完整藏文原文 · 德格版页 当前仅加载第 35 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་ཀུན་ནས་སྐྱོབ་པའི་མདངས་ཀྱི་དཔལ་གྱི་རྣམ་པར་ཐར་པ་ནི། སྣང་བ་འཇིག་རྟེན་ཐམས་ཅད་ལ་མངོན་ཏུ་ལྟ་ཞིང་འགྲོ་བ་འདུལ་བ་སྟོན་པ་ཞེས་བྱའོ། །མཚན་མོའི་ལྷ་རབ་ཏུ་དགའ་བའི་མིག་གིས་འགྲོ་བ་ལ་རྣམ་པར་ལྟ་བའི་རྣམ་པར་ཐར་པ་ནི། ཀུན་
D44.035.0035a01.01ནས་དགའ་བ་རྒྱ་ཆེན་པོ་དྲི་མ་མེད་པའི་མཚན་ཉིད་ཞེས་བྱའོ། །མཚན་མོའི་ལྷ་སྒྲས་ཞི་བ་རྒྱ་མཚོ་དང་ལྡན་པའི་རྣམ་པར་ཐར་པ་ནི། དགའ་བ་ཡངས་པ་འབྱུང་བའི་སེམས་ཀྱི་མཚན་ཉིད་ཀྱི་རྒྱན་ཅེས་བྱའོ། །མཚན་མོའི་ལྷ་མཚན་མོ་ཐམས་ཅད་འབྱུང་བའི་དཔལ་གྱི་རྣམ་
D44.035.0035a02.01པར་ཐར་པ་ནི། ཡིད་དུ་འོང་བའི་སྒྲ་ཟབ་མོས་རྣམ་པར་འཕྲུལ་པ་ལ་འཇུག་པ་ཞེས་བྱའོ། །མཚན་མོའི་ལྷ་ཤིང་ཐམས་ཅད་རབ་ཏུ་རྒྱས་པར་བྱེད་པའི་འོད་ཀྱི་རྣམ་པར་ཐར་པ་ནི། དགའ་བ་དང་སྨོན་ལམ་དང་མོས་པ་རྒྱ་ཆེན་པོའི་འོད་ཅེས་བྱའོ། །མཚན་མོའི་ལྷ་
D44.035.0035a03.01ཀུན་ནས་སྐྱོང་ཞིང་སྲུང་བའི་དཔལ་གྱི་རྣམ་པར་ཐར་པ་ནི། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་དགེ་བའི་རྩ་བ་ཡང་དག་པར་བརྗོད་པ་ཞེས་བྱའོ། །མཚན་མོའི་ལྷ་དགེ་བའི་ཐམས་ཅད་ཀྱི་དགའ་བར་རྩེ་བ་ལ་དབང་སྒྱུར་བའི་རྣམ་པར་ཐར་པ་ནི། བྱམས་
D44.035.0035a04.01པ་མཐའ་ཡས་པ་འགྲོ་བ་ཡོངས་སུ་སྐྱོབ་པ་ཞེས་བྱའོ། །མཚན་མོའི་ལྷ་མདུད་པར་འཛིན་པ་ཐམས་ཅད་ཞི་བར་བྱ་བས་དབང་པོ་རབ་ཏུ་དགའ་བའི་རྣམ་པར་ཐར་པ་ནི། སྙིང་རྗེའི་སྒོ་ནས་ཆར་འབེབས་པའི་རྒྱན་ཅེས་བྱའོ། །མཚན་མོའི་ལྷ་དགེ་བའི་བསོད་
D44.035.0035a05.01ནམས་འབྱུང་བའི་དཔལ་སྟོན་པའི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་བསམ་པ་ཡོངས་སུ་ཚིམ་པར་བྱ་བས་ཀུན་ཏུ་རྒྱས་པར་འགེངས་པ་ཞེས་བྱའོ། །དེ་ནས་མཚན་མོའི་ལྷ་དཔལ་དྲི་མ་མེད་ཅིང་ཀུན་ནས་ཟབ་པའི་འོད་ཀྱིས། སངས་རྒྱས་ཀྱི་བྱིན་
D44.035.0035a06.01གྱི་རླབས་ཀྱིས་མཚན་མོའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་སྤྱོད་ཡུལ་ཤིན་ཏུ་ཡངས་ལ་ལྟོས། །སྟོང་པ་ཞི་བ་ནམ་མཁའི་མཚན་ཉིད་དེ། །དགའ་བ་རྒྱ་མཚོ་
D44.035.0035a07.01