完整藏文原文 · 德格版页 当前仅加载第 35 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྒྱན་གྱི་རྣམ་པར་ཐར་པ་ནི། དགའ་བ་དང་མགུ་བ་མཐའ་ཡས་པའི་ཆོས་ཀྱི་སྣང་བ་ཞེས་བྱའོ། །ཉིན་མོའི་ལྷ་མེ་ཏོག་དང་སྤོས་ཡིད་དུ་འོང་བའི་རྣམ་པར་ཐར་པ་ནི། སེམས་ཅན་མཐའ་ཡས་པའི་མོས་པ་ཡང་དག་པར་རྒྱས་པ་ལ་རྣམ་
D44.035.0034a01.01པར་ལྟ་བ་ཞེས་བྱའོ། །ཉིན་མོའི་ལྷ་ཀུན་ནས་ཡིད་དུ་འོང་བའི་སྨན་སྟོན་པ་སྒྲུབ་པའི་དཔལ་གྱི་རྣམ་པར་ཐར་པ་ནི། ཀུན་ཏུ་འོད་ཀྱི་སྟོབས་ཡང་དག་པར་བསྒྲུབ་པ་རྣམ་པར་སྟོན་པའི་རྒྱན་ཅེས་བྱའོ། །ཉིན་མོའི་ལྷ་ལྷག་པའི་མིག་བཟང་པོས་ཚིམ་པར་བྱེད་པའི་རྣམ་པར་
D44.035.0034a02.01ཐར་པ་ནི། འགྲོ་བ་ཐམས་ཅད་ཀྱི་བདེ་བ་དང་། སྡུག་བསྔལ་ཆོས་ཀྱི་དགའ་བས་སྣང་བར་བྱེད་པ་ཞེས་བྱའོ། །ཉིན་མོའི་ལྷ་ཚུལ་རྒྱ་ཆེན་པོའི་ཕྱོགས་ཀུན་ནས་བྱུང་བའི་དཔལ་གྱི་རྣམ་པར་ཐར་པ་ནི། ཆོས་ཀྱི་དབྱིངས་ཀྱི་ཕྱོགས་ཐ་མི་དད་པའི་སྙིང་པོ་ཞེས་བྱའོ། །
D44.035.0034a03.01ཉིན་མོའི་ལྷ་སྙིང་རྗེ་རྒྱ་ཆེན་པོའི་གཟི་བརྗིད་ཀྱི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ལ་བདེ་བ་ཡང་དག་པར་སྟོན་ཅིང་སྐྱོབ་པའི་སྟོབས་ལ་ཤིན་ཏུ་བརྩོན་པ་ཞེས་བྱའོ། །ཉིན་མོའི་ལྷ་སྣང་བ་རྒྱ་ཆེན་པོའི་དགེ་བའི་རྩ་བ་དང་མི་འབྲལ་བའི་འོད་ཀྱི་རྣམ་
D44.035.0034a04.01པར་ཐར་པ་ནི། མཉམ་པ་ཉིད་ཀྱིས་དགའ་བའི་ཡོན་ཏན་ཀུན་ནས་རབ་ཏུ་འབྱུང་བ་ཞེས་བྱའོ། །ཉིན་མོའི་ལྷ་མེ་ཏོག་གི་ཕྲེང་བ་ཀུན་ནས་འཕྱང་བའི་དཔལ་གྱི་རྣམ་པར་ཐར་པ་ནི། འགྲོ་བས་མཐོང་ན་དོན་ཡོད་པའི་གྲགས་པའི་དཀྱིལ་འཁོར་ཅེས་བྱའོ། །དེ་ནས་
D44.035.0034a05.01ཉིན་མོའི་ལྷ་ཁྱིམ་དང་གཞལ་མེད་ཁང་གི་གཟུགས་ཤིན་ཏུ་སྟོན་པས་སངས་རྒྱས་ཀྱི་མཐུས་ཉིན་མོའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སེམས་ཅན་ཀུན་གྱི་སྤྱོད་པ་རྒྱལ་བས་མཁྱེན། །རྒྱལ་
D44.035.0034a06.01བ་དུས་གསུམ་མཉམ་པ་ཉིད་ལ་བཞུགས། །རྒྱལ་བའི་ཡེ་ཤེས་མི་ཟད་ནམ་མཁའ་བཞིན། །རྒྱལ་བའི་འོད་ཀྱིས་ཕྱོགས་རྒྱས་ཤིན་ཏུ་སྣང་། །འགྲོ་བ་ཀུན་གྱི་བསམ་པ་ཐུགས་སུ་ཆུད། །དོན་གྱི་ཚིག་རྣམས་གཞན་དང་གཞན་དག་ཀྱང་། །རྣམ་ཕྱེ་རྒྱ་
D44.035.0034a07.01