完整藏文原文 · 德格版页 当前仅加载第 35 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ཆོས་ཀྱི་དཔལ་གཟི་བརྗིད་དགའ་བ་དང་། དྲི་མེད་སྣ་ཚོགས་རྒྱ་མཚོ་དང་། ཤེས་རབ་མཆོག་གི་འོད་དང་། ཡེ་ཤེས་དབང་པོའི་དཔལ་དང་། དགའ་བ་ཞི་བ་དང་། སྒོ་ཀུན་ནས་ཤེས་པའི་{མྱིག་,མིག་}དང་། དགའ་བའི་གཙུག་གི་བློ་གྲོས་དང་། ཡོན་ཏན་བློ་གྲོས་
D44.035.0012a01.01བཟང་པོའི་འོད་དང་། འོད་ཞི་ཞིང་དྲི་མ་མེད་པ་དང་། ལྷའི་བུ་སྣང་བ་ཆེན་པོ་དྲི་མ་མེད་པ་དང་། དེ་དག་ལ་སོགས་པ་འབྲས་བུ་ཆེན་པོའི་རིས་སུ་གཏོགས་པའི་ལྷའི་བུ་ཚད་མེད་པ་ཀུན་ཀྱང་ཞི་བའི་ཆོས་ཀྱི་གཞལ་མེད་ཁང་ལ་ཀུན་ནས་རབ་ཏུ་གནས་པ་ཤ་སྟག་དང་ཐབས་གཅིག་གོ །ལྷའི་བུ་
D44.035.0012a02.01དབང་ཕྱུག་ཆེན་པོའི་རིས་སུ་གཏོགས་པ་གྲངས་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་བུ་ཤིན་ཏུ་འོད་འཕྲོ་རྒྱ་མཚོ་དང་། ལྷའི་བུ་དབང་ཕྱུག་གྲགས་པ་རབ་ཏུ་སྣང་བ་དང་། ལྷའི་བུ་དགེ་བའི་མིག་དྲི་མ་མེད་པ་དང་། ལྷའི་བུ་ཤེས་རབ་ཆེན་པོས་དགའ་ཞིང་སྤྲོ་བ་དང་། ལྷའི་
D44.035.0012a03.01བུ་འོད་མི་སྒུལ་བའི་དབང་ཕྱུག་དང་། ལྷའི་བུ་མིག་ཤིན་ཏུ་མཉམ་པར་གཞག་པ་དང་། ལྷའི་བུ་སྣང་བ་ཤིན་ཏུ་སེམས་པ་དང་། ལྷའི་བུ་ཡེ་ཤེས་ཆེན་པོས་དགའ་བ་དང་། ལྷའི་བུ་སྣ་ཚོགས་ཀུན་ཏུ་དབྱངས་ཀྱི་རྒྱལ་མཚན་དང་། ལྷའི་བུ་གྲགས་པ་རྣམ་པར་སྣང་བའི་བརྟུལ་ཞུགས་
D44.035.0012a04.01བཟང་པོ་དང་། དེ་དག་ལ་སོགས་པ་དབང་ཕྱུག་ཆེན་པོའི་རིས་སུ་གཏོགས་པའི་ལྷའི་བུ་གྲངས་མེད་པ་ཀུན་ཀྱང་སྤྱོད་ཡུལ་མཚན་མ་མེད་པའི་མཉམ་པ་ཉིད་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་སྟེ། དེ་བཞིན་གཤེགས་པའི་འཁོར་གྱི་དཀྱིལ་འཁོར་རྒྱ་མཚོ་དེ་ནི་སེམས་ཅན་གྱི་
D44.035.0012a05.01རིས་ཐམས་ཅད་ཡང་དག་པར་གཞོལ་བའོ། །སེམས་ཅན་ཡོན་ཏན་མཐའ་ཡས་པ་འདུས་པ་ལས་ཡོངས་སུ་བྱུང་བའོ། །ཕྱོགས་ཀྱི་དབྱིངས་ཀུན་ན་ཤིན་ཏུ་གནས་པའོ། །འཁོར་གྱི་དཀྱིལ་འཁོར་སྣ་ཚོགས་ཀྱི་དབྱིངས་སུ་རྣམ་པར་གནས་པའོ། །ཕན་ཚུན་འདྲེས་པ་མེད་
D44.035.0012a06.01ཅིང་ཇི་ལྟར་འོངས་པའི་ཕྱོགས་ཀྱི་དབྱིངས་ལ་རབ་ཏུ་གནས་པའོ། །དེ་བཞིན་གཤེགས་པ་བལྟ་བ་ལ་མངོན་པར་ཕྱོགས་པའོ། །ཉོན་མོངས་པའི་བག་ཆགས་དང་། སེམས་ཀྱི་དྲི་མ་ཐམས་ཅད་དང་བྲལ་བའོ། །བསྒྲིབས་པ་ཐམས་ཅད་ཀྱི་རི་རྣམ་པར་འཐོར་བའོ། །སངས་རྒྱས་བལྟ་
D44.035.0012a07.01