完整藏文原文 · 德格版页 当前仅加载第 35 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་དག་ཅིང་ཀུན་ནས་ཉོན་མོངས་པ་དབྱིབས་སེམས་ཅན་ཐམས་ཅད་ཀྱི་ལུས་ལྟར་འདུག་པ། ནོར་བུའི་རྒྱལ་པོའི་རྒྱན་གྱི་ས་མཚམས་ཅན། ནོར་བུའི་རྒྱལ་པོ་འོད་ཀྱི་སྙིང་པོ་འབྱུང་བའི་རྒྱ་མཚོ་ལ་རབ་ཏུ་གནས་པ། དབྱིབས་ཡན་ལག་བརྒྱད་དུ་འདུག་པར་འཁོར་
D44.035.0115b01.01ཡུག་ཐམས་ཅད་ཀྱི་རིན་པོ་ཆེའི་རྒྱན་དང་། མེ་ཏོག་དང་། ཤིང་གི་དྲ་བས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆགས་པ་མེད་པའི་ཡེ་ཤེས་ཕྱོགས་ཀུན་ཏུ་རྣམ་པར་སྣང་བའི་འོད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་
D44.035.0115b02.01རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྡུལ་དང་བྲལ་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་{བཅྭོ་,བཅོ་}བརྒྱད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་རྒྱན་གྱི་རྣམ་པ་ཐམས་ཅད་ཀྱི་ས་མཚམས་ཅན།
D44.035.0115b03.01མེ་ཏོག་གི་སེང་གེའི་ཁྲིའི་རྒྱ་མཚོ་ལ་རབ་ཏུ་གནས་པ། དབྱིབས་མུ་ཏིག་གི་ཕྲེང་བ་སྐྱིལ་བ་ལྟར་འདུག་པ། ནོར་བུའི་རྒྱལ་པོ་རིན་པོ་ཆེ་ཐམས་ཅད་ཀྱི་སྤོས་ཀྱི་འོད་ཀྱི་དཀྱིལ་འཁོར་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་དཔལ་ཚད་མེད་པའི་ཚུལ་དཔལ་
D44.035.0115b04.01གྱི་རྒྱལ་མཚན་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཕྱོགས་ཡོངས་སུ་དག་ཅིང་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་དགུའི་རྡུལ་
D44.035.0115b05.01ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཀུན་ནས་ཉོན་མོངས་ཤིང་རྣམ་པར་དག་པ། ནོར་བུའི་རྒྱལ་པོ་རིན་པོ་ཆེའི་སྤྲིན་མི་ཟད་པ་རབ་ཏུ་འགྱེད་པའི་ས་མཚམས་ཅན། སྤོས་དང་འོད་འཕྲོ་བ་ཁ་དོག་མཐའ་ཡས་པའི་རི་རབ་ཀྱི་རྒྱ་མཚོ་ལ་རབ་ཏུ་གནས་པ་དབྱིབས་ནོར་བུའི་
D44.035.0115b06.01ཟེ་བ་འཁྱིལ་བ་ལྟར་འདུག་པ། ནོར་བུའི་རྒྱལ་པོའི་དབང་པོ་འོད་ཀྱི་དཀྱིལ་འཁོར་འབར་བ་ཁ་དོག་མཐའ་ཡས་པ་རབ་ཏུ་འབར་བའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་དང་ནམ་མཁའ་ཀུན་ཏུ་སྣང་བའི་འོད་ཅེས་བྱ་བ་བཞུགས་སོ། །དེའི་སྟེང་
D44.035.0115b07.01