完整藏文原文 · 德格版页 当前仅加载第 35 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་སེམས་ཅན་དབུལ་པོ་གང་དང་གང་ན་ཡོད་པ་དེ་དང་དེར་སྨོན་ལམ་གྱི་དབང་གིས་རབ་ཏུ་སྐྱེས་ཏེ། སྐྱེས་ནས་ཀྱང་ཟད་མི་ཤེས་པའི་ལོངས་སྤྱོད་དང་ལྡན་ཞིང་ཤིན་ཏུ་ཕྱུག་པ་ཡིན་ཏེ། དེ་ལ་གལ་ཏེ་དུས་གཅིག་དུ། སློང་བའི་སྲོག་ཆགས་བྱེ་བ་
D44.035.0307a01.01ཁྲག་ཁྲིག་བརྒྱ་སྟོང་གྲངས་{མྱེད་,མེད་}པ་ཞིག་འོངས་ཏེ། འདི་སྐད་དུ་ཀྱེ་ཤེས་པར་གྱིས་ཤིག །བདག་ཅག་ཐམས་ཅད་ནི་བཀྲེས་པས་འཆིའོ། །གལ་ཏེ་བདག་ཅག་ཁྱོད་ཀྱི་ཤ་ཟོས་ན་ནི་འཚོ་བར་འགྱུར་རོ། །ཞེས་ཚིག་ཏུ་སྨྲ་བར་གྱུར་ཀྱང་། བྱང་ཆུབ་སེམས་དཔའ་ནི་སྦྱིན་པ་ཕུན་
D44.035.0307a02.01སུམ་ཚོགས་པ་རྣམ་པ་འདི་ལྟ་བུ་དང་ལྡན་ཏེ། སློང་བའི་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་དེ་སྙེད་ཅིག་ཉེ་བར་ལྷགས་ཀྱང་། བྱང་ཆུབ་སེམས་དཔའ་ལ་དེའི་ཕྱིར་སེམས་བསྐྱེད་པ་གཅིག་ཀྱང་ཞུམ་པའི་བསམ་པ་མི་འགྱུར་གྱི། སེམས་ཅན་དེ་དག་
D44.035.0307a03.01ཐམས་ཅད་ལ་སྙིང་རྗེ་ཆེན་པོ་རབ་ཏུ་སྐྱེ་སྟེ། གཞན་མང་པོ་ཞིག་འོངས་ཀྱང་དེ་བས་ཆེས་དགའ་བ་དང་། སྤྲོ་བ་འབྱུང་ཞིང་འདི་ལྟར་བདག་གིས་གསོལ་བ་མ་བཏབ་པར། སངས་རྒྱས་ཀྱི་ཆོས་ལ་ཡང་དག་པར་སྟོབས་པའི་དགེ་བའི་བཤེས་གཉེན་སྡུག་བསྔལ་ཞིང་སློང་
D44.035.0307a04.01བ་སྦྱིན་པའི་གནས་སུ་གྱུར་པ་འདི་ལྟ་བུ་དག་དང་འགྲོགས་པར་གྱུར་པ་ནི། བདག་གིས་ཐོབ་པ་ལེགས་པར་ཐོབ་སྟེ། ཇི་ནས་ཀྱང་སེམས་ཅན་འགའི་ཡིད་ཀྱང་མི་ཉམས་པར་བྱ་བ་དེ་ལྟར་བདག་གིས་བྱའོ། །བདག་གིས་དགེ་བའི་རྩ་བ་ཅི་བྱས་པ་དང་། ཅི་བྱེད་པ་དང་།
D44.035.0307a05.01ཅི་བྱེད་པར་འགྱུར་བ་དེས་ཇི་ཙམ་གྱིས་སེམས་ཅན་དེ་དག་ཐམས་ཅད་འགྲངས་ཤིང་དུས་བྱེད་པར་འགྱུར་བ་དེ་ཙམ་དུ་ཆེ་བའི་ལུས་སུ་གྱུར་ཅིག །སེམས་ཅན་དེ་དག་འགྲངས་ཤིང་ཚིམ་པར་མ་གྱུར་གྱི་བར་དུ་གཅད་ཅིང་སྐྱེ་བས་མི་ཟད་པ་དེ་ཙམ་གྱི་ལུས་སུ་གྱུར་
D44.035.0307a06.01ཅིག །དགེ་བའི་རྩ་བ་དེས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་བསྒྲུབས་ཏེ། ཕུང་པོ་མ་ལུས་པའི་མྱ་ངན་ལས་འདས་པའི་ཁམས་སུ་མྱ་ངན་ལས་འདས་པར་བྱའོ། །རྣམ་གྲངས་འདི་བཞིན་དུ་མ་འོངས་པའི་དུས་ཀྱི་འཇིག་རྟེན་གྱི་
D44.035.0307a07.01