完整藏文原文 · 德格版页 当前仅加载第 35 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེ་བྲག་འབྱེད་པ་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་སྒྲིབ་མེད་ཉི་མ་ནི། །ཕྱོགས་བཅུ་ཀུན་ཏུ་སྣང་བར་བྱེད། །དེ་ལ་འོད་ཟེར་ཐ་དད་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་ནམ་མཁའི་ཟླ་བ་ནི། །འཇིག་
D44.035.0206a01.01རྟེན་ཀུན་ལ་རབ་ཏུ་སྣང་། །གནས་ནས་འགྱུར་བ་གང་ཡང་མེད། །སངས་རྒྱས་ཆོས་ཉིད་དེ་བཞིན་ནོ། །ཇི་ལྟར་ཚངས་པ་མི་མཇེད་བདག །སྟོང་གསུམ་ན་ནི་འདུག་མོད་ཀྱི། །དེ་ལ་ལུས་ནི་བྱེ་བྲག་མེད། །སངས་རྒྱས་ཆོས་ཉིད་དེ་བཞིན་ནོ། །དེ་ནས་བྱང་ཆུབ་སེམས་
D44.035.0206a02.01དཔའ་འཇམ་དཔལ་གྱིས་བྱང་ཆུབ་སེམས་དཔའ་མིག་གི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་བཞིན་གཤེགས་པ་ལ་དགེ་བ་བསྐྱེད་པ་གཅིག་ཀྱང་དེ་བཞིན་གཤེགས་པ་ལ་དགེ་བའི་རྩ་བ་བསྐྱེད་པའི་སེམས་ཅན་རྣམས་གཟུགས་སྣ་ཚོགས་དང་། ཁ་
D44.035.0206a03.01དོག་སྣ་ཚོགས་དང་། རིགས་སྣ་ཚོགས་དང་། དབང་པོ་སྣ་ཚོགས་དང་། ལོངས་སྤྱོད་སྣ་ཚོགས་དང་། དབང་སྣ་ཚོགས་དང་། འཁོར་སྣ་ཚོགས་དང་། ཡོན་ཏན་སྣ་ཚོགས་དང་། ཕྱུག་དབུལ་སྣ་ཚོགས་དང་། ཤེས་རབ་སྣ་ཚོགས་སུ་ཡང་སྣང་ལ་དེ་བཞིན་
D44.035.0206a04.01གཤེགས་པ་ནི་གང་ལ་ཡང་མི་མཉམ་པའམ། ཐ་དད་དུ་དགོངས་པ་གང་ཡང་མེད་ན་འདི་ཅི་ཞིག །དེ་ནས་བྱང་ཆུབ་སེམས་དཔའ་མིག་གི་དཔལ་གྱིས་བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། ཇི་ལྟར་ས་ནི་རོ་གཅིག་ཀྱང་།
D44.035.0206a05.01ས་བོན་ཚུལ་བཞིན་མྱུ་གུ་སྟོན། །བྱམས་དང་སྡང་བར་སེམས་པ་མེད། །སངས་རྒྱས་ཡོན་ཕུལ་དེ་བཞིན་ནོ། །ཇི་ལྟར་ཆུ་ནི་རོ་གཅིག་ཀྱང་། །སྣོད་ཀྱི་དབང་གིས་རྣམ་པར་འགྱུར། །དེ་བཞིན་སངས་རྒྱས་ཡོན་ཕུལ་བ། །རྒྱུད་ཀྱི་རྣམས་ལ་རྣམ་པར་
D44.035.0206a06.01འགྱུར། །ཇི་ལྟར་སྒྱུ་མཁན་མཁས་པ་ནི། །རྟག་ཏུ་འཁོར་ཀྱང་མགུ་བར་བྱེད། །དེ་བཞིན་སངས་རྒྱས་ཡོན་ཕུལ་བ། །ཤིན་ཏུ་སྦྱངས་པ་དགའ་བར་བྱེད། །ཇི་ལྟར་མཁས་པའི་རྒྱལ་པོ་དག །འགྲོ་བ་མང་པོ་ཤེས་པར་བྱེད། །དེ་བཞིན་སངས་
D44.035.0206a07.01