完整藏文原文 · 德格版页 当前仅加载第 35 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་རྣམས་བརྗོད་པར་འགྱུར། །སེམས་ཅན་དེ་དག་ཐམས་ཅད་ཀྱང་། །ཕུང་པོ་ལྔ་ལས་ཤིན་ཏུ་བརྗོད། །དེ་རྣམས་ལས་ཀྱི་ཕུང་ཆེན་ཡིན། །ལས་ཀྱི་རྩ་བའང་སེམས་ཡིན་ཏེ། །སེམས་ནི་སྒྱུ་མ་བཞིན་དུ་བཤད། །སྒྱུ་མར་གྱུར་པའི་འགྲོ་འདིའོ། །གང་
D44.035.0303b01.01ན་འཇིག་རྟེན་འདི་འབྱུང་ཞིང་། །ཡང་ན་ལྡོག་པར་འགྱུར་བ་ཡིན། །འཇིག་རྟེན་འཇིག་རྟེན་{མྱི་,མི་}བྱེད་དེ། །གཞན་གྱི་རྒྱུས་ཀྱང་བྱས་པ་{མྱིན,མིན}། །འཇིག་རྟེན་འདི་ནི་འབྱུང་བ་འབྱུང་། །འཇིག་རྟེན་འདིར་ཡང་ལྡོག་པར་འགྱུར། །འབྱུང་ཞེས་བརྗོད་པར་མི་བྱ་སྟེ། །
D44.035.0303b02.01དེ་ནི་འཇིག་རྟེན་ཤེས་པ་ཡིན། །གང་ལ་འཇིག་རྟེན་སྣང་བ་ཞེས། །འདུ་ཤེས་རྣམ་པར་བརྟགས་པ་ཡི། །འཇིག་རྟེན་ཞེས་བྱ་གང་ཞིག་ཡིན། །སྣང་བ་ཞེས་བྱ་འང་ཅི་ཞིག་ཡིན། །དུས་གསུམ་དག་ཏུ་རྒྱུ་བ་ཡི། །ཕུང་པོ་འདི་ནི་འཇིག་རྟེན་ཡིན། །དེ་དག་འགོག་
D44.035.0303b03.01པ་སྣང་བ་ཞེས། །འགྲོ་བ་དག་ཏུ་འདུ་ཤེས་འགྱུར། །ཕུང་པོ་ཞེས་བྱ་འདི་ནི་ཅི། །ཕུང་པོའི་རང་བཞིན་ཇི་ལྟ་བུ། །ཕུང་པོ་རྣམས་ནི་མི་འཇིག་ཕྱིར། །དངོས་པོ་མེད་ཅེས་རབ་ཏུ་བརྗོད། །ཕུང་པོ་འདི་དག་རྣམ་བརྟགས་དོན། །དེ་དག་རང་བཞིན་སྟོང་པ་ཡིན། །མི་
D44.035.0303b04.01འཇིག་དོན་ནི་སྟོང་པ་སྟེ། །དངོས་པོ་མེད་ཅེས་བྱ་བའོ། །འཇིག་རྟེན་ཅི་བཞིན་སངས་རྒྱས་ཏེ། །སངས་རྒྱས་ཆོས་ཀྱང་དེ་བཞིན་ནོ། །སངས་རྒྱས་ཆོས་དང་སངས་རྒྱས་རྣམས། །ངོ་བོ་ཉིད་ཀྱིས་རང་བཞིན་མེད། །མ་ནོར་ཡང་དག་ཇི་བཞིན་པའི། །ཆོས་ཉིད་འདི་
D44.035.0303b05.01ནི་རྟོགས་གྱུར་ནས། །ཀུན་གཟིགས་ཐམས་ཅད་མཁྱེན་པ་ཡི། །སངས་རྒྱས་ཀུན་ན་རབ་ཏུ་སྣང་། །དེ་ནས་བྱང་ཆུབ་སེམས་དཔའ་རིག་པ་དང་ལྡན་པས། སངས་རྒྱས་ཀྱི་མཐུས་ཕྱོགས་བཅུར་རྣམ་པར་བལྟས་ནས། དེའི་ཚེ་ཚིགས་སུ་བཅད་དེ་སྨྲས་པ། །རང་བཞིན་
D44.035.0303b06.01དངོས་པོ་མེད་པ་ཡིས། །འཇིག་རྟེན་ཁམས་རྣམས་ཐམས་ཅད་ཀྱི། །ས་ཡི་ཁམས་རྣམས་ཅི་བཞིན་ཏེ། །སངས་རྒྱས་རྣམ་འཕྲུལ་ངོ་མཚར་ཆེ། །དེ་ཡི་རང་བཞིན་འདི་ཡིན་ལ། །བརྗོད་ཅིང་བསྔགས་པ་མཐའ་ཡས་ཏེ། །འདས་པའི་འཇིག་རྟེན་ཁམས་
D44.035.0303b07.01