完整藏文原文 · 德格版页 当前仅加载第 35 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
འཕྲུལ་མི་ཟད་ཚད་མེད་ལྟོས། །སྔོན་ཚེ་སྤྱོད་རབ་མཐའ་ཡས་རྒྱལ་བས་སྤྱོད། །རྣམ་ཐར་ཞིང་གི་རྡུལ་སྙེད་སྒོམ་མཛད་པས། །འགྲོ་བ་མ་ལུས་དགའ་བའི་ཤུགས་ཀྱང་སྐྱེད། །སངས་རྒྱས་སྤུ་ནས་དྲི་མ་མེད་དཔལ་བཀྱེ། །ཡན་ལག་མཚན་
D44.035.0047a01.01བརྒྱན་འགྲོ་བ་ཀུན་བཀང་ཞིང་། །བྱམས་ཚུལ་མཐའ་ཡས་འཇིག་རྟེན་ཀུན་ལ་སྟོན། །ནགས་ཚལ་རྒྱས་པའི་གཙུག་གི་རྣམ་ཐར་ཏོ། །སངས་རྒྱས་སྐུ་ནི་མཐའ་ཡས་འགྲོ་བར་མངོན། །འཇིག་རྟེན་ཀུན་ཏུ་ཕྱོགས་བཅུ་བཀང་ཞིང་འཕགས། །དབང་པོ་དང་བའི་སེམས་
D44.035.0047a02.01ཅན་རངས་ཤིང་དགའ། །རྣམ་ཐར་འདི་ལ་འཕགས་པའི་རྒྱལ་མཚན་འཇུག །རང་བྱུང་མཁའ་མཉམ་འཇིག་རྟེན་ཀུན་མ་ཆགས། །བསྐལ་པ་ཀུན་སྤྱོད་བརྩོན་འགྲུས་སྟོབས་མི་སྐྱོ། །སྣ་ཚོགས་མཁས་འགྲོ་སྦྱོར་བ་མ་ལུས་འདུལ། །དགའ་བ་དྲི་མེད་གཙུག་
D44.035.0047a03.01ཕུད་རྣམ་ཐར་ཏོ། །འཇིག་རྟེན་ཀུན་ནི་མདོངས་གྱུར་མུན་སྡུག་ཞུགས། །ཐུགས་རྗེས་དེར་བསྐྱེད་སངས་རྒྱས་འོད་བཀྱེ་ཞིང་། །འགྲོ་ཁམས་ཡུན་རིང་ཉལ་བ་སད་པར་མཛད། །རིགས་ནས་དགའ་འོད་ལྷའི་རྣམ་ཐར་ཏོ། །སྲིད་པའི་རྒྱ་མཚོར་སྤྱད་པ་སྔོན་སྤྱོད་ཚེ། །
D44.035.0047a04.01ཞིང་རྡུལ་མཉམ་པའི་སེམས་ཅན་གཙོ་མཆོད་པས། །དེ་དག་དགྱེས་བཞིན་སེམས་ཅན་བྱང་ཆུབ་བཀོད། །ཞི་བའི་ས་འདི་སྟོབས་འཆང་ལྷ་འཇུག་གོ །ལས་ཀྱི་སྤྲིན་སྒྲིབ་གཡོགས་ཤིང་བསྒྲིབས་པ་རྣམས། །སྲིད་པར་སེམས་ཅན་སྡུག་བསྔལ་འཁོར་གཟིགས་
D44.035.0047a05.01ནས། །དེ་དག་མུན་པ་ཡེ་ཤེས་འོད་ཀྱིས་བསྩལ། །གཟི་བརྗིད་དཔལ་འོད་རྣམ་ཐར་འདི་སེམས་སོ། །རྒྱལ་བའི་སྤུ་ལས་སངས་རྒྱས་ཡོན་ཏན་ཀུན། །ཕྱོགས་དབྱིངས་སེམས་ཅན་བསམ་པ་བཞིན་དུ་གྲགས། །རྫུ་འཕྲུལ་རྣམ་པ་བསྐལ་པ་ཀུན་ཏུ་གནས། །
D44.035.0047a06.01འོད་མང་རྡུལ་གྱི་ཆུ་བོའི་ལྷ་འཇུག་གོ །སེམས་ཅན་ཀུན་སྤྱད་དགེ་བ་རྒྱ་མཚོ་ཀུན། །དེ་ལ་ཕྱོགས་བཀང་སངས་རྒྱས་མངོན་པར་སྣང་། །སྣ་ཚོགས་ཐབས་ཀྱིས་འཇིག་རྟེན་ཆོས་ཀྱང་སྟོན། །ཚུལ་མངོན་མིག་གི་ལྷ་ཡིས་དེ་ཐོས་སོ། །ཆོས་སྒོ་རྒྱ་མཚོ་མི་ཟད་
D44.035.0047a07.01