完整藏文原文 · 德格版页 当前仅加载第 35 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་པ་ཀུན་ལས་རབ་ཏུ་གྲོལ། །མི་འཇིགས་སྦྱིན་པས་སེམས་ཅན་བསྐྱབས་པ་དང་། །སྲོག་གཅོད་ལས་ལས་སེམས་རྒྱུད་ཕྱིར་བཟློག་ཅིང་། །འཇིགས་པས་སྐྱབས་ཚོལ་རྣམས་ལ་བསྐྱབས་བྱས་པས། །འོད་ཟེར་མི་འཇིགས་སྦྱིན་པ་དེས་གྲུབ་པོ། །
D44.035.0229b01.01འོད་ཟེར་ཐམས་ཅད་བདེ་བ་རབ་བཀྱེ་ཞིང་། །ནད་པ་ན་བ་ཇི་སྙེད་དེས་རེག་པ། །ཐམས་ཅད་ནད་ཀྱི་སྡུག་བསྔལ་རྣམ་པར་འགྲོལ། །བསམ་གཏན་ཏིང་འཛིན་བདེ་བ་རྣམས་ཀྱང་ཐོབ། །ནད་གསོས་འབྲས་བུ་སྨན་དང་རྩ་བ་དང་། །རིན་ཆེན་རོ་མཆོག་སྤོས་དང་བྱུག་པ་དང་། །
D44.035.0229b02.01བུ་རམ་སྦྲང་རྩི་འོ་མ་མར་དག་དང་། །འབྲུ་མར་ཟས་སྐོམ་བྱིན་པས་དེ་གྲུབ་པོ། །འོད་ཟེར་སངས་རྒྱས་སྟོན་པ་རབ་བཀྱེ་ཞིང་། །ཚེ་ཟད་མཐར་ནི་ཇི་སྙེད་དེས་བསྐུལ་བ། །སངས་རྒྱས་རྗེས་དྲན་སངས་རྒྱས་མཐོང་བར་འགྱུར། །དེ་དག་ཤི་འཕོས་སངས་རྒྱས་བཞུགས་ཤིང་
D44.035.0229b03.01འགྲོ། །འཆི་བའི་དུས་སུ་སངས་རྒྱས་དྲན་བྱས་ཏེ། །དགའ་འགྱུར་རྒྱལ་བའི་སྐུ་གཟུགས་བསྟེན་བྱས་ཤིང་། །འཆི་ཀ་སངས་རྒྱས་སྐྱབས་སུ་བཏང་བྱས་པས། །སངས་རྒྱས་སྟོན་པའི་འོད་ཟེར་དེས་ཐོབ་པོ། །འོད་ཟེར་ཆོས་རབ་བརྗོད་པ་རབ་བཀྱེ་ཞིང་། །
D44.035.0229b04.01སེམས་ཅན་ཇི་སྙེད་འོད་ཟེར་དེས་བསྐུལ་བ། །ཆོས་ཉན་བརྗོད་ཅིང་དེ་བཞིན་འདྲི་བ་བྱེད། །ཆོས་ལ་མོས་པས་རྟག་ཏུ་དགའ་བར་འགྱུར། །ཆོས་ཀྱི་མུ་གེའི་དུས་སུ་ཆོས་བརྗོད་དེ། །ཆོས་ཚོལ་རྣམས་ཀྱི་བསམ་པ་རྫོགས་བྱས་ཤིང་། །མོས་པ་བསྐྱེད་དེ་ཆོས་ལ་བརྩོན་གྱིས་
D44.035.0229b05.01ཞེས། །བརྗོད་པ་ཆོས་རབ་བརྗོད་པ་དེས་ཐོབ་པོ། །སངས་རྒྱས་སྲས་རྣམས་ཡོངས་སུ་བསྐུལ་པའི་ཕྱིར། །འོད་ཟེར་དབྱངས་དང་ལྡན་པ་རབ་བཀྱེ་ཞིང་། །ཁམས་གསུམ་སྒྲ་རྒྱུད་ཇི་སྙེད་ཡོད་པ་དག །ཀུན་ཀྱང་དེ་བཞིན་གཤེགས་པའི་གསུང་དུ་ཐོས། །གསལ་བའི་
D44.035.0229b06.01དབྱངས་སྒྲར་དྲང་སྲོང་ཆེར་བརྗོད་དེ། །རོལ་མོ་སྒྲ་ཆེན་དྲིལ་གྱི་སྦྱིན་པ་རྣམས། །འགྲོ་བ་ཀུན་ལ་རྒྱལ་བའི་གསུང་དོན་དུ། །ཡོངས་སུ་བཏང་བས་འོད་ཟེར་དབྱངས་ལྡན་ཐོབ། །འོད་ཟེར་འཆི་མེད་སྦྱིན་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །བག་
D44.035.0229b07.01