完整藏文原文 · 德格版页 当前仅加载第 35 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱའོ། །ཆུ་ཀླུང་གི་ལྷ་ཡོན་ཏན་གྱི་ཤུགས་ཡངས་པའི་རྒྱལ་མཚན་གྱི་རྣམ་པར་ཐར་པ་ནི། ཐམས་ཅད་ཚིམ་པར་བྱེད་པའི་བསོད་ནམས་ཀྱི་ཞིང་རབ་ཏུ་འབྱུང་བ་ཞེས་བྱའོ། །ཆུ་ཀླུང་གི་ལྷ་འཇིག་རྟེན་ཐམས་ཅད་ཀྱི་དཔལ་གྱི་རྣམ་པར་ཐར་པ་ནི། སེམས་ཅན་
D44.035.0042b01.01ཐམས་ཅད་ཀྱི་ཉོན་མོངས་པ་རྣམ་པར་བྱང་བར་བྱེད་ཅིང་། འཁོན་དུ་འཛིན་པ་དམ་པོ་དང་། ཁྲོ་བའི་ཤུགས་དང་བར་བྱེད་པ་ཞེས་བྱའོ། །ཆུ་ཀླུང་གི་ལྷ་ཚོགས་ཆེན་པོ་རྒྱ་མཚོ་དཔལ་གྱི་འོད་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་བདེ་བ་ཕུན་སུམ་ཚོགས་པ་མྱོང་
D44.035.0042b02.01བར་བྱེད་ཅིང་ཐར་པ་རྒྱ་མཚོ་ལ་འཛུད་པ་ཞེས་བྱའོ། །དེ་ནས་ཆུ་ཀླུང་གི་ལྷ་ཆུ་བོ་ཀུན་དང་ལྡན་པས་སངས་རྒྱས་ཀྱི་མཐུས། ཆུ་ཀླུང་གི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
D44.035.0042b03.01ཆོས་རྣམས་རྒྱ་མཚོ་མཐའ་ཡས་སྤྱོད་པ་དག །སྔན་ཅད་རྒྱལ་བས་སེམས་ཅན་དོན་དུ་སྦྱངས། །འཇིག་རྟེན་བཀང་ཞིང་ཉོན་མོངས་གདུངས་པའི་རྣམས། །སྤྲིན་ཆེན་ཆར་བཞིན་རབ་ཏུ་ཞི་བར་མཛད། །བསྐལ་པ་བརྗོད་དུ་མེད་པར་རྒྱལ་བས་སྔོན། །
D44.035.0042b04.01སྨོན་ལམ་འོད་ཀྱིས་སེམས་ཅན་དབྱིངས་ཤེས་ཤིང་། །འགྲོ་བ་ཡོངས་སྨིན་དབང་པོ་ཆོས་ཀྱང་མཁྱེན། །འཁྱིལ་པ་ཞེས་བྱ་ཆུ་ཀླུང་ལྷ་དགའ་འོ། །འགྲོ་དང་མཉམ་པའི་སྙིང་རྗེའི་ཚུལ་བསྒོམས་ཤིང་། །མགོན་པོ་སེམས་ཅན་ཉོན་མོངས་དྲི་མ་སྦྱོང་། །
D44.035.0042b05.01ཡོངས་སྨིན་སེམས་ཅན་རྒྱལ་བ་མངོན་དུ་ལྟ། །དེ་ལ་དྲི་མེད་མིག་གི་ལྷ་ཡང་མོས། །དེ་བཞིན་གཤེགས་པའི་དབྱངས་སྙན་རྒྱ་ཆེན་ནི། །ཀུན་ཏུ་བསྒྲགས་པས་འགྲོ་བའི་སྡུག་བསྔལ་ཞི། །སངས་རྒྱས་དབྱངས་སྙན་ཐོས་ནས་དགའ་མགུ་ཡིད། །རྣམ་
D44.035.0042b06.01ཐར་འདི་ནི་སྒྲ་དབྱངས་སྒྲོག་པས་ཐོས། །བསྐལ་པ་རྒྱ་མཚོར་འགྲོ་ལ་ཕན་དོན་དུ། །སྔན་ཅད་བྱང་ཆུབ་སྤྱོད་པ་སྤྱད་མཐོང་ན། །དེ་ཕྱིར་དེ་ནི་ཕྱོགས་བཀང་འཇིག་རྟེན་མཛེས། །ལམ་རྒྱུད་སྐྱོབ་པ་རྗེས་སུ་དྲན་ཞིང་དགའ། །རྒྱལ་བ་སྔན་ཅད་སྤྱད་པ་སྤྱོད་
D44.035.0042b07.01