་བསྔལ་གཟིར་མཐོང་ནས། །ཉོན་མོངས་ལས་ཀྱིས་འཁོར་ཞིང་མགོན་མེད་པ། །སངས་རྒྱས་ཐུགས་རྗེ་ཆེན་པོས་རབ་ཏུ་འགྲོལ། །
D44.035.0028b01.01རྣམ་ཐར་འདི་ནི་མ་དྲོས་ཀླུས་མཐོང་ངོ་། །དེ་ལ་རྒྱལ་པོ་ཆེན་པོ་ངལ་བསོས་པོའི་རྣམ་པར་ཐར་པ་ནི། དགའ་བའི་སྒོ་རྣམ་པར་བལྟ་བའི་ཡུལ་གྱི་རྒྱུད་ཀྱིས་ཕན་པར་སྦྱོར་བ་ཞེས་བྱའོ། །གནོད་སྦྱིན་གྱི་དབང་པོ་དབྱངས་ཆེན་དབང་ཕྱུག་གི་རྣམ་པར་ཐར་པ་ནི། སྒོ་ཐམས་ཅད་
D44.035.0028b02.01ལ་དབང་བྱེད་པས་རྣམ་པར་ལྟ་ཞིང་། སེམས་ཅན་ལ་ཕན་པར་སྦྱོར་བས་ཡོངས་སུ་སྐྱོབ་པ་ཞེས་བྱའོ། །གནོད་སྦྱིན་གྱི་དབང་པོ་ས་ལ་ཤིན་ཏུ་གཏུམ་པའི་མཚོན་ཆའི་རྣམ་པར་ཐར་པ་ནི། གཏུམ་པ་དང་དྲག་ཤུལ་གྱི་རྒྱུན་ལས་བསྲུང་བ་ཀུན་ནས་མང་པོ་འབྱུང་བ་ཞེས་བྱའོ། །
D44.035.0028b03.01གནོད་སྦྱིན་གྱི་དབང་པོ་བློ་གྲོས་ཆེན་པོའི་རྣམ་པར་ཐར་པ་ནི། འཕགས་པའི་ཡོན་ཏན་གྱི་དཀྱིལ་འཁོར་ཐམས་ཅད་ཀྱི་རྗེས་སུ་མཐོང་བ་ལ་རྣམ་པར་བལྟ་བས་དགའ་བ་དང་མོས་པར་སྤྱོད་པ་ཞེས་བྱའོ། །གནོད་སྦྱིན་གྱི་དབང་པོ་མིག་འོད་འཕྲོ་བའི་བདག་པོའི་རྣམ་པར་ཐར་པ་ནི།
D44.035.0028b04.01སེམས་ཅན་ཐམས་ཅད་ལ་ཤེས་རབ་དང་ཡེ་ཤེས་དང་། སྙིང་རྗེ་རྣམ་པར་ལྟ་བ་ཞེས་བྱའོ། །གནོད་སྦྱིན་གྱི་དབང་པོ་མིག་རྡོ་རྗེ་ལྟར་བརྟན་པའི་རྣམ་པར་ཐར་པ་ནི། འགྲོ་བ་ཐམས་ཅད་ལ་ཕན་པ་དང་བདེ་བ་སྣ་ཚོགས་སུ་སྦྱོར་བ་དང་། བསྲུང་བ་མངོན་པར་བསྒྲུབ་པ་ཞེས་
D44.035.0028b05.01བྱའོ། །གནོད་སྦྱིན་གྱི་དབང་པོ་སྡེ་མཆོག་ཏུ་དཔའ་བའི་རྣམ་པར་ཐར་པ་ནི། ཆོས་ཐམས་ཅད་ཀྱི་དོན་གྱི་དབྱིངས་ལ་ཡང་དག་པར་འཇུག་པའི་མཐུ་ཞེས་བྱའོ། །གནོད་སྦྱིན་གྱི་དབང་པོ་སྡེའི་རྒྱན་ཆེན་པོས་རབ་ཏུ་གནོན་པའི་རྣམ་པར་ཐར་པ་ནི། འགྲོ་བ་ཐམས་ཅད་ལམ་
D44.035.0028b06.01ལ་དགོད་པར་གཏི་མུག་མེད་པས་བསྲུང་བ་ཕུན་སུམ་ཚོགས་པ་ཞེས་བྱའོ། །གནོད་སྦྱིན་གྱི་དབང་པོ་དགེ་བའི་ཚོགས་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་བསོད་ནམས་ཀྱི་དཀྱིལ་འཁོར་རྣམ་པར་སྤེལ་བས་ཀུན་ཏུ་དགའ་བ་མྱོང་བ་ཞེས་བྱའོ། །གནོད་སྦྱིན་གྱི་
D44.035.0028b07.01