完整藏文原文 · 德格版页 当前仅加载第 35 函德格 372b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི། །ནམ་ཡང་རང་བཞིན་མི་འགྱུར་ཏེ། །དེ་བཞིན་སངས་རྒྱས་ཆོས་ཉིད་ཀྱང་། །ངོ་བོ་ཉིད་ལས་འགྱུར་བ་མེད། །དེ་ནས་བྱང་ཆུབ་སེམས་དཔའ་སྐར་མའི་རྒྱལ་མཚན་གྱིས། སངས་རྒྱས་ཀྱི་བྱིན་གྱི་རླབས་ཀྱིས། ཕྱོགས་
D44.035.0372b01.01བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་སྨྲས་སོ། །མི་ཡི་འཇིག་རྟེན་འདི་ཀུན་དང་། །ལྷ་ཡི་གནས་རྣམས་ཐམས་ཅད་དང་། །འགྲོ་བ་མ་ལུས་ཀུན་ན་ཡང་། །མི་ཡི་གཙོ་བོ་ཤིན་ཏུ་སྣང་། །ཇི་ལྟར་སེམས་དངོས་གཅིག་
D44.035.0372b02.01པུ་ལས། །རྣམ་པ་ཐ་དད་སེམས་བརྗོད་པ། །དེ་བཞིན་སངས་རྒྱས་སྐུ་གཅིག་ལས། །སངས་རྒྱས་ཐམས་ཅད་བརྗོད་པ་ཡིན། །བྱང་ཆུབ་གཉིས་སུ་མེད་པ་བརྗོད། །བྱང་ཆུབ་དེ་ཡང་མཚན་ཉིད་མེད། །མཚན་གྱིས་མངོན་པར་རྣམ་བྲིས་པའི། །
D44.035.0372b03.01སྐུ་རྣམས་གཉིས་སུ་སྣང་བར་གྱུར། །མཁའ་དང་ཆོས་ཀྱི་དབྱིངས་ལ་ཞུགས། །སྒྱུ་མའི་ས་ཡང་རབ་ཏུ་བསྟན། །དེ་ཕྱིར་སངས་རྒྱས་དེ་དག་གི །སྤྱོད་ཡུལ་བལྟ་བ་ཟད་པ་མེད། །ཡང་དག་སངས་རྒྱས་ཆོས་ཀྱི་སྐུ། །མགོན་པོ་ཐམས་ཅད་
D44.035.0372b04.01དུས་གསུམ་དུ། །ཇི་ལྟར་འདུལ་བའི་འགྲོ་བ་ལ། །གཟུགས་ཀྱི་སྐུ་ཡང་རབ་ཏུ་སྣང་། །འདི་འདྲའི་ལུས་སུ་བདག་གྱུར་ཅེས། །སངས་རྒྱས་རྟོག་པར་མི་མཛད་དེ། །སྟོན་ལ་རྣམ་རྟོག་མི་མངའ་ཡང་། །བྱིན་གྱི་རླབས་ནི་སྟོན་
D44.035.0372b05.01པ་མཛད། །དབྱེར་མེད་པ་ཡི་དབྱིངས་ལ་ཡང་། །ཆོས་ཀྱི་དབྱིངས་ནི་ཡང་དག་གནས། །འཇིག་རྟེན་ཁམས་ནི་ཚད་མེད་པར། །ཐུབ་པས་རྣམ་པར་རྟོག་པ་བསྟན། །སྐུ་ནི་སྤྲུལ་པ་མ་ཡིན་ཏེ། །སྤྲུལ་པ་{མྱིན་,མིན་}པའང་སྐུ་
D44.035.0372b06.01མ་ཡིན། །སྤྲུལ་པ་མེད་པའི་ཆོས་འདི་ཡིས། །སྤྲུལ་པ་རྣམས་ནི་རབ་ཏུ་བསྟན། །ཡང་དག་སངས་རྒྱས་ཚད་མེད་པ། །ཆོས་ཀྱི་དབྱིངས་ལ་ཤིན་ཏུ་བརྟེན། །མཐའ་དང་དབུས་མེད་རབ་ཏུ་ཟབ། །ཚིག་གི་ལམ་གྱིས་བཟླ་བར་
D44.035.0372b07.01