完整藏文原文 · 德格版页 当前仅加载第 35 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
ངན་མང་པོ་རྣམ་པར་ཟློག །བྱམས་དང་ཐུགས་བརྩེ་ཐུགས་རྗེའི་ས་ལ་བཞུགས། །རྣམ་ཐར་འདི་ཚུལ་སྣ་ཚོགས་འོད་འཇུག་གོ །སངས་རྒྱས་ཆོས་ཉིད་འདི་ནི་རྒྱ་ཆེ་སྟེ། །ཞིང་རྣམས་རྒྱ་མཚོ་མང་པོ་ཇི་ལྟ་བུར། །ཇི་ལྟར་འབྱུང་དང་ཇི་ལྟར་འཇིག་པ་སྟོན། །རྣམ་
D44.035.0016b01.01ཐར་འདི་ནི་དབང་པོའི་དབྱངས་ཀྱི་ཡིན། །རྒྱལ་བའི་རྫུ་འཕྲུལ་མཉམ་མེད་ཕྱོགས་ཀུན་གྱི། །ཞིང་གི་དབྱིངས་སུ་ཡངས་པ་ཤིན་ཏུ་བསྟན། །ད་ལྟར་བྱུང་བའི་རྒྱལ་བའི་དགེ་བ་དག །དྲན་པ་དམ་པའི་རྣམ་ཐར་ཚུལ་འདིའོ། །ཞིང་རྣམས་རྒྱ་མཚོ་མང་པོའི་རྡུལ་སྙེད་ཀྱི། །
D44.035.0016b02.01བདེ་གཤེགས་དེ་དག་དགའ་བའི་ཡིད་ཀྱིས་མཆོད། །དེ་ཕྱིར་ཉན་པ་རྡུལ་མེད་དོན་ཀྱང་ཡོད། །སྣ་ཚོགས་དབྱངས་ཀྱི་རྣམ་ཐར་འདི་ཡིན་ནོ། །བསྐལ་པ་རྒྱ་མཚོ་མང་པོ་ཡངས་པར་ཡང་། །ཚུལ་བཞིན་གྱིས་ནི་རྒྱལ་བ་རྒྱ་ཆེན་གསུང་། །རྒྱལ་བ་ཀུན་ལ་ཟད་མེད་མཐའ་ཡང་
D44.035.0016b03.01ཡས། །ལེགས་བསམ་དབྱངས་ཀྱི་རྣམ་ཐར་འདི་ཡིན་ནོ། །སངས་རྒྱས་རྣམ་འཕྲུལ་མཐའ་ཡས་དབྱངས་ཀྱི་རྣམས། །འཕོ་དང་རྣམ་པར་འཚང་རྒྱ་ཚུལ་ཡང་དག །སེམས་ཀྱི་སྐད་ཅིག་ཀུན་ལ་རབ་ཏུ་སྟོན། །འོད་འགྱེད་དབྱངས་ཀྱི་རྣམ་ཐར་སྒོ་འདི་ཡིན། །
D44.035.0016b04.01སངས་རྒྱས་བྱིན་རླབས་རྒྱ་ཆེན་བཤད་པ་ཡི། །རྫུ་འཕྲུལ་ཡུལ་ནི་བདེ་བར་གཤེགས་པ་སྟོན། །དབང་པོ་བསམ་པ་ཀུན་ཀྱང་རྣམ་པར་སྦྱོང་། །དབྱངས་ཟབ་འོད་ནི་འདི་ལ་རབ་ཏུ་འཇུག །རྒྱལ་བ་རྣམས་ཀྱི་ཡེ་ཤེས་མཐའ་ཡས་ཏེ། །མཉམ་མེད་ཆགས་མེད་སངས་
D44.035.0016b05.01རྒྱས་འཇིག་རྟེན་སྤྱོད། །སེམས་ཅན་ཀུན་ལ་མཆོག་སྦྱིན་མངོན་པར་གཟིགས། །གྲགས་པ་དྲི་མེད་ཚུལ་འདིར་རབ་ཏུ་འཇུག །རྒྱལ་བ་སྔོན་ཅད་བྱང་ཆུབ་སྤྱོད་མཛད་ཚེ། །སངས་རྒྱས་རྒྱ་མཚོ་ཡང་དག་མཆོད་པ་རྣམས། །དེ་དག་ཀུན་གྱི་སྨོན་ལམ་རབ་གྲུབ་པ། །
D44.035.0016b06.01དེ་ནི་འོད་འཕགས་དགའ་བ་རབ་ཏུ་ཉན། །དེ་ལ་ཚངས་པ་ཆེན་པོ་རབ་ཏུ་སྣང་བའི་རྣམ་པར་ཐར་པ་ནི། ཆོས་དྲི་མ་{མྱེད་,མེད་}པའི་སྤྱོད་ཡུལ་ལ་གནས་ཤིང་ཕྱོགས་བཅུར་ཐོགས་པ་{མྱེད་,མེད་}པའི་དབྱངས་ཀྱི་དཀྱིལ་འཁོར་གྱིས་རྒྱས་པར་འགེངས་པ་དྲི་མ་མེད་པ་ཞེས་བྱའོ། །ཚངས་
D44.035.0016b07.01