完整藏文原文 · 德格版页 当前仅加载第 35 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ཡེ་ཤེས་གཏེར་ཆེན་རབ་ཏུ་ཐོབ་འགྱུར་ཞིང་། །ཐོབ་ནས་དེ་དག་འགྲོ་ཀུན་མི་གནས་པས། །ཡོངས་སུ་བླངས་པ་རྟག་ཏུ་གཏོང་བྱེད་དང་། །གང་ཡང་ཕ་རོལ་ཕྱིན་པ་མཆོག་གི་ལམ། །དེ་དག་མི་གཏོང་རབ་ཏུ་བརྗོད་པ་དང་། །སེམས་ཅན་ཇི་ལྟར་
D44.035.0287a01.01སྒྲོལ་བྱེད་དམ་བཅས་ཤིང་། །ཡང་དག་སངས་རྒྱས་བསམ་པ་མཉམ་འཛིན་དང་། །མིག་གི་{དམྱིགས་,དམིགས་}པ་བརྟན་པ་ཐམས་ཅད་ཀྱི། །འབྱུང་བ་ཡོན་ཏན་ཅན་ལ་སྟོབས་འགྱུར་ཞིང་། །སྐྱེས་བུ་ཁྱུ་མཆོག་དེ་དག་བརྩོན་གྱུར་པའི། །རྣམ་དག་ལམ་དེ་ཁྱུ་མཆོག་
D44.035.0287a02.01ཁྱོད་ཀྱིས་སྟོན། །ཇི་ལྟར་དེ་དག་མུན་པ་ཀུན་བསྩལ་ཅིང་། །འཁྲུག་པའི་འཁོར་རྣམས་ཐམས་ཅད་ཕམ་བྱས་ནས། །དྲི་མ་བྲལ་བའི་དགེ་ལྡན་མཁས་པ་རྣམས། །སྐྱེས་བུ་ཁྱུ་མཆོག་ཡེ་ཤེས་ལྡན་འགྱུར་དང་། །མི་ཁོམ་ངན་སོང་ལམ་རྣམས་ཡོངས་
D44.035.0287a03.01སྤངས་ཤིང་། །ཡེ་ཤེས་ཆེན་པོའི་དཀྱིལ་འཁོར་མཆོག་སྤྱོད་དང་། །ཡོན་ཏན་བཟང་པོ་ཐམས་ཅད་ལྡན་འགྱུར་ཞིང་། །རྒྱལ་བའི་ཡེ་ཤེས་སྟོབས་ཀྱང་ཐོབ་གྱུར་དང་། །སྐྱེས་བུ་ཁྱུ་མཆོག་ཡེ་ཤེས་ཞུགས་ནས་ཀྱང་། །སེམས་ཅན་བསམ་པ་ཇི་བཞིན་
D44.035.0287a04.01སྟོན་བྱེད་ཅིང་། །མཐའ་ཡས་ཡངས་པའི་ཞིང་རྣམས་བསམ་ཡས་སུ། །སྟོན་པ་ཆེན་པོའི་ལས་ཀྱང་བྱེད་པ་དང་། །ཅི་ནས་དེ་དག་སྤྱོད་པ་མཆོག་ཐོབ་ནས། །མི་ཡི་ཁྱུ་མཆོག་མཛོད་རྣམས་སྟོན་བྱེད་དེ། །ཟིལ་གྱིས་མི་ནོན་གཞན་གྱིས་མི་ཕམ་
D44.035.0287a05.01པར། །རྒྱལ་བའི་ཆོས་ཉིད་རྟག་ཏུ་འཛིན་བྱེད་སྟོན། །སེང་གེ་བཞིན་དུ་ཇི་ལྟར་འཇིགས་པ་མེད། །ཇི་ལྟར་ཟླ་བཞིན་དག་པའི་མདོག་ཏུ་སྤྱོད། །ཆུ་ལ་པད་མོ་བཞིན་དུ་ཆགས་མེད་པ། །དེ་དག་རྒྱལ་བའི་ཡོན་ཏན་ཇི་ལྟར་སྤྱོད། །དེ་སྐད་ཅེས་
D44.035.0287a06.01སྨྲས་པ་དང་། བྱང་ཆུབ་སེམས་དཔའ་ཆོས་ཀྱི་བློ་གྲོས་ཀྱིས། བྱང་ཆུབ་སེམས་དཔའ་བརྩོན་འགྲུས་བློ་གྲོས་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་ཁྱོད་ནི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་།
D44.035.0287a07.01