完整藏文原文 · 德格版页 当前仅加载第 35 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དང་ལྡན་པ་སྟེ། །མི་གནས་ཚུལ་དུ་བཞུགས་པ་ཡིན། །ཆོས་ཀྱི་དབྱིངས་ལ་གཡོ་བ་མེད། །ལ་ལ་དག་གི་ཆོས་ཉིད་ཤེས། །ལ་ལ་དག་ནི་ཆོས་ཀྱང་བརྗོད། །གང་ལ་ཐེ་ཙོམ་མི་མངའ་བའི། །ཡང་དག་སངས་རྒྱས་དེ་རིང་མཐོང་། །སངས་རྒྱས་རྣམས་ཀྱི་ཆོས་ཉིད་
D44.035.0241b01.01འདི། །ཆོས་ཀྱི་བློ་གྲོས་འདི་བརྗོད་དོ། །དེ་ཐོས་ནས་ཀྱང་བདག་ཅག་གིས། །སངས་རྒྱས་བྱང་ཆུབ་བསམ་ཡས་ཤེས། དེ་ནས་བྱང་ཆུབ་སེམས་དཔའ་དཔལ་གྱི་བློ་གྲོས་ཀྱིས་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་
D44.035.0241b02.01བཅད་པ་འདི་དག་སྨྲས་སོ། །ཀྱེ་མ་སངས་རྒྱས་དཔལ་མངའ་བའི། །ཡེ་ཤེས་ཤེས་རབ་ཤིན་ཏུ་ཆེ། །དེ་ལ་འཇིག་རྟེན་ཤིན་ཏུ་རྨོངས། །སངས་རྒྱས་ཆོས་ནི་བསམ་མི་ཁྱབ། །ཚུལ་བཞིན་མ་ཡིན་འདུ་ཤེས་ཀྱིས། །བྱིས་པ་རྣམས་ནི་སེམས་བྱེད་པས། །དེ་ཕྱིར་
D44.035.0241b03.01འདུ་ཤེས་ཀུན་སྦྱངས་པའི། །སངས་རྒྱས་རྣམས་ནི་མི་མཐོང་ངོ་། །ཤེས་རབ་ཆུང་བ་ཐམས་ཅད་ནི། །ཕུང་པོའི་འདུ་ཤེས་རྣམས་ལ་གནས། །ཕུང་པོ་རྣམ་པར་མ་བསྒོམས་པས། །དེ་བཞིན་གཤེགས་པ་མི་མཐོང་ངོ་། །དངོས་མེད་དངོས་སུ་བཤད་པ་ནི། །བདག་གི་དངོས་
D44.035.0241b04.01ཤེས་བྱ་བ་ཡིན། །ཆོས་རྣམས་ཐམས་ཅད་ཤེས་གྱིས་ཤིང་། །རྒྱལ་བ་རྣམ་པར་སྣང་མཛད་ལྟོས། །སྔོན་ཆད་ཕུང་པོའི་ཚུལ་བཞིན་དུ། །མ་འོངས་རྣམས་ཀྱང་སུས་མཐོང་བ། །མ་འོངས་པ་ཡི་ཚུལ་ཤེས་པས། །སངས་རྒྱས་བསམ་གྱིས་མི་ཁྱབ་ལྟོས། །ཇི་ལྟར་སྣང་བ་མེད་པ་ཡི། །མུན་པའི་ནང་ན་
D44.035.0241b05.01གཟུགས་མི་སྣང་། །དེ་བཞིན་ཆོས་རྣམས་བཤད་པ་ནི། །མཁས་ཀྱང་ཤེས་པར་མི་རུང་ངོ་། །ཇི་ལྟར་དྲི་མ་ལྡན་མིག་གིས། །གསལ་བའི་གཟུགས་ཀྱང་མི་མཐོང་བ། །དེ་བཞིན་སེམས་ནི་མ་སྦྱངས་པས། །སངས་རྒྱས་ཆོས་ནི་མི་མཐོང་ངོ་། །ཇི་ལྟར་ཉི་མ་
D44.035.0241b06.01བསྒྲིབས་མེད་པ། །རབ་རིབ་ཅན་གྱི་མི་མཐོང་བ། །དེ་བཞིན་ཕུག་ན་གནས་སེམས་ཀྱིས། །སངས་རྒྱས་དག་ནི་མི་མཐོང་ངོ་། །དེ་བས་མིག་ནི་རྣམ་པར་སྦྱོངས། །གཟུགས་ཀྱི་འདུ་ཤེས་རྣམ་པར་བསྒོམས། །ཆོས་རྣམས་མཐོང་བ་མེད་པ་ཡིས། །འོད་མཛད་
D44.035.0241b07.01