完整藏文原文 · 德格版页 当前仅加载第 35 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དང་གཞན་དུ་འགྲོགས་རྒྱུ་ཡང་། །གཅིག་གིས་གཅིག་ནི་མི་ཤེས་ཏེ། །ཆོས་ཀྱི་ཆོས་ཉིད་དེ་བཞིན་ནོ། །ཇི་ལྟར་འབར་བའི་མཚན་མ་ཅན། །འོད་འཕྲོ་གཞན་དང་གཞན་འགྲོགས་ཀྱང་། །གཅིག་གིས་
D44.035.0204a01.01གཅིག་ནི་མི་ཤེས་ཏེ། །ཆོས་ཀྱི་ཆོས་ཉིད་དེ་བཞིན་ནོ། །ཇི་ལྟར་རླུང་ནི་སྟེན་ཚུལ་གྱིས། །གཞན་དང་གཞན་གྱི་བར་དུ་རྒྱུ། །གཅིག་གིས་གཅིག་ནི་མི་ཤེས་ཏེ། །ཆོས་ཀྱི་ཆོས་ཉིད་དེ་བཞིན་ནོ། །ཇི་ལྟར་ས་ཡི་ཁམས་ཀྱི་རྣམས། །
D44.035.0204a02.01གཅིག་ལ་གཅིག་ནི་གནས་གྱུར་ཀྱང་། །གཅིག་གིས་གཅིག་ནི་མི་ཤེས་ཏེ། །ཆོས་ཀྱི་ཆོས་ཉིད་དེ་བཞིན་ནོ། །མིག་དང་རྣ་བ་སྣ་དག་དང་། །ལྕེ་དང་ལུས་དང་ཡིད་ཀྱི་རྣམས། །འདི་དག་ལམ་ནི་རྒྱུ་འཁོད་ཀྱང་། །བྱེད་པ་པོ་ནི་གང་ཡང་མེད། །འབྱུང་བའི་རང་བཞིན་
D44.035.0204a03.01མེད་པ་ཡིས། །འབྱུང་བ་ཉེ་བར་བསྟན་བྱས་ཀྱང་། །བསྟན་པར་བྱས་པ་གང་ཡང་མེད། །བསྟན་པ་ལ་ནི་དངོས་པོ་མེད། །མིག་ནི་རང་བཞིན་ཉིད་ཀྱིས་སྟོང་། །རྣ་བ་སྣ་ཡང་རང་བཞིན་གྱིས། །ལྕེ་དང་ལུས་དང་ཡིད་རྣམས་ཀྱང་། །མེད་དེ་ཡོངས་སུ་བརྟགས་པ་ཡིན། །གང་
D44.035.0204a04.01ཞིག་རང་བཞིན་དངོས་མེད་པར། །ཚུལ་བཞིན་རབ་ཏུ་རྟོགས་བྱེད་པ། །དེ་ཡི་མིག་ལ་འཁྲུལ་པ་མེད། །ཆོས་མིག་བསམ་གྱིས་མི་ཁྱབ་པོ། །ཡང་དག་པ་དང་ཡང་དག་མིན། །བདེན་ནམ་འོན་ཏེ་རྫུན་ཡང་རུང་། །འཇིག་རྟེན་འདས་དང་འཇིག་རྟེན་ཀུན། །ཚིག་གི་ལས་
D44.035.0204a05.01ཀྱིས་བརྗོད་པའོ། །དེ་ནས་བྱང་ཆུབ་སེམས་དཔའ་འཇམ་དཔལ་གྱིས་བྱང་ཆུབ་སེམས་དཔའ་ནོར་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དག་སེམས་ཅན་ཐམས་ཅད་སེམས་ཅན་མེད་མོད་ཀྱི་འོན་ཀྱང་དེ་བཞིན་གཤེགས་པ་ནི་སེམས་ཅན་འདུལ་བའི་དུས་ལ་ཇི་ལྟར་
D44.035.0204a06.01འབབ་པ་དང་། སེམས་ཅན་གྱི་ཚེ་ཇི་ལྟ་བ་དང་ལུས་ཇི་ལྟ་བ་དང་སྤྱོད་པ་ཇི་ལྟ་བ་དང་། མོས་པ་ཇི་ལྟ་བ་དང་མཚན་མ་ཇི་ལྟ་བ་དང་བསམ་པ་ཇི་ལྟ་བ་དང་སྦྱོར་བ་ཇི་ལྟ་བ་དང་སེམས་ཇི་ལྟ་བ་དང་། སྤྱོད་པ་ཇི་ལྟ་བ་བཞིན་དུ་སེམས་ཅན་རྣམས་ཀྱིས་སེམས་ཅན་གདུལ་བའི་ཕྱིར་མཐོང་ངོ་། །དེ་ནས་བྱང་ཆུབ་
D44.035.0204a07.01