完整藏文原文 · 德格版页 当前仅加载第 35 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ནོ། །ཇི་ལྟར་ལམ་གྱི་བཞི་མདོར་ཡང་། །ཕུན་སུམ་ཚོགས་པ་ཀུན་བརྗོད་ཅིང་། །བདག་གིས་ཐོབ་པར་མི་འགྱུར་བ། །ཆོས་ལ་མ་བསྒོམས་དེ་བཞིན་ནོ། །དེ་ནས་བྱང་ཆུབ་སེམས་དཔའ་འཇམ་དཔལ་གྱིས། བྱང་ཆུབ་
D44.035.0208a01.01སེམས་དཔའ་ཡེ་ཤེས་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་སྟེ་དེ་བཞིན་གཤེགས་པའི་བསྟན་པའི་ཡེ་ཤེས་སྔོན་དུ་འགྲོ་བ་ཡིན་ན། དེ་ཅིའི་ཕྱིར་དེ་བཞིན་གཤེགས་པ་སེམས་ཅན་ལ་ལ་ལ་ནི་སྦྱིན་པ་བརྗོད། ལ་ལ་ལ་ནི་ཚུལ་ཁྲིམས། ལ་ལ་ལ་ནི་
D44.035.0208a02.01བཟོད་པ། ལ་ལ་ལ་ནི་བརྩོན་འགྲུས། ལ་ལ་ལ་ནི་བསམ་གཏན། ལ་ལ་ལ་ནི་ཤེས་རབ་བརྗོད་པ་མཛད། ལ་ལ་ལ་ནི་བྱམས་པ། ལ་ལ་ལ་ནི་སྙིང་རྗེ། ལ་ལ་ལ་ནི་དགའ་བ། ལ་ལ་ལ་ནི་བཏང་སྙོམས་བརྗོད་པར་མཛད་ཀྱང་། བླ་ན་མེད་པ་ཡང་དག་པར་རྫོགས་
D44.035.0208a03.01པའི་བྱང་ཆུབ་ཏུ་ནི་ཆོས་གཅིག་འགས་འབྱུང་བར་མི་ནུས་སོ། །དེ་ནས་བྱང་ཆུབ་སེམས་དཔའ་ཡེ་ཤེས་དཔལ་གྱིས། བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། །སེམས་ཅན་གཞན་གྱི་བསམ་ཤེས་པ། ངོ་མཚར་རྨད་དུ་བྱུང་བ་སྟེ། །དེ་ལྟར་
D44.035.0208a04.01གང་གིས་དོན་དྲིས་པ། །སངས་རྒྱས་སྲས་པོ་བདག་ལ་ཉོན། །སྨྲ་བའི་མཆོག་ནི་གང་ཡང་རུང་། །ཆོས་གཅིག་གིས་ནི་འབྱུང་བ་མེད། །གང་ཡང་འབྱུང་བ་ཡོད་པ་{མྱིན,མིན}། །འབྱུང་བར་འགྱུར་བ་དེ་བཞིན་མེད། །བསྐལ་པ་གང་ལ་གནས་པ་ཡི། །བསམ་པ་
D44.035.0208a05.01མཁྱེན་ནས་དོན་མཛད་ཅིང་། །གང་ལ་ཇི་དག་ཚུལ་འཐུན་པ། །དེ་བཞིན་ཆོས་ཀྱང་བསྟན་པ་མཛད། །སེར་སྣ་ཅན་ལ་སྦྱིན་པ་བརྗོད། །ཚུལ་ཁྲིམས་ངན་ལ་ཚུལ་ཁྲིམས་རྣམས། །མི་བཟོད་པ་ནི་བཟོད་པ་དེས། །བརྩོན་འགྲུས་འབྱོར་པ་ལེ་ལོ་ལའོ། །
D44.035.0208a06.01རྣམ་པར་འཁྲུག་ལ་བསམ་གཏན་བརྗོད། །ཤེས་རབ་འབྱོར་པ་ཤེས་མེད་ལའོ། །གདུག་པའི་སེམས་ལ་བྱམས་པ་བཤད། །འཚེ་བ་རྣམས་ལ་སྙིང་རྗེ་སྟེ། །ཞུམ་པ་ལ་ནི་དགའ་བ་བཤད། །འཁོར་བའི་སེམས་ལ་བཏང་སྙོམས་ཏེ། །སངས་
D44.035.0208a07.01