完整藏文原文 · 德格版页 当前仅加载第 35 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་གྱུར་པ། །ཞིང་གི་རྣམ་པ་མཁས་ཤིང་རྣམ་ཕྱེའི་ཆོས་མེད་པའོ། །གང་རྣམས་ཕྱོགས་ལ་ཞུགས་ཏེ་ཕྱོགས་ཀྱི་རྗེས་འབྲང་ཞིང་། །ཕྱོགས་ཀུན་ཚད་ནི་རྗེས་སུ་ཤེས་པར་མ་གྱུར་པ། །དེ་དག་དབུས་མས་ཕྱོགས་ཀྱི་རྗེས་སུ་འགྲོ་བྱེད་ཅིང་། །ཞིང་རྣམས་སྦྱོང་ཡང་ཡོངས་
D44.035.0281b01.01སུ་དག་རྟོགས་ཆགས་པ་མེད། །སྟོབས་ལ་འཇུག་པས་རྒྱལ་བ་རྣམས་ཀྱི་སྟོབས་ཤེས་པ། །འགྲོ་བ་རྣམས་ཀྱི་གནས་དང་གནས་མིན་བསམ་བྱས་ནས། །འདས་དང་མ་འོངས་ད་ལྟར་བྱུང་བའི་ལས་ཀྱིས། །ཡང་དག་རྟོགས་བྱས་ལས་ཀྱི་རྣམ་པར་སྨིན་ལ་གནས། །
D44.035.0281b02.01འཇིག་རྟེན་ཀུན་མཁས་སྣ་ཚོགས་ཐ་དད་ཇི་བཞིན་དུ། །སྲིད་གསུམ་རྣམ་པར་རྒྱུ་བའི་ཚུལ་ཡང་ཅི་བཞིན་དང་། །དབང་པོ་རྣོན་པོ་འབྲིང་དང་དབང་པོ་ཐ་མར་ཡང་། །འགྲོ་བ་མ་ལུས་ཀུན་གྱི་དབང་པོ་རྣམ་པར་འབྱེད། །མོས་པ་རྣམ་པ་སྣ་ཚོགས་དགེ་དང་མི་དགེ་
D44.035.0281b03.01དང་། །བཟང་ངན་དེ་བཞིན་འབྲིང་ལ་རྣམ་པར་སེམས་བྱེད་ཅིང་། །འགྲོ་བ་ཀུན་ན་འགྲོ་བ་བརྟན་པ་རྣམ་པར་འབྱེད། །སྲིད་གསུམ་རྒྱུ་ཡི་རྒྱུད་ཀྱང་རབ་ཏུ་ཤེས། །བསམ་གཏན་རྣམ་ཐར་ཉོན་མོངས་ཇི་བཞིན་མཚན་མཐོང་ཞིང་། །ཉོན་མོངས་མཚམས་སྦྱོར་རྣམ་
D44.035.0281b04.01བྱང་ཅི་འགྱུར་དང་། །སྔོན་ཆད་གནས་ཀྱི་བདེ་དང་སྡུག་བསྔལ་རྒྱུད་རྣམས་ཀྱང་། །བརྟན་པ་རྣམས་ནི་སངས་རྒྱས་སྟོབས་རྣམས་སྦྱོང་བར་བྱེད། །ཇི་ལྟར་འགྲོ་བའི་ལམ་རྒྱུད་ཉོན་མོངས་ལས་འཇུག་དང་། །འགྲོ་རྒྱུད་ཐམས་ཅད་འཇིག་ཅིང་ཞིག་འགྱུར་
D44.035.0281b05.01ཐམས་ཅད་དང་། །ཟག་པ་སྣ་ཚོགས་རྣམས་ཀྱང་ཇི་ལྟར་སྐྱེས་འགྱུར་བ། །བག་ཆགས་མཚམས་སྦྱོར་ཅི་བཞིན་དེ་བཞིན་རབ་ཏུ་འཇུག །ཇི་ལྟར་འཇིག་རྟེན་ཉོན་མོངས་ཟད་ཅིང་དག་གྱུར་པ། །དེ་ལ་སྐྱེས་བུ་ཁྱུ་མཆོག་སྤྱོད་པའི་བློ་དང་ལྡན། །སྟོབས་འཆང་
D44.035.0281b06.01དག་ནི་སྟོབས་བཅུ་རྣམས་ཀྱི་འོད་སྣང་སྟེ། །རྒྱལ་བའི་སྟོབས་ཀྱང་ཐོབ་མིན་ཐེ་ཙོམ་ཡོད་པ་མིན། །སྤུ་རྩེ་གཅིག་ལ་གང་རྣམས་རྣམ་པར་སེམས་བྱེད་ཅིང་། །ལ་ལ་ཉོན་མོངས་ལ་ལ་དོག་དང་ཡངས་པ་ཡི། །སྣ་ཚོགས་ཞིང་རྣམས་ཚད་ལས་འདས་པ་ཀུན་
D44.035.0281b07.01